Maratón de lectura

O día 2 de Abril, Día Internacional do Libro Infantil e Xuvenil, o alumnado de cuarto curso do noso colexio acudiu á Fundación Eugenio Granell en Santiago para participar nunha maratón de lectura de contos.

Esta fundación leva varios anos organizando esta actividade para conmemorar a data e invita a participar a tódolos colexios da bisbarra. Así, durante toda a xornada, túrnanse para ler de maneira ininterrumpida moitos nenos e nenas de diferentes colexios.
Este ano a proposta era a lectura de Contos de Grimm para o alumnado de Primaria e o libro “As flores radiactivas” para o alumnado de Secundaria. Cada sesión era iniciada por un un persoeiro relacionado coa literatura infantil que lles dedicaba a lectura dun conto. A continuación, cada colexio participante dispuña dunha hora para a súa lectura ininterrumpida.