Mochilas viaxeiras
A semana pasada comezaron a súa andaina as Mochilas Viaxeiras da nosa "biblio". Xa que os pais e nais do noso alumnado non dispoñen de tempo para acudir á nosa biblioteca; é ela a que se achega ás casas, ás familias, para dar a coñecer unha pequena mostra dos seus fondos e facilitar o desfrute de compartir as lecturas en familia.
Cada mochila leva no seu "bandullo" unha selección de libros de diversos xéneros pensados para que comparta e disfrute toda a familia (álbum ilustrado, poesía, cómic, revista, dvd,...) e que permanecerá en cada casa durante uha semana.
Ao lote de libros acompaña tamén un caderno, que demos en chamar "o caderno viaxeiro", que será o diario de viaxe da mochila. Nel queremos que as familias comenten a súa experiencia e nos fagan chegar calquera suxestión que lles parezca de interese. Este curso a expereincia será piloto nun par de niveis; pero pretendemos que o vindeiro, esta actividade poida extenderse a todo o alumnado.
BOA VIAXE, MOCHILAS!!