Lecturas para a Paz

A zona de exposición da nosa biblioteca acollerá durante un tempo Lecturas para a Paz, unha escolma de libros que contan fermosas historias con temas relacionados coa Paz. Historias que lembran o horror das guerras como "Guernica" ou "Comandante Hussi"; historias de inmigrantes e a súa dificil adaptación a novos países hostiles como "A lagoa das nenas mudas"; ou contos que nos axudarán a coñecer a outros pobos e os seus costumes, para comprendelos e aprender a convivir xuntos en Paz. Moitos deles teñen ademais fermosas ilustracións que añaden interese e disfrute á súa lectura. Non deixes de achegarte para coñecelos!!

Na "biblio" e nas aulas contarás cunha pequena guía sobre algúns destes libros que che poderá orientar sobre a súa temática.