INICIANDO 3º TRIMESTRE

Dom, 2024-04-07 15:11 — monicas

Blogue de Mónica

INICIAMOS O 3º TRIMESTRE, CONTINUANDO CON PROPOSTAS RELACIONADAS COAS TEMÁTICAS XA INICIADAS COMO A MÚSICA, A BANDA DESEÑADA, HORTO E OS ANIMAIS, ACTIVIDADES DE LOXICAMATEMÁTICA E IMOS INCORPORANDO ACTUACIÓNS SEGUNDO AS CONMEMORACIÓNS QUE ATOPAMOS NO CALENDARIO COMO FOI NESTA SEMANA, O DÍA DO AUTISMO.

- APROVEITAMOS A BARALLA, UN RECURSO COTIÁ, PARA ORDENAR A SERIE NUMÉRICA E IDENTIFICAR AS CARTAS DO MESMO PAU

- TRABALLAMOS O CONTEO CON DEDOS E OUTROS MATERIAIS APROVEITANDO A DATA DIARIA, COMO FOI O NUMÉRO 5, TAMÉN REALIZANDO ESE CONTEO SOBRE A SERIE NUMÉRICA, OBSERVANDO COMO REMATAN NA MESMA CIFRA SUMANDO DE 5 EN 5, E ATA ONDE CHEGAMOS SUMANDO OS 5 DEDOS DA MAN DE CADA CRIANZA DO GRUPO: SON 75 DEDOS

- VISITAMOS E OBSERVAMOS NO NOSO PEQUENO HORTO COMO XA FLORECEN OS CHÍCHAROS E BROTARON AS CENOURAS, AS PATACAS E AS CEBOLAS QUE PLANTAMOS.

TAMÉN VISITAMOS O XARDÍN DAS PLANTAS AROMÁTICAS, E CHEIRAMOS ALGUNHAS DELAS: TOMIÑO LIMOEIRO, MENTA, ROMEU. E VIMOS MOITAS MIÑOCAS E UNHA XOANIÑA QUE CHAMARON A NOSA ATENCIÓN

- EMPEZAMOS A RELACIONAR A IMPORTANCIA DOS ANIMAIS DOMÉSTICOS PARA OS HUMANOS E COMO É PRECISO O TRABALLO DAS PERSOAS PLANTANDO PRODUCTOS PARA ALIMENTAR A ESES ANIMAIS, COMO POR EXEMPLO AS GALIÑAS, OS PORCOS, AS VACAS,.. DE AÍ A NECESIDADE DE CULTIVAR AS HORTAS PARA CONSUMO DOS HUMANOS PERO TAMÉN DOS ANIMAIS; A CADEA ALIMENTARIA

(O OVO PROCEDE DA GALIÑA QUE SE ALIMENTA DE VERDURAS QUE PLANTA O AGRICULTOR)

- PARA CONMEMORAR O DÍA DO AUTISMO, VISUALIZAMOS UN VIDEO QUE NOS SERVIU PARA DIALOGAR SOBRE COMO NOS VEN OS DEMAIS, PERO ENFATIZANDO NOSOS PODERES E VIRTUDES QUE TEMOS CADA UN DE NÓS E NON NO NEGATIVO E DISCRIMINATIVO, SENÓN POÑENDO EN VALOR O QUE NOS FAI ESPECIAIS E DIFERENTES E A IMPORTANCIA DE RESPECTARNOS A CADAQUÉN COMO SOMOS

- INICIAMOS OS TALLERES INTERNIVEL NO CICLO DE INFANTIL: REALIZAMOS 5 GRUPOS DE CRIANZAS DOS 3 NIVEIS MISTURADAS PARA OFRECERLLES 5 PROPOSTAS LÚDICAS POLAS QUE ROTARÁN CADA VENRES TODOS OS GRUPOS. CADA TITORA E A MESTRA DE APOIO XUNTO COA MESTRA EN PRACTICAS OFRECEN 5 PROPOSTAS: MANUALIDADES, BANDEXAS SENSORIAS, COSTURA E ENSARTADOS, EXPERIMENTOS E ARTE CON MOTRICIDADE.

UNHA PEQUENA MOSTRA DO TALLER DE EXPERIMENTOS QUE EU DIRIXO

NESTA OCASIÓN, OS EXPERIMENTOS ERAN "O GLOBO MÁXICO" E O "VOLCÁN"

PARA QUE SE VAIAN FAMILIARIZANDO CO TEXTO INSTRUCTIVO, COA SÚA ESTRUCTURA ESCRITA, PRESENTÁRONSE OS INGREDIENTES E FORONSE REALIZANDO OS PASOS ATA VER O RESULTADO FINAL, BUSCANDO A PARTICIPACIÓN DAS CRIANZAS PARA FORMULAR HIPÓTESES DO QUE ACONTECERÍA, REALIZANDO AS MISTURAS E OBSERVANDO COMO SE PRODUCEN AS REACCIÓNS QUÍMICAS

GLOBO MÁXICO