SEMANA do 20 ao 24 MARZO
SEGUIMOS, UNHA SEMANA MÁIS, COMPARTINDO ALGUNHAS PROPOSTAS NAS QUE ANDIVEMOS TRABALLANDO NESTE DÍAS:
-- TRABALLO COS NOMES:
*CADA ENCARGAD@, DE CADA DÍA. ESCRIBE O SEU NOME E SINALA AS VOGAIS, DIFERENCIÁNDOAS DAS CONSOANTES, E AS CONTA. EXEMPLOS:
* CADA VEZ REALIZAN UN TRABALLO INDIVIDUAL É UNHA OPORTUNIDADE PARA ESCRIBIR O NOME DE CADA QUEN, PERO NA SEGUINTE OCASIÓN, SE LLES OFRECÍA AS SÚAS LETRAS E TIÑAN QUE ORDENALAS PARA COMPOÑER O SEU NOME. NESTAS ALTURAS, TODAS AS CRIANZAS SON CAPACES DE REALIZAR ESTA TAREFA DE XEITO SATISFACTORIO.
A PROPOSTA DA ACTIVIDADE QUE SE PRESENTOU ERA FACER O TRAZO DA FIGURA HUMANA SEGUINDO AS INDICACIÓNS DA MESTRA, QUE ÍA NOMEANDO AS PARTES DO CORPO COMEZANDO POLA CABEZA E REMATANDO NOS PÉS.
-- ÁNGELA E LAURA, DÚAS MESTRAS EN PRÁCTICAS, VIÑERON COMPARTIR UNHA SESIÓN CON NÓS PARA PROPOÑERNOS UNS XOGOS QUE FOMENTAN A ATENCIÓN, O SENTIMENTO DE CONVIVENCIA, DE GRUPO, COMO ADIVIÑAR ANIMAIS POLOS XESTOS, O TELÉFONO AVARIADO, "SIMÓN DICE"
-- O DÍA 21 DE MARZO, FOI O DÍA DA POESÍA E O INICIO DA PRIMAVERA, E NÓS QUIXEMOS CONMEMORALO, TRABALLANDO SOBRE UN POEMA DE MANUEL MARÍA, O ARCO DA VELLA, DO LIBRO "OS SOÑOS NA GAIOLA", APROVEITANDO A DESCUBRIR AS 7 CORES QUE O COMPOÑEN.
-- LOXICAMATEMÁTICA:
* AGRUPANDO PEZAS E FIGURAS XEOMÉTRICAS ATENDENDO A ALGÚN ATRIBUTO. UN GRUPO DISPOÑÍA DE PEZAS, EN FORMA DE CUBO, DE CORES E OUTRO GRUPO DE DIFERENTES BLOQUES LÓXICOS.
A INDICACIÓN ERA XUNTAR AS PEZAS QUE TIVERAN ALGUNHA CARACTERÍSTICA IGUAL; NUN INICIO, CADA QUEN SE DISPOÑÍA A FACER CONSTRUCCIÓNS COAS PEZAS, ATA QUE ALGUÉN SUXERIU XUNTALAS POLA COR ANTE A INSISTENCIA DE OBSERVAR E PENSAR COMO PODÍAN XUNTALAS.
LOGO, NO CASO DOS BLOQUES LÓXICOS, XURDIU ADEMAIS OUTRAS IDEAS PARA AGRUPALAS SEGUNDO A FORMA, O TAMAÑO OU O GROSOR.
* NESTA OCASIÓN, A PROPOSTA CONSISTÍA EN CREAR CONXUNTOS/GRUPOS QUE TIVESEN MÁIS, MENOS OU IGUAL CANTIDADE DE ELEMENTOS CA O GRUPO DADO. E INTRODUCIR OS SIGNOS
DADO UN GRUPO CON 5 PEZAS CREAR OUTRO CON MENOS CREAR CONXUNTOS CON IGUAL CANTIDADE DE PEZAS
-- SEGUIMOS DESCUBRINDO MÁIS COUSIÑAS SOBRE OS GATOS, NESTA OCASIÓN, TRATÁBASE DE COMPARAR A SÚA PEGADA E A CANTIDADE DE DEDOS COS NOSOS COMO PERSOAS. DESCUBRIMOS QUE TEMOS MOITAS RAIAS NAS MANS E AS DE CADA UN SON DIFERENTES.
-- PSICOMOTRICIDADE:
NA SESIÓN DESTA SEMANA, FIXEMOS UN QUENCEMENTO XOGANDO A "SIMÓN DI.." CON DIFERENTES POSTURAS E MOVEMENTOS DE DESPLAZAMENTO (SALTOS, CATRO PATAS, CARA ATRÁS, DE COSTAS,...)/
LOGO PUXEMOS A PROBA A NOSA COORDINACIÓN E TIÑAMOS ILUSIÓN POR SUBIR POLAS ESPALDEIRAS, PERO A POUCA ALTURA E CADA QUEN AO SEU RITMO SUPERANDO O NOSO MEDO, NALGÚN CASO, E CON APOIO/
COMO PROPOSTA DE XOGO POR GRUPOS E ESTIMULANDO A MOTRICIDADE FINA, TRATÁBASE DE DESPLAZAR UNHAS ARANDELAS CO DEDO POR UN PERCORRIDO/
E SEGUINDO CON RETOS, SUBIMOS AOS ZANCOS POR PRIMEIRA VEZ, E ALGÚNS XA CONSEGUIRON MANTERSE E DESPLAZARSE SEN CAER.
