SEMANA do 13 ao 17 de MARZO

SEGUIMOS TRABALLANDO ARREDOR DO PROXECTO SOBRE OS GATOS, COS NOMES DENTRO DA ESTIMULACIÓN LECTOESCRITORA E SEGUIMOS COÑECENDO A SERIE NUMÉRICA.

-- APROVEITANDO QUE O GATO É UN ANIMAL DOMÉSTICO, VISIONAMOS UNS VIDEOS QUE FALABAN DE ANIMAIS DOMÉSTICOS E SALVAXES E ALGUNHAS CARACTERÍSTICAS PROPIAS 

PREVIAMENTE AO VISIONADO, PUXEMOS EN COMÚN OS COÑECEMENTOS PREVIOS QUE TIÑAN AS CRIANZAS SOBRE AMBOS GRUPOS E POSTERIORMENTE FIXEMOS OUTRA POSTA EN COMÚN, COMPROBANDO QUE EXTRAERAN DO MESMO.

NOUTRA SESIÓN, FIXEMOS DOUS MINIMUNDOS, AGRUPANDO EN ANIMAIS DOMÉSTICOS E SALVAXES, APROVEITANDO ALGUNHAS DAS FIGURAS DE ANIMAIS QUE TEMOS NA AULA.

-- IDENTIFICAR, AGRUPAR OS NOMES SEGUNDO O NÚMERO DE LETRAS. RECOÑECER OS NOMES MÁIS CURTOS E MÁIS LONGOS DO GRUPO

-- MOVERSE SOBRE A RECTA NUMÉRICA, AVANZANDO E RETROCENDO (NESTE CASO, CO CARACOL POL QUE TIÑA UNHA NENA) A CANTIDADE INDICADA POLO DADO EN CADA TIRADA, PARA IR INTERIORIZANDO ESTAS NOCIÓNS AO TEMPO QUE IDENTIFICAN A CANTIDADE E O CARDINAL AO QUE CHEGAN. POR EX.: SE ESTOU NO 7, E RETROCEDO A CANTIDADE QUE SAIU NO DADO, QUE É 6, CHEGO AO 1.

-- APROVEITANDO UNHA MAÑÁ DE BO TEMPO, E QUE SE CONMEMOROU O DÍA DOS RÍOS, SAÍMOS DAR UN PASEO GRUPAL, TODO O ALUMNADO DE INFANTIL, POLA NOSA CARBALLEIRA COLINDANTE E ACHEGÁMONOS A VER O RÍO TELLA, QUE DISCORRE PRETO DO NOSO COLEXIO. FOI UN AGRADABLE E PROVEITOSO PASEO: ATOPAMOS PAUS CON FORMAS DE LETRAS, DESCUBRIRON A PLANTA DO TOXO, COÑECERON OS INSECTOS QUE CAMIÑABAN POR ENRIBA DA AUGA NO RÍO, OS ZAPATEIROS, AFRONTARON O RETO DE BAIXAR A PENDENTE QUE NOS ACHEGA Á BEIRA DO RÍO.

-- PSICOMOTRICIDADE: DESPOIS DE FACER QUENCEMENTO XOGANDO AS ESTATUAS CON POSTURAS CORPORAIS, NESTA OCASIÓN ANDIVEMOS USANDO A CORDA COMO RECURSO PARA INTRODUCIR OS CONCEPTOS ESPACIAIS DENTRO E FÓRA DUN CAMIÑO, E POR ENRIBA E POR DEBAIXO DA MESMA PARA PISAR-SALTAR E GATEAR-ARRASTRARSE