CONMEMORACIÓN DO 25 N
ESTE CURSO TAMPOUCO PODÍAMOS DEIXAR DE CONMEMORAR NO CENTRO, UNHA DATA TAN SINALADA COMO É O DÍA CONTRA A VIOLENCIA DE XÉNERO.
DENDE A COMISIÓN DE BIBLIOTECA, EN COORDINACIÓN CO EQUIPO DE ACTIVIDADES EXTRAESCOLARES E DE NORMALIZACIÓN LINGÜÍSTICA, ACORDAMOS UN LEMA, EN TORNO AO CAL XIRARÍAN AS PROPOSTAS QUE SE ABORDASEN NAS AULAS CO ALUMNADO SOBRE ESTA TEMÁTICA.
CONSIDERAMOS QUE A VIOLENCIA SE COMBATE CON EDUCACIÓN, POR ISO, O LEMA ELIXIDO LEVA DOSES DE VALORES POSITIVOS, QUE TRATAN DE EVITAR CHEGAR Á VIOLENCIA TANTO FÍSICA COMO PSÍQUICA;
"NON AO MALTRATO, SI AO BO TRATO"
Diversas foron as propostas que, baixo dito lema, encheron a entrada á nosa biblioteca, como diversidade existe na nosa sociedade, procurando buscar o respecto, a tolerancia, a liberdade de expresión, a igualdade de oportunidades,...
A nosa comunidade educativa rexeita calquera tipo de manifestación violenta e así o quixeron expresar mediante diversos exemplos:
- as crianzas máis pequenas do centro decoraron o lema nun gran mural coas súas mans tinguidas de negro (loito) e de violeta (feminismo), ademais de reflexionar sobre a temática a partir de varios contos como: "Non a todas as nenas lles gusta o rosa", "las muñecas son para las niñas" ou " o chuvasqueiro de Aurora", a partir do cal escribiron mensaxes negativas de rexeitamento das accións negativas sobre o xénero feminino que logo convertiron en avións para lanzar lonxe e afastar a violencia
- un grupo dos máis maiores fixo un rap en contra da violencia de xénero, que nese día interpretou por todo o centro.
- outro grupo de alumnado traballou a partir do conto "hay algo más aburrido que ser una princesa rosa?", Raquel Díaz Reguera- reflexionaron como lles gustarían que fosen as súas princesas: libres, valentes, independentes
- non faltaron as flores que queremos que agromen con valores positivos que favorezan o bo trato
- unha montaxe de fotos que indican accións de bo trato no propio centro, nas que as propias crianzas son as protagonistas, nelas obsérvanse mostras de axuda, de apoio, de felicidade, de respecto,..
- outros grupos recórdannos unha manchea de mensaxes, verbas e accións positivas que axudan a fomentar o bo trato nos demais, ao respecto polas diversas opinións, e conseguir unha convivenvia positiva, contribuir á felicidade consigo e cos demais, ... presentados en forma de corazóns ou da "porta violeta"
