8M - Día Internacional da Muller
Como ben sabedes, o luns reivindicamos o "Día Internacional da Muller"
Aquí vos deixamos un SYMBALOO, con recursos para traballar contidos educativos relacionados con esta temática.
Premede na imaxe!!
Por que? E por que o 8 de marzo?
Esta data elixiuse para conmemorar dúas importantes folgas de traballadoras que se produciron en 1857 e 1908. Considérase que ambas ocorreron un 8 de marzo!!
A primeira delas protagonizárona as mulleres traballadoras dunha fábrica téxtil de Nova York. Naquela época, a maioría de empregados do sector eran mulleres, que traballaban máis de 12 horas diarias cun salario moi baixo, no cal, ademais, existía unha gran brecha salarial.
As xornadas laborais esgotadoras e estas pésimas condicións de traballo, fixeron que as mulleres organizasen unha folga. Organizaron unha marcha pola cidade para reivindicar os seus dereitos, aínda que o que recibiron foi unha gran represión por parte da policía.
En 1908 produciuse outra revolta en Estados Unidos. Neste caso, 40.000 costureras de moitas grandes fábricas do país declaráronse en folga para reclamar a igualdade de dereitos, entre outras reivindicacións.
Nunha delas, Cotton Téxtil Factory, en Washington Square, ocorreu unha traxedia. Os donos desta empresa pecharon as portas das fábricas onde se atopaban as mulleres. O suceso tráxico produciuse por un incendio nese edificio, o que provocou a morte de 120 mulleres.
Desde 1911 celébrase o Día da Muller Traballadora, aínda que non foi ata 1975 cando a Asemblea Xeral das Nacións Unidas establecese este día como o "Día Internacional da Muller".
Por sorte, temos avanzado moito nesta loita. Especialmente, na maioría dos paises "desenvolvidos".
Pero compre seguilo a facer! Buscando un mundo mellor en todos os paises e culturas do planeta! No que os dereitos de todos os homes e mulleres camiñen á par.
COMUNICADO DAS MULLERES DO CEIP DA RAMALLOSA POLO 8M
Estimadas familias: O luns 8 de marzo é o “Día da Muller”, data na que se intenta visibilizar a desigualdade social que sufrimos as mulleres. Este ano é aínda máis importante destacar as innumerables discriminacións que estamos a sufrir, agravadas claramente durante a pandemia. O corazón pídenos secundar a folga convocada para ese día, máis somos conscientes que na situación actual é moi complexo e podemos poñer en risco a seguridade que tanto esforzo nos custou este curso acadar no centro. Por iso, a maioría das traballadoras do colexio decidimos acudir ao noso posto de traballo a pesares de apoiar totalmente a convocatoria, e queremos deixar constancia do noso sentir. Desenvolveremos unha xornada escolar segura pero ao mesmo tempo activa, con achegas didácticas que axuden a seguir, paso a paso, construíndo unha sociedade máis xusta. Cuestións que ademais forman parte do currículum e que como ben sabedes tratamos de abordar transversalmente e continuamente no día a día na nosa tarefa educativa.
Neste curso, aínda que non houbo unha proposta conxunta a nivel centro, si houbo traballo por aulas sobre esta temática (exemplo: uns banderíns coa data conmemorativa e creacións de mulleres importantes para as crianzas, debuxo do símbolo feminino / carteis con fotografías de mulleres importantes,...)
Pola outra parte, o alumnado de 2º e 6º de primaria tivo a boa sorte de gozar dunha estupenda obra de teatro, neste día especial, como é o DÍA DA MULLER.
"A CABALEIRA", era o título da obra, dirixida por Xurxo Barcala e interpretada por Miguel Guido e Beatriz Bravo,para un grupo de alumnado que gozou da peza.
Puxeron enriba do escenario o papel da muller na época medieval cando os reinos, por tradición, eran governados polos fillos baróns.
Máis neste caso, un rei tiña unha filla que non podía gobernar, e ademais non lle gustaba bailar, nin coser, nin pintar,... solo montar a cabalo. O rei viuse na situación de sacar un concurso para os cabaleiros; aquel que fose o máis valente, gobernaría o reino e casaría coa súa filla.
Aquela idea non lle gustaba nada á rapaza, polo que fíxose pasar por un cabaleiro, loitou contra outros cabaleiros, e foi a gañadora; a cabaleira máis valente.
Polo que o rei tivo que cumprir o prometido e foi así como a filla conseguiu o reinado e "casar consigo mesma", pois ademais ela non quería casar con ninguén.
Visita outras actividades de aula premendo nas seguintes imaxes!!
