EN CADA SESIÓN UNHA CANCIÓN
EN CADA SESIÓN UNHA CANCIÓN
No presente curso 2021-2022, o xeito de empezar as clases de relixión, despois de saudarnos como merece, é escoitando unha canción proposta por
min en forma de “agasallo” ao alumnado.
POR QUE?
Porque entendo que por medio da música é un xeito en que o alumnado pode chegar a coñecerme un pouco máis.
Porque a música é evocadora e transmisora de emocións que poden axudarnos a traballar mellor.
Porque é unha maneira de traballar a sensibilidade de apreciar o descoñecido.
QUE TIPO DE MÚSICA ESCOITAMOS?
Temas propostos por min, que normalmente non se escoitan en canles habituais ao que o alumnado acostuma a acudir.
Todo tipo de xéneros musicais: Tradicional, Jazz, Música clásica, Rock and roll, Soul, Pop....
Non escoitamos música en cuxas letras se denigre ás persoas por cuestións de xénero, condición social.... ou que transmitan contravalores.
COMO ESTÁ RESULTANDO A EXPERIENCIA?
Unha vez vencida a resistencia inicial do alumnado a escoitar música descoñecida por eles e ao estar consolidado este momento como parte da sesión,
a experiencia está cumprindo os obxectivos.
Premendo AQUÍ podedes ver a música escoitada neste primeiro trimestre. Para poder escoitala debedes premer no asterisco
que acompaña cada fotografía.
