Na última semana de outubro realizamos a xa tradicional exposición de cabazas decoradas para celebrar o Samaín que o alumnado do centro preparou nas súas casas coa axuda da súa familia.
Na seguinte galería podedes gozar coa enorme creatividadee imaxinacióndos seus traballlos.
A FAOcelebra cada ano o Día Mundial da Alimentación o 16 de outubro, ao conmemorar a fundación da Organización en 1945. Organízanse eventos en máis de 150 países de todo o mundo, facendo que sexa unha das xornadas máis celebradas do calendario da ONU.
No Manuel Sueiro unímonos á conmemoración traballando sobre a fame infantil no mundo. Visitamos 8 países (Afganistán, Nixeria, Iemen, Bharat, Serra Leona, Madagascar,Etiopía, Malí e Honduras) que nos mostraron o camiño cara o lema deste ano “ A NOSA META: FAME CERO”.
Tentamos concienciarnos da necesidade e responsabilidade do non desperdicio de comida no noso contorno, colexio, familia,... para non esquecer os obxectivos da axenda 2030.
Ao longo da semana do Día da alimentación, cada curso do cole pescudou información sobre un país dos que aínda se pasa fame no mundo e elaborou un lema sobre a Fame cero e o despercidio de alimentos.
Para rematar, o último día, o alumnado de cada curso expuxo ao resto do cole o resultado das súas pescudas e o lema elaborado.
Dende a área de ciencias sociais, no curso de 6º de educación primaria, estamos a traballar o tema "O home e a terra"dun xeito diferente.
Creemos que tanto o tema da contaminación coma o cambio climático e as solucións que nós podemos aportar é algo que necesitamos interiorizar para podelo pór en práctica no noso día a día.
Por iso, achegámonos á biblioteca para completar a información recollida na aula e elaboramos un Lap Bookque nos será de gran axuda para logralo.
Nas escaleiras de acceso á biblioteca, realizamos un gran cartaz alegórico á temática do noso PDI de centro que traballaremos ao longo do curso 2021/2022 nas aulas, baixo o título:
"O SUEIRIÑO A DIVERSIDADE RESPECTA, TRABALLEMOS XUNTOS A PROL DO PLANETA!".
Presentación dos traballos que realizaremos ao longo do curso:
O 15 de xaneiro realizamos un obradoiro de reciclaxe con persoal de SOGAMA, dentro do programa "Recíclate con SOGAMA" no que traballamos de forma activa a reciclaxe de diferentes produtos de refugallo que se xeran nas nosas cidades e pobos.
Cos coñecementos adquiridos elaboraremos un traballo de documentación co que exporemos ao resto da comunidade educativa como debemos proceder para reciclar nas nosas casa e no cole os produtos de refugallo que xeremos.
O alumnado de 4º e 5º de Ed. Primaria reulilizaron materias de refugallo para elaborar adornos de Nadal cos que decorar os corredores do cole e as súas aulas.
Este curso, por ser un dos 25 centro de toda Galicia que está a participar no programa "Recíclate con SOGAMA", foinos adxudicada "Unha illa de reciclaxe" que localizamos na entrada do noso cole, nun lugar destacado, para que sexa empregada por toda a comunidade educativa nas tarefas de recolección selectiva dos refugallos que xeramos no centro.
A illa de reciclaxe está decorada cun muralque iremos completando ao longo do curso con tapóns de botellas.
Este curso participamos no programa "Recíclate con Sogama" que é un programa de educación ambiental canalizado a través do Plan Proxecta que ten por obxecto promover a participación e implicación da comunidade educativa na xestión sustentable dos residuos urbanos mediante o consumo responsable, a redución de produción de refugallos e o fomento da reutilización e a reciclaxe (as tres RRR).
Para facilitar esta tarefa, dispoñemos dunha pequena infraestrutura que nos achegou Sogama e que se denomina "illa de reciclaxe", conformada á súa vez por tres contedores de 120 litros de capacidade cada un (amarelo, para as latas, briks e envases de plástico; azul, para o papel/cartón; e verde, para a fracción non reciclable.
O fin último desta iniciativa é que o alumnado, ademais de ser parte activa na mellor xestión dos refugallos producidos no ámbito escolar, actúe como axente dinamizador das boas prácticas ambientais a instaurar na súa contorna familiar e social, contribuíndo desta forma para incrementar as taxas de reciclaxe en Galicia e, por tanto, aos beneficios asociados, tanto a nivel ambiental (aforro de enerxía e materias primas) como económico (diminución dos custos para os concellos).
Hoxe, todos os nenos e nenas do noso cole, unímonos a Greta Thunberg facendo a mesma pregunta a todos e todas os que nos queiran escoitar.
Como se atreven a contaminar o noso fermoso planeta?
Como se atreven a non coidar os nosos mares, o aire que respiramos, os bosques cada vez con menos árbores?
Pois nós si que nos atrevemos a poñer o noso gran de area para darle a volta a todo, porque:
“Queremos a nosa Terra É o noso planeta Queremos a nosa Terra É o noso fogar”.
Coas nosas mellores ferramentas, os green crayons, e a nosa voz, berramos ben forte: GO GREEN GO!
Unímonos así ás accións promovidas pola organización Teachers for future, que ten como único obxectivo mellorar a saúde do noso planeta e de todos os seus habitantes.
WE LOVE THE EARTH
Na seguinte galería de imaxes podedes observar a nosa peculiar mobilización...
