Skip to Content

Blogues

Inxertos

A mini horta deu a súa primeira colleita, pero, poderiamos ter frutos no colexio?

No patio de primaria temos unha pereira brava. Seguramente, enxertándoa....?

Pois xa está feito. Un pai e un veciño dun alumno de 6º acudiron prestos a chamada.

Na galería dos inxertos podemos ver a evolución completa do proceso. Seguramente no próximo verán xa teremos os primeiros resultados.

Premendo na imaxe poderemos acceder á galería de inxertos:

Hoxe a lección correu a cargo dun pai e dun abó.

Poida que todo empezara así...

Alguén pensou que o colexio podía ser doutro xeito. Un lugar máis limpo, atractivo, verde e florido.

E alguén empezou a coidar o patio para intertar facer del un xardín.

Unha flor aquí, arracar unhas herbas alí, recoller papeis acolá.

Dese xeito, case sen querer, envolveunos a todos.

Primeiro no muro,seguiron cos enxertos, logo a necesidade da rega, de seguido os frutais, máis tarde o invernadeiro, e xa veremos onde acaba esto.

A verdade é que estamos empezando, con pasos vistosos e agradecidos e con ilusión para seguir traballando.

Portas Abertas ás Escolas Unitarias

O pasado día 24 de maio visitaron o colexio mestras e alumnos/as das Escolas Unitarias de Os Ánxeles, Sabaxáns e Bastavales. Xunto cos nenos e nenas de 5 anos e os seus mestres fixemos un xogo de presentación para coñecernos mellor na aula de psicomotricidade de Educación Infantil. Despois acompañamos os nosos convidados á biblioteca do centro onde Belén, a encargada, nos presentou a Lupiña, a mascota da biblioteca, nos explicou todo o que hai nela, nos puxo uns debuxos e, para rematar, unha nena de primaria nos contou un conto. Despois visitamos algunha das aulas de primeiro que serán as aulas dos nenos/as de 5 anos o ano que ven. Fomos a lavar as mans e merendar para despois xogar no patio de infantil durante o recreo. Despois fomos coñecer a sala de ordenadores, onde os nenos/as da escola mostraron ós das unitarias o manexo de algún dos programas de ordenador que usamos aquí. Máis tarde estivemos na aula de música e finalmente lavamos as mans de novo para ir ó comedor, non sen antes ler as normas de comportamento para o momento de xantar.

Na galería de imaxes da web tedes algunhas fotos dos mellores momentos desta visita. Podedes facer clic nesta foto e acceder directamente ó álbum.

Moitos saúdos!

Debuxos dos/as nenos/as de Infantil co ordenador

Estimados/as pais/nais,

Coma na vez anterior, neste 2º trimestre continuamos facendo diferentes actividades cos nenos/as de Educación Infantil relacionadas coas TIC (Tecnoloxías da Información e a Comunicación). Entre elas as de debuxo e inicio á lecto-escritura, con programas como o Tux-Paint. Os nenos e nenas progresaron moito no manexo deste programa, como podedes comprobar vendo os seus debuxos. Podedes acceder a eles na “Galería de imaxes” da web, onde tedes dous álbums novos, un denominado “ DebuxosInfantil  PC 2º trimestre”e outro “Debuxos Infantil co PC Alimentos”. No primeiro hai obras libres dos/as nenos/as de debuxo e colorear. No segundo hai composicións resultado do traballo que fixemos sobre o tema dos alimentos, utilizando para elo froitas e verduras e a imaxinación e a creatividade dos/as vosos/as fillos/as.

Esperamos que vos gusten.

Podedes premer nestes debuxos para acceder ós dous álbums:

 


Guardar

Distribuir contido


by Dr. Radut