O EDLG, en colaboración co equipo de biblioteca, propuxo para a conmemoración do Día internacional da muller (8M) un divertido xogo que axudou a que os rapaces e rapazas do centro coñeceran un pouco máis ás mulleres traballadoras do mesmo. Trátase dun Quen é quen titulado “As mulleres do meu cole”. 

 Na biblioteca colocamos un panel con fotos de cativas de mulleres traballadoras  do centro que voluntariamente se prestaron a participar (mestras, persoal de limpeza, persoal non docente) no xogo. A través dun código QR o alumnado accedía a unhas pistas (un genially) que lles axudaron a descubrir de quen se trataba.

O venres 22 de marzo tivemos acceso á solución do xogo e soubemos tamén cal foi a aula que máis acertos tivo obtendo así o diploma “Á mellor clase de detectives do 8M” xunto cun pequeno agasallo, un xogo para a aula en galego. 

 Por outra banda, aproveitando que o alumnado do centro está a viaxar por diferentes países grazas ao PDI deste curso “Unha viaxe polo mundo”, pedímoslles que investigaran sobre algunha muller relevante do seu país co que fixemos unha pequena exposición na entrada do colexio.

Por último, coas fichas técnicas que cubriron coa información das mulleres sobre as que investigaron, e xa que coincidía tamén a semana da prensa, fixemos unha revista dixital á que podedes botar unha ollada nesta mesma publicación. 

Revista Dixital 8m

Leer más publicaciones en Calaméo

 

Celebramos o Día de Rosalía recitando o seu poema ADIOS RÍOS, ADIOS FONTESr, mentres montabamos un póster coa súa imaxe onde cada peza foi decorada nas distintas aulas dando unha apariencia diversa e creativa.

Premendo na seguinte imaxe podedes ver a creación do póster

u

O pasado 9 de febreiro celebramos o ENTROIDO no cole, cun desfile, no que para seguir o fío do noso proxecto de centro, viaxamos polo mundo. Isto axudounos a aprender un pouco máis da cultura de cada un dos lugares sobre os que estamos traballando nas aulas.

O martes 30 de xaneiro celebramos o Día da Paz no centro. Depois do recreo saímos todos, vestidos con prendas brancas ao patio. Alí o nenos e nenas de 6º de Educación Primaria leron o noso manifesto pola paz.

Despois da lectura bailamos e cantamos varias cancións que falan da amizade e a paz.

Co gallo do noso proxecto "Unha viaxe polo mundo", os nenos e nenas do mundo tamén piden a paz, na súa lingua, no mural que colocamos na entrada do centro.

O venres conmemoramos o Día contra a Violencia de Xénero. Decoramos o centro, pedimos que o alumnado viñese cun pano morado na cabeza e despois do recreo celebramos un acto no patio.

Neste acto leron tres alumnos/as de 5º de primaria un manifesto e ao rematar todos os cursos cantaron e bailaron unhas cancións que prepararon na aula coa profe Maite e o seu profesorado.

Fixérono xenial!!

Agardamos que esta conmemoración lles permita ver que a sociedade precisa un cambio, para que ningunha muller máis sufra a violencia de xénero.

O pasado venres 10 de novembro festexamos o magosto no colexio, gozando dunha xornada de xogos populares organizados polo Equipo de Dinamización da Lingua Galega. 

Contamos coa colaboración do alumnado de 6º de EP que dinamizou cada un dos xogos.

Xogamos, bailamos e ramatamos cun xantar enxebre no mesmo patio: bocata de chourizo e castañas asadas na fogata que nós mesmos fixemos.

Como non podía ser doutro xeito, os nenos e nenas remataron a xornada pintándose cos tizóns.

Aquí vos deixamos unhas fotos coa decoración do colexio polo Samaín.

Que chulísimas quedaron as cabazas. Mirade a exposición que montamos con elas.  Todos os cursos pasaron pola exposición coas luces apagadas, para sentirse nun tunel de medo. O alumnado de 6º EP axudou moito para que esta actividade resultase aínda máis terrorífica.

Queridas familias, moitas grazas pola vosa colaboracion!

Para celebrar o DÍA DO DEPORTE NA RÚA que mellor idea que sair ao patio e recordar OS XOGOS POPULARES.

Pasamos un rato moi divertido xogando aos distintos xogos!