Adornamos a entrada do colexio coa gran árbore feita con botellas de plástico recicladas e que foron aportadas por todos os membros da comunidade educativa. Así mesmo cos adornos e manualidades realizadas nas aulas e nos distintos talleres que se realizaron no mes de decembro (taller de madrugadores, taller de reciclado na biblioteca nas horas do recreo, taller "reciclalandia" realizado por nais colaboradoras do servizo de comedor escolar despois de xantar...) decoramos toda a entrada: colgamos campás e bólas na nosa árbore-columna permanente, fixemos unha pequena exposición das manualidades e adornos realizados, colgamos as postais de felicitación realizadas por todos os nenos e nenas do colexio... e todo presidido polas figuras "máxicas" destas datas: Papa Noel e os Reis Magos.