ANPA CASARDOMATO- CEIP PROFESOR ALBINO NÚÑEZ
|
OPERACIÓN QUILO... NO COLE COMUNICADO ÁS FAMILIAS |
Dende a ANPA CASARDOMATO do CEIP PROFESOR ALBINO NÚÑEZ de Ourense queremos pornos en contacto con todos os membros da comunidade educativa (profesorado e demais traballadores do centro, familias e alumnado) para:
1. Agradecer a implicación de todos/-as na actividade solidaria "OPERACIÓN QUILO... NO COLE" posta en marcha para axudar, dentro do posible, a que as familias con menos recursos poidan cubrir algunhas necesidades básicas.
2. Lembrarlle a todos que este proxecto está deseñado dende a base pedagóxica de fomentar no alumnado do centro a solidariedade e a axuda real aos máis próximos.
3. Facer constar que este proxecto de axuda circunscríbese unicamente ao centro, sen interferir noutros que funcionan dende distintas entidades e institucións (ONGs, Cruz Vermella, Cáritas...) que se están responsabilizando de actuacións que corresponderían ás administracións públicas.
4. Informalos de que dende que se puxo en marcha este proxecto fóronlle subministrados alimentos, roupa e calzado, en dúas ocasións, a dezaseis (16) famillias da nosa comunidade, e en tres ocasións a tres (3) familias. Ademais, un restaurante da zona está colaborando co proxecto, facilitándolle, de xeito gratuito, diariamente comida a unha familia.
POLO QUE...
AGRADECEMOS A SOLIDARIEDADE DE QUEN AXUDA COA APORTACIÓN DE ALIMENTOS E ROUPA E SEGUIMOS SOLICITANDO O APOIO DE QUEN POIDA SEGUIR COLABORANDO.
ÁNIMO PARA TODO TIPO DE ACCIÓN SOLIDARIA!
UN CORDIAL SAÚDO
