CEIP PLURILINGÜE PROFESOR ALBINO NÚÑEZ

O alumnado de 3º e 4º de primaria tivo a oportunidade de participar no OBRADOIRO DE PRIMEIROS AUXILOS - PUPAS, SUSTOS E OUTROS DESGUSTOS.

Neste obradoiro, que foi impartido por profesionais de enfermaría,  tiveron a ocasión de aprender unhas nocións básicas de primeiros auxilios. 

A actividade desenvolveuse en 3 sesións de dúas horas cada unha e constaban dunha parte teórica con contido audivisual e unha parte práctica. Os rapaces e rapazas trouxeron un peluche que converteron en paciente para practicar as técnicas que lles ensinaban.

Unha actividade que nos parece moi importante para que saiban actuar ante pequenos problemas como feridas ou queimaduras, pero tamén ante situacións máis compexas.

 O luns celebramos o DÍA DO LIBRO.

Os nenos e nenas de 3º a 6º de primaria convertéronse para a ocasión  en padriños e madriñas lectores/as para lerlles contos aos máis pequenos.

A actividade levouse a cabo en distintos lugares do patio e no salón de actos, polo que moitas zonas se converteron en fermosos espazos para a lectura.

A actividade gustoulles moito a grandes e pequenos e foi moi emotivo ver como todos e todas gozaban dese rato de lectura na que a maioría leron e escoitaron máis dun conto.

Rematado o rato da lectura tiñan en dúas zonas do colexio  libros que se expurgaron da biblioteca para que escolleran algúns e darlles unha segunda vida nos seus fogares.

Había para todos os gustos lectores polo que todos e todas atoparon algún que fose do seu interese.

Deixámosvos aquí un vídeo coas imaxes que deixou o día.

Deixámosvos aquí as novas directrices sobre o uso de máscaras, publicadas pola Dirección Xeral de Saúde Pública.

A Concellería de Asuntos Sociais do concello de Ourense abre a CONVOCATORIA para a petición de axudas de libros de educación infantil e comedores escolares para o curso 2022-23.

A axuda vai destinada a aquelas familias nas "− Que a capacidade económica anual non exceda de 4.000 euros por membro da unidade de convivencia (renda per capita) para as axudas de libros e material escolar, e de 3.700 euros por membro, para as axudas de comedor.

O prazo de presentación de solicitudes será dende o día 18 de abril ao 6 de maio, ambos os dous incluídos.

As instancias pódense recoller na Oficina de Atención Cidadá (Praza San Martiño 2-Baixo), nas oficinas municipais da Rúa Bispo Carrascosa 8 e en todas as UNIS de Benestar Social.

Toda a información destas axudas pódese consultar na páxina web do Concello de Ourense

https://www.ourense.gal/gl/actualidad/o-concello-abre-ate-o-6-de-maio-o-prazo-para-solicitar-as-axudas-para-libros-e-comedores-escolares

E na sede electrónica do concello onde tamén atoparán os anexos que hai que cubrir.

https://sede.ourense.gob.es/public/catalog-detail/62353340

É imprescindible encher e asinar correctamente os Anexos I, II e III

Todos os nenos e nenas que solicitaron a admisión no centro están admitidos/as.

A información contida nas listaxes provisionais de admisión só pode facerse pública:

•  Presencialmente: Unica e exclusivamente no taboleiro de anuncios situado no interior do edificio escolar.

•  Telematicamente: Unica e exclusivamente a través da aplicación admisiónalumnado empregando a Chave 365 ou certificado dixital.

 A publicación definitiva das listaxes será antes do 15 de maio de 2022.

 O prazo de formalización de matrícula será do 20 ao 30 de xuño de 2022

O día 2 de abril conmemorábase o Día de Concienciación sobre o autismo e no colexio tamén quixemos concienciar ao noso alumnado. Saimos todos ao patio para formar o símbolo do infinito, ler un manifesto e máis actividades que podedes ver no seguinte vídeo.

O alumnado de 3ºA e 3ºB participou no concurso de debuxo relacionado co tema "Un feliz viaje por la vida"  promovido pola Asociación  POR ELES T.E.A. de Ourense, para dar visibilidade e sensibilizar poboación en xeral sobre o Trastorno do Espectro Autista.

O concurso consistía en realizar un debuxo ou un breve relato, onde o alumando podía plasmar o significado que ten para él ou ela, a felicidade.

Como premio podían conseguir unha tablet.

A gañadora da tablet foi: MARISA BOÁN polo seu debuxo,  e os e as demais participantes da clase recibiron un diploma.

 PODES VER AS IMAXES MÁIS GRANDES SE PREMES NELAS

Na semana do 4 ao 8 de abril celebramos no colexio a “Semana da Saúde”, consistente na realización de talleres relacionados con hábitos de alimentación saudable. Estas actividades están promovidas polo Concello pola nosa participación no Programa SI, de Saúde Integral.

Comezamos o luns co alumnado de educación infantil, que participou nos seguintes:

 -3 anos: taller de froitas

 -4 anos: taller de iogur

 -5 anos: taller de minipizzas

Primeiramente atenderon una pequena explicación das monitoras, despois puxéronse “mans á obra”, e finalmente degustaron as súas elaboracións. MMmmmm!!!!

O martes recibimos a tan ansiada visita de CARDIO, que saudou e bailou con todos e todas. Ademais agasallounos cunhas “gominolas saudables” , feitas con zume de froita natural. Todos disfrutaron enormemente con esta visita coa que soñan durante todo o curso.

 E remataron cun contacontos que versaba sobre as emocións (outro dos temas que se traballan no programa). Neste conto titulado “5 ENFADOS” un neno chamado Carlos estaba moi enfadado, irritado, alporizado…por 5 motivos:

 1.-porque papá non lle mercaba un xeado

2.-porque mamá non tiña tempo para xogar con el

3.-porque a súa irmá rompéralle o seu xoguete favorito

4.-porque tiña que deitarse cedo

5.-PORQUE SI!!!!

Logo de consultar con varias bruxas, todas lle deron a mesma receita: coller aire fortemente polo nariz , expulsalo pola boca e contar ata 10. E así foi como Carlos aprendeu a controlar os seus enfados.

 A continuación podedes ver as fotos destes días.

PARA VER O DOCUMENTO DA ADDENDA PREME NA SEGUINTE IMAXE

Hoxe veunos visitar un Policía Nacional para falarnos do importante que é que teñamos coidado cando andamos na Internet.

Falounos de que hai que ter moito coidado cos datos privados que compartimos consciente e inconscientemente na rede. Que debemos crear contrasinais seguras para todas as nosas contas. 

Tamén nos falou do Ciberacoso e da importancia de informar aos adultos de confianza do que está a pasar tanto se nolo fan  a nós mesmos, como se sabemos que llo están a facer a outros.

A charla de hoxe solicítamola a través do Plan Director. E se serviu para que repensen o que fan nas redes e vaian sendo un pouco conscientes do coidado que deben ter, cremos que logramos o noso propósito.

Intenet non é malo, pero ás veces facemos un mal uso del e iso pode derivar en preocupacións e agobios.

Tede coidadiño na rede!