try another color:
try another fontsize: 60% 70% 80% 90%

APERTURA DO PRAZO DE SOLICITUDES PARA PARTICIPAR EN MOBILIDADES ERASMUS+ CICLOS MEDIOS

 

O instituto Ribeira do Louro forma parte do proxecto “ERASMUS+ PRACTICUM DEPO 2020”,coordinado pola Deputación de Pontevedra. Este programa ten como obxectivo ofrecerlle ao alumnado matriculado en Ciclos Medios de Formación Profesional a posibilidade de realizar prácticas laborais en países europeos, unha vez teñan obtido a súa titulación. 

Particularmente nesta convocatoria se ofertan DÚAS PRAZAS para mobilidades europeas (con posiblidade de incrementarse) e se poden presentar tódolos alumnos e alumnas que se atopen matriculados a día de hoxe no segundo curso dalgún  dos Ciclos Medios do instituto Ribeira do Louro.

En calquera caso no seguinte DOCUMENTO INFORMATIVO DA CONVOCATORIA pódese consultar información máis detallada sobre o funcionamento do programa.

Os estudantes interesados en participar deberán cumprimentar o seguinte FORMULARIO DE SOLICITUDE e envialo ao enderezo ies.ribeira.louro@edu.xunta.gal entre o 12 e o 16 de Maio (ambos inclusive). É importante que no "Asunto" do correo se indique o seguinte texto: “SOLICITUDE PARTICIPACION ERASMUS DEPO NOME APELIDOS”.

 

Para calquera dúbida ou pregunta os estudantes deben dirixirse ao seu titor/a que será quen os poña en contacto coas persoas responsables do programa no centro.

 

 

Concurso Letras Galegas: marcapáxinas

Para festexar este Día das Letras Galegas imos celebrar un concurso de marcapáxinas.

As bases son:

 

  1. Os marcapáxinas deberán estar ilustrados polas dúas caras.

  2. Poderán combinar texto e ilustración, sempre relacionados coa autora homenaxeada este ano nas letras glegas.

  3. Entregaranse na BIBLIOTECA do centro ata 14 de maio.

  4. Na biblioteca hai unha caixa para que depositedes os vosos marcapáxinas.

  5. Haberá tres premios, que se darán a coñecer o 21 de maio no recreo.

  6. Os tres marcapáxinas premiados levaranse á imprenta e as súas copias serán repartidas na biblioteca.

  7. Os marcapáxinas entregaranse nun sobre pechado, que leve dentro o nome e o curso do autor ou autora.

 

 

Publicación da listaxe de cualificacións provisionais PA Ciclo Superior

Publicación da listaxe provisional de cualificacións das probas de acceso a ciclo superior. Ver

Reclamacións contra a listaxe de cualificacións provisionais do 4 ao 7 de maio.

Máis información aquí

Listaxe definitiva probas de acceso a ciclo medio

Podedes comprobar as listaxes e outra información nos seguintes enlaces:

Listaxe provisional de alumnado admitido para o curso 2021/2022

No día de hoxe publícase a listaxe provisional de alumnado admitido na ESO e Bacharelato para o curso 2021/22. Poden comprobar as listaxes no taboleiro de anuncios do centro. Todas as solicitudes que se presentaron foron admitidas.

 

Procedemento de reclamación E.I., E.P., Educación Secundaria Obrigatoria e Bacharelato para o curso 2020-2021

Información sobre os aspectos da Orde do 2 de marzo de 2021 pola que se regula o dereito do alumnado á obxectividade na avaliación e se establece o procedemento de reclamación das cualificacións obtidas e das decisións de promoción e obtención do título académico que corresponda, en Educación Infantil, Educación Primaria, Educación Secundaria Obrigatoria e Bacharelato, para o curso 2020-2021. 

Publicación listaxes provisionais proba de acceso a CM

Publicáronse as listaxes provisionas de inscricións, exencións e proba adaptada correspondente a proba de acceso a ciclo medio.

Máis información aquí

Prazo reclamacións: 12 ao 16 de abril de 2021, ambos dous incluidos.

Publicación das listas provisionais de admitidos PL ESO

Poden comprobar nas dependencias do centro as listaxes de admitidos (con validacións, exencións e causas de exclusión) para as probas libres da ESO para maiores de 18 anos.

Prazo de reclamacións: 3 días hábiles

Distribuir contido