Maio é o mes das letras en Biblioribeira. Visitas de autores, obradoiros, exposicións... Se cada mes traballamos para que non falte de nada, o mes de maio o dobre.

Visitounos Gabriel Álvarez para falarnos da tradución do xaponés ao galego e especialmente do manga. Tamén tivemos a Carlos Labraña con "Ler teatro".

Dentro das actividades de xadrez tivemos un torneo de partidas rápidas e a entrega de premios.

Como convivio con outros centros realizamos a III Xuntanza Literaria no parque Alba. Compartíronse lecturas na herba co sol presente.

O alumnado do club de lectura de manga, xunto con outros dous centros, visitou a feira Expotaku na Coruña.

Para celebrar o día das Letras Galegas e homenaxear a Luísa Villalta. expuxemos a obra da autora no noso expositor. houbo un obradoiro de "Chapas de letras" , nos recreos activos fixemos marcapáxinas de Luísa Villalta e houbo música dela e na radio todos os martes e xoves do mes organizouse unha sección chamada "lendo a Luísa Villalta" onde alumnado e profesorado voluntario leron fragmentos da súa obra. Ademais tivemos un especial "Pasa palabra" das letras.

Completáronse os recreos activos cun taller de cubos de Rubik.

Seguindo co proxecto roupa completouse a exposición do Proxecto na entrada do centro.

Por último, e por suposto non menos importante, o día 24  realizouse a gala de entrega de premios Roberto Vidal Bolaño.

Abril chega cheo de actividades para celebrar o mes dos libros.

Comezamos co 2 de abril como día internacional do libro infantil. O día 8 celebramos o día do pobo xitano. Tivemos obradoiro de macramé e fixemos pulseiras coas cores da bandeira xitana, tivemos unha charla dunha exalumna falando do seu percorrido como estudante e no mundo laboral e houbo un especial de radio. Tivemos as visitas de David Álvarez, tradutor profesional que nos viu falar da importancia da tradución no mundo literario, María Reimonsez, que nos falou da súa obra e especialmente de Furia; Celia Diaz, que acompañou unha sesión do club de lectura de adultos falando do seu libro Corte e confección; Núñez Singala viu charlar sobre Sociolingüística co alumnado de 1º de Bacharelato e por último Marga do Val, deunos unha charla sobre a homenaxeada este ano polo día das Letras Galegas, Luísa Villalta.  Tivemos un obradoiro de escritura cuneiforme para poñernos na pel dun escriba de Mesopotamia.

O luns 22 de abril comezou a II Olin¡mpíada literaria. Todos os días unha nova pista para dar co personaxe, obra ou autor/a que se agocha detrás.

O culb de manga organizou unha exposición sobre cultura xaponesa e manga que contou con diferente material que puña de manifesto a relación entre a cultura e tradición xaponesa, a vida diaria do pobo xaponés coa cultura manga.

O día do libro, 23 de abril, tivemos un obradoiro de papirofléxia relacionado coa temática do proxecto anual da biblioteca e do centro, a roupa. E confeccionáronse marcapáxinas con forma de vestidos, camisas e pantalón empregando a técnica do plegado de papel.

Como resultado da colaboración entre centros o 24 de abril o alumnado voluntario de biblioteca foi ao CEIP Antonio Palacios para o apadriñamento lector. Unha actividade que une diferentes xeración arredor dos libros.

Tamén inauguramos a exposición do traballo do alumanod de 2º e 4º sobre o proxecto roupa chamado "Expresións do campo semántico da roupa". E a roupa quedou tendida!

O 25 de abril celebramos a revolução dos cravos cunha exposición nos corredores de textos escritos por diferentes autores portugueses sobre o acontecemento desa data e tamén cun especial de radio feito en português.

En febreiro conmemoramos o día de Rosalía, o 23 de febreiro, data do seu nacemento. Dende a biblioteca elaboramos diferentes actividades: mudamos o noso expositor para poñer títulos da autora, realizouse un acto conxunto con outros centros da contorna no Porriño, fixemos unha ruada (a VII ruada rosaliana), organizouse un obradoiro de marcapáxinas, houbo un programa de radio especial e tivemos un acto na entrada do centro con todo o estudantado.

O prato forte é a nosa Ruada Rosaliana. Nesta VII edición o alumnado voluntario da ruada (alumnado de música e voluntariado da biblioteca) cantou versos de Rosalía no CEIP Antonio Palacios, en ACEESCA, no centro de día, no Froiz e no CEIP Ribeira.

Algunha desas canción formaron parte tamén do acto no centro. Neste acto leuse o manifesto que se lera na actividade conxunta no centro do Porriño.

Nos recreos activos elaboramos marcapáxinas e pezas colgantes de macramé coa figura de Rosalía, algúns deses marcapáxinas e colgantes foron agasallos para os lugares polos que se realizou a ruada.

Completouse a serie de actividades de conmemoración de Rosalía co programa de radio especial. Un programa que xirou ao redor da figura da nosa autora.

O Entroido é unha das datas marcadas no calendario da BiblioRibeira. Unha semana de mandados da meca que consegue alegrar os invernos de febreiro. Este ano a meca tivo en conta o proxecto roupa da biblioteca e os seus mandados xogaron con iso: luns de roupa de profesións, martes de deporte, mércores de personaxe literario, xoves de traxes rexionais e venres liberdade para a escolla.

Ademais tivemos o concurso de bailes, cantigas e coplas. O alumnado afiou o lapis para crear coplas alusivas a diferentes aspectos da súa vida: as clases, os profes, os exames, as amizades e os amores...