Este é o lema das bibliotecas escolares de Galicia para este ano. E nós xa temos o noso expositor con algúns dos títulos que podedes escoller na biblio. É unha selección de títulos en distintas linguas como exemplo do que hai. Achegádevos a ver máis do que hai.

Estas son as recomendacións de Biblioribeira para este verán.

Xurxo Souto foi o encargado de achegar ao alumnado de 4º ESO a historia silenciada da nosa música durante a ditadura franquista.

O alumnado coñeceu a crueldade que seguiu á guerra. Escoitaron de Xurxo as historias dos músicos galegos que foron asasinados e a súa memoria silenciada tras a guerra Civil.

Este 17 de maio, Día das Letras Galegas, homenaxea a un intelectual das nosas letras. Unha das grandes figuras do ensaio e a crítica galega.

A historia ds literatura e da lingua galega do século XX non se pode escribir sen falar deste home. Membro do Partido Galeguista, fundador da Editorial Galaxia, da Fundación Penzol, presidente da Real Academia Galega…

El foi un dos que propuxo hai sesenta anos que se empregase a data da publicación de Cantares Gallegos de Rosalía de Castro como o día das nosas Letras.

Escribiu ensaios sobre a lingua e a literatura galega, artigos de opinión, foi tradutor e editor…

Na nosa biblioteca temos un amplo abano das súas obras e quixemos visualizalas neste mes poñéndoas no noso expositor.

Ademais, todos os venres, na radio do centro, lerase un texto da súa autoría. As persoas encargadas de facelo serán alumnado e profesorado voluntario.