O instituto Ribeira do Louro, na súa aposta decidida polo plurilingüismo, forma parte dos programas “ESTRELA PLURIFP” e “CUALE” promovidos pola Consellería de Educación da Xunta de Galicia.

En particular, no noso instituto, estes dous programas ligados á innovación e a excelencia educativa, persiguen o obxectivo de mellorar as habilidades lingüisticas en inglés dos nosos estudantes ofrecéndolles a posibilidade de cursar ensinanzas bilingües e de participar en diversas en actividades para potenciar as súas competencias neste idioma. 

Á luz do anteriormente dito, durante o curso 2020/21, puxemos en marcha as seguintes acción educativas:

1) MÓDULOS BILINGÜES EN CICLOS FORMATIVOS

Particularmente, este curso a oferta educativa en réxime bilingüe é a seguinte:

2) INCORPORACIÓN AO EQUIPO DOCENTE DUNHA AUXILIAR DE CONVERSA NATIVA

Neste curso 2020/21 contamos coa colaboración da auxiliar de conversa nativa americana Kendall Perry, quen realiza sesións de apoio aos docentes de módulos lingüísticos e bilingües e colabora na realización de diversas actividades específicas.

3) OFERTA DE ACTIVIDADES PLURILINGÜES

A oferta de actividades específicas ten como obxectivo a creación dunha contorna plurilingüe que permita aos nosos alumnos e alumnas desenvolver as súas habilidades lingüísticas en inglés. Particularmente as actividades ofrecidas, polo de agora, son as seguintes:

“DESTINATION B1”

Impartida por Chus García, Xefa do Departamento de Inglés, nesta actividade o obxectivo fundamental é que o alumnado prepare as probas conducentes aos seguintes títulos do Nivel B1 de Inglés:

- O Título Nivel Intermedio da Escola Oficial de Idiomas

- O Título ISE I do Trinity College London 

Para obter máis información sobre a actividade "Destination B1" podes consultar o seguinte arquivo.

 “ENGLISH TABLE TALK”

Impartida por Kendall Perry, auxiliar de conversa, nesta actividade os estudantes teñen a oportunidade de charlar en inglés de xeito informal e en pequeno grupo coa nosa auxiliar. Cada semana trátase un tema concreto e o alumnado participante dispón de fichas de vocabulario específico para repasar con antelación á charla.

Para obter máis información sobre a actividade "English Table Talk" podes consultar o seguinte arquivo.

Todos aqueles alumnos e alumnas que figuren na LISTAXE DEFINITIVA DE ADMITIDOS para participar no programa ERASMUS+ DEPO 2020, publicada no taboleiro físico do instituto deberán realizar o seguinte:

1) ENVIAR A DOCUMENTACIÓN RELATIVA AOS SEUS MÉRITOS

Dacordo ao baremo publicado os estudantes poderán achegar os seguintes títulos co obxectivo de seren valorados e incorporados ao seu baremo de méritos:

- Títulos de inglés e outros idiomas, emitidos pola Escola Oficial de Idiomas ou equivalentes.

- Títulos doutros Ciclos Medios que o alumno/a teña cursado con anterioridade aos estudos actuais.

Os estudantes deberán remitir a documentación anteriormente indicada ao enderezo ies.ribeira.louro@edu.xunta.gal entre o 09 e o 12 de Decembro (ambos inclusive). É importante que no "Asunto" do correo se indique o seguinte texto: “DOCUMENTOS BAREMO ERASMUS DEPO NOME APELIDOS”.

2) ACUDIR AO INSTITUTO PARA A REALIZACIÓN DAS PROBAS DE SELECCIÓN

Dacordo ao baremo publicado os estudantes deberán realizar as seguintes probas de selección co obxectivo de seren valoradas e incorporadas ao seu baremo de méritos:

- Proba oral de inglés cun integrante do equipo de linguas do instituto.

- Entrevista persoal con membros da Comisión de Valoración Erasmus+ Depo 2020.

A tal efecto, os estudantes deberán presentarse no instituto o xoves 10/12/2020 ás 18:00 h.

Ante calquera dúbida ou pregunta os alumnos e alumnas poden poñerse en contacto co Coordinador Erasmus do instituto.