try another color:
try another fontsize: 60% 70% 80% 90%

Normalización e Dinamización

José Luís Baños De Cos gaña o III Premio Roberto Vidal Bolaño de Teatro 2020

José Luis Baños de Cos é o gañador da terceira edición do premio de textos teatrais “Roberto Vidal Bolaño”, coa obra titulada “A cámara escura”. O galardón instituído polo IES Ribeira do Louro, a Editorial Galaxia e o Concello do Porriño entregouse o mércores 23 de setembro, data de comezo do curso na secundaria, nun acto condicionado polos protocolos anti-covid, celebrado no salón de sesión do consistorio porriñés coa asistencia do galardoado. 

Baños de Cos é orixinario de Cádiz pero leva asentado en Galicia dende hai anos por razóns de traballo e persoais e “vén de amosar un excelente coñecemento da nosa lingua” como ponderou o xurado do certame. 

Raquel Castro, profesora do IES Ribeira do Louro e secretaria do xurado deu lectura á acta co fallo. O xurado valorou que “estamos diante dun texto cun estilo ben definido e que alén diso, presenta un rexistro de lingua máis urbana e máis próxima da mocidade; é un texto actual e eminentemente teatral xa que se lle pode sentir o pulso da escena”. 

O premio consta de 2.000 €, suxeitos ás retenciónsfiscais correspondentes e que computarán como dereitos de autor. Ademais o escritor galardoado recibiu un diploma acreditativo, unha escultura e a súa obra será publicada por Editorial Galaxia, a partir do ano que vén.

Francisco Castro, director xeral da editorial aproveitou a súa intervención para agradecerlle ao Concello do Porriño “pola súa sensibilidade á hora de apoiar este premio. Hoxesunha das capitais culturais de Galicia no que atinxe ao mundo teatral e por suposto no que é o teatro orientado á mocidade, Porriño ocupa o posto máis elevado”, segundo valorou o director xeral de Editorial Galaxia. 

Lourdes Moure, concelleira de Educación que acolleu hai tres anos a proposta que lle trasladaron o Instituto Ribeira do Louro e a editorial, manifestou que “o Concello vai continuar realizando esta achega anual de 2.000 euros e ogallá sexa por moitos anos máis”. 

Pechou o acto a alcaldesa Eva García de la Torre, quen subliñou “o esforzo enorme” realizado polos gobernos municipais o que vencellou con iniciativas como o apoio do Concello a este premio. 

O ALUMNADO DO RIBEIRA DO LOURO ELABORA UN DIARIO COLECTIVO DO CONFINAMENTO ESCOLAR POLA COVID 19

O Texto poético titulado Da corentena á desescalada conmemora as Letras galegas dedicadas este ano a Carvalho Calero.

Na semana na que estariamos celebrando no instituto a Semana das Letras Galegas, o equipo de Normalización e Dinamización Lingüística convidou ao alumnado que se atopa telebraballando, a festexar a grande data da lingua galega coa realización dun diario colectivo realizado de xeito voluntario desde as súas casas.

O Proceso baseouse en  escribir dous enunciados, dous pensamentos, dúas frases, dous versos, dúas breves ideas sobre o significado, os sentimentos durante o confinamento forzoso pola pandemia da COVID 19. A segunda idea versaría acerca da súa visión e expectativas da chamada desescalada. Con todo o material recollido  compúxose un “texto poético ilustrado” que levou por nome  “Da corentena á desescalada. Diario dun confinamento escolar”

Carvallo Calero

Para homenaxear o autor Ricardo Carvalho Calero, alumn@s de 3º da ESO realizaron unha presentación biobibliográfica con carácter didáctico para toda a comunidade escolar.

 

CADERNOS DE TEATRO - 2019

Un novo número dos nosos Cadernos ateigado de información teatral. Nel ofrecemos as reportaxes fotográficas das últimas obras representadas polo noso alumnado, así coma opinións, entrevistas, propostas didácticas..., e dúas novas fenomenais: a publicación da obra gañadora no Iº Certame de Textos Teatrais Roberto Vidal Bolaño, que convocamos a Editorial Galaxia e o noso instituto, e mais a concesión ao noso grupo de teatro dun galardón que nos fai moi felices, o Primeiro Premio na modalidade “Educación en valores”, por parte da Deputación de Pontevedra.

 

 

 

REVISTA ÓRBITA 2017

Velaquí un novo número da nosa revista Órbita, editada polo Equipo de Dinamización Lingüística do IES Ribeira do Louro:

 

 

POR QUE NON EN GALEGO?, POR MANUEL NÚÑEZ SINGALA

Por que non en galego?, unha moi necesaria reflexión sobre os nosos usos lingüísticos:

FLORALBA, de Manrique Fernández (Teatro filmado)

O grupo de teatro do Equipo de Dinamización Lingüística presenta a película FLORALBA, de Manrique Fernández.

Cadernos de Teatro 2016

Velaquí un novo número dos Cadernos de Teatro, que dá conta da importante actividade que neste eido ten lugar no noso instituto:

 

 

 

ÓRBITA 2016. REVISTA DO EQUIPO DE DINAMIZACIÓN LINGÜÍSTICA

A revista Órbita sae de novo á luz neste mes de maio do ano 2016, cen anos despois do nacemento das Irmandades da Fala:

 

 

A SITUACIÓN DOS DEREITOS HUMANOS NO BRASIL

Emotiva conferencia sobre a situación dos dereitos humanos no Brasil, a cargo de Renata Nede, xeógrafa e especialista en planificación e política urbana, e mais Ana Paula, pedagoga. A charla tivo lugar no IES Ribeira do Louro, grazas á colaboración da sección de Vigo de Aministía Internacional. No noso centro, a actividade foi coordinada por Virxinia Calviño.

TORNEIROS CONTRA A VIOLENCIA DE XÉNERO

A comunidade educativa de Torneiros conmemora o Día contra a violencia de xénero (25 de novembro do 2015), cunha cadea humana, unha lectura de poemas e narracións, e unhas verbas finais da alcaldesa do Porriño. E todo iso con algúns retrincos musicais do tema Porco blues, da extraordinaria Sés.

Distribuir contido