try another color:
try another fontsize: 60% 70% 80% 90%

Lingua Galega

O PRESIDENTE DA REAL ACADEMIA GALEGA FALA DE "LINGUA GALEGA E ECONOMÍA"

Por segundo ano consecutivo, Víctor F. Freixanes visita o noso instituto para falarnos neste caso de "lingua galega e economía". Hai un ano pronunciou outra extraordinaria conferencia sobre o seu libro de entrevistas "Unha ducia de galegos", que deixou unha fonda impresión no noso alumnado.

Certame Provincial de Regueifas

O pasado 20 de marzo un equipo composto por 10 regueifeir@s de 2º ESO do IES Ribeira do Louro do Porriño, participou na final do Certame Provincial de Regueifas promovido pola Deputación de Pontevedra no CVC de Valadares. Axuntáronse con un cento de moz@s vindos de 10 centros de toda a provincia, para deixar ben alto o pavillón da improvisación oral na nosa lingua propia nunha xornada chea de creatividade.

Pequena mostra resume do evento

Obradoiro de Regueifas


4:03 minutes (9.28 MB)

Os mércores 20 e 27 de febreiro o alumnado de 2º ESO achegouse á composición de regueifas, improvisacións vocais en versos octosílabos, da man do mestre Bieito Lobariñas. Este experimentado regueifeiro ensinounos ademais instrumentos populares galegos como a zanfona, a gaita, as cunchas e a botella de anís, así como ritmos e melodías populares galegas (muiñeiras, xotas, pasodobres...)

Un momento da representación das coplas creadas polo alumnado

 

Un grupo seleccionado de alumnos e alumnas participarán no próximo certamen comarcal de Regueifas en Valadares, Vigo. Moita sorte!

CORRELINGUA 2018

O alumnado de 1º ESO do IES Ribeira do Louro recibe o "Premio á animación" no Correlingua 2018 celebrado en Vigo

 

Lingua e Literatura Galega

DEPARTAMENTO DE LINGUA E LITERATURA GALEGA

 

Velaquí o profesorado do Departamento de Lingua Galega: 

 

Raquel Castro Martínez (Coordinadora do Equipo de Dinamización Lingüística)

Soraya Domínguez Portela

Delio García Represas  (Coordinador do Departamento) 

Laura Iglesias Rodríguez

Matías Rodríguez da Torre

Raquel Rodríguez Parada

 

María Paz Fernández Pereiro (neste ano, noutro centro de traballo)

 

 

 Programación

 

Lexislación

 

 Recursos

 

VÍCTOR F. FREIXANES FÁLANOS DO LIBRO "UNHA DUCIA DE GALEGOS"

O Presidente da Real Academia Galega mantivo un encontro na Biblioteca co alumnado de 2ºBACH para falar do libro de entrevistas "Unha ducia de galegos", unha obra mítica que leron os nosos estudantes este ano e que lles causou unha fonda impresión, aínda que non maior ca a de escoitar ao noso extraordinario orador.

Visita ao "Pergamiño Vindel"

O pasado 2 de marzo alumnado do noso centro visitou o "Pergamiño Vindel", onde se conservan as sete cantigas de amigo que Martín Codax escribiu a finais do século XIII. Esta xoia da literatura medieval galego-portuguesa mostrouse ata o 4 de marzo de 2018 no Museo do Mar en Vigo.

Pergameo Vindel

Preme sobre a foto para ver o álbum

Logo da visita ao museo, e desafiando o mal tempo climatolóxico, fixemos unha excursión en barco á illa de San Simón. Esta illa é un lugar emblemático da ría de Vigo, referente para poetas medievais e testigo dunha intensa historia: foi mosteiro, lazareto, cárcere e fogar para nenos orfos.

Como homenaxe aos artistas que se inspiraron na nosa ría recitamos cantigas medievais e cantamos a cantiga V do pergamiño.  Así mesmo, lemos un fragmento do "Lapis do carpinteiro" como lembranza do terrible pasado da illa.

 

 Podes descargar o noso arranxo dende o arquivo adxunto

Ruada Rosaliana

Un ano máis o alumnado do IES Ribeira do Louro homenaxea a figura de Rosalía de Castro no 181 aniversario do seu nacemento. Baixo a dirección da profesora de Literatura Galega, Raquel Castro, os rapaces e rapazas do noso centro cantan os célebres poemas que Rosalía nos deixou en "Cantares Gallegos" (publicada en Vigo en 1863). 

Preme na foto para ver o albúm

 

Aquí tedes unha pequena mostra do concerto que foi interpretado en diferentes lugares do noso entorno máis próximo: Centro de Día, CEIP A Ribeira, ACEESCA e supermercado FROIZ.

 

 


 

Visita do escritor Fran Alonso

O alumnado de 1º ESO do IES Ribeira do Louro tivo a sorte de contar coa presenza do escritor Fran Alonso, que falou do seu libro Contos nerviosos:

TORNEIROS CONTRA A VIOLENCIA DE XÉNERO

A COMUNIDADE EDUCATIVA EN CONTRA DA VIOLENCIA DE XÉNERO

Distribuir contido