try another color:
try another fontsize: 60% 70% 80% 90%

XII OLIMPÍADA DE XEOLOXÍA. FASE GALEGA.

Este pasado mércores 24 de febreiro  tivo lugar a fase galega da XII Olimpíada de Xeoloxía. Tódolos anos ten lugar na Escola de Enxeñaría de Minas e Enerxía no Campus Universitario de Vigo; pero nesta edición só se puido realizar de xeito virtual debido a situación sanitaria que estamos a padecer.

     Durante a mañá realizaronse as dúas partes da proba. Primeiramente, a parte práctica en grupos de catro, que consistiu nunha serie de preguntas relativas a mapas topográficos, mapas xeolóxicos, identificación de paisaxes, recoñecemento de minerais e rochas, interpretación de gráficos,....... Despois dun merecido descanso continuouse coa parte teórica, un test individual con 40 cuestións relacionadas con diversas temáticas xeolóxicas.

     O IES Ribeira do Louro presentouse cun grupo voluntario de alumnos/as de 2º BAC, 1º BAC e 4º ESO: Lucía, Matías, Antonio, Jorge, Ana, Arancha, Sergio e Érika. O equipo traballou moi ben, parabéns a todos.

   E, deste grupo saíu o primeiro premio que representará a Galicia na Olimpíada Nacional:  Antonio García Torres de 2º BAC A.

Parabéns Antonio !!!!!!

 

Proceso de admisión de novo alumnado para o curso escolar 2021/2022

1)NORMATIVA REGULADORA aquí

 2)PRAZO DE PRESENTACIÓN DE SOLICITUDES

Desde o 1 ata o 22 de marzo de 2021

Solicitudes:

 3) PRAZAS OFERTADAS aquí

 4) CENTROS ADSCRITOS:

  • CEIP Plurilingüe Antonio Palacios
  • CEIP da Cruz-Budiño
  • CEIP da Ribeira
  • CPR Santo Tomás

 5) NOTA INFORMATIVA aquí

 6) ÁREA DE INFLUENCIA DO CENTRO aquí

 

Reserva de praza para o curso 2021/2022

Informamos que todo o alumnado de centros adscritos que solicitaron reserva de praza para cursar 1º da ESO e 1º de Bacharelato para o vindeiro curso escolar 2021/2022 foron admitidos.

Preséntase ‘A cámara escura’ gañadora do III Certame de textos teatrais Roberto Vidal Bolaño

O venres 12 de febreiro de 2021 presentouse nunha rolda de prensa no Salón de Plenos do Concello do Porriño Porriño o libro gañador da terceira edición do premio de teatro Roberto Vidal Bolaño 2020 e que recibiu José Luis Baños de Cos pola súa obra  HYPERLINK "https://editorialgalaxia.gal/produto/a-camara-escura/" A cámara escura. 

O gañador, estivo acompañado por Lourdes Moure, concelleira de Educación, Juana Muñoz, directora do IES Ribeira de Louro, a dramaturga Raquel Castro, e Francisco Castro, director xeral de Editorial Galaxia, representado ás tres entidades convocantes dos premios. No transcurso da conferencia o autor  deu a coñecer que no terceiro trimestre se achegará ao Ribera do Louro para levar a cabo unha lectura dramatizada da obra que acaba de saír do prelo.

Unha historia acaroada ás vivencias da adolescencia actual

José Luis Baños de Cos preséntanos nesta peza un texto actual ao que se lle pode sentir o pulso da escena con diálogos áxiles a través dun rexistro de lingua próximo á mocidade. Porén, non faltan en A cámara escura referencias ao teatro clásico, como a figura do coro, transformado en grupo de WhatsApp, personaxe colectivo que revolve conciencias e nos deixa ao descuberto ante a sociedade.

 

A protagonista, Alicia, comparte unha foto súa co seu crush. Con dezaseis anos hai moitos motivos que te obrigan a “compartir”. A presión social pode ser moi forte. Hai que ser aceptada polo grupo. Tal como Alicia no país das marabillas, esta Alicia, entra no tobo do coello e xa non hai escapatoria. E  Alicia entra no móbil, no grupo e xa deixa de ser ela, xa é de todos, dese coro que se cre co dereito de xulgarte.

 

Dramaturxia galega inzada de recoñecementos

José Luís Baños de Cos, aínda que é natural de Jerez de la Frontera, fala un galego fluído. Fálao e temén o escribe. Mostra diso son os xa varios premios que acadou na nosa lingua ata o de hoxe. Leva anos dedicándose ao teatro. Proba diso son premios anteriores como o I Premio de Teatro Breve Jenaro Marinhas del Valle convocado pola Agrupación Cultural Alexandre Bóveda da Coruña, coa obra O círculo en 2018, ou o Premio Abrente de Textos Teatrais, convocado pola MIT Ribadavia coa peza Asfixia en 2019.

José Luís é Licenciado en Dereito e Antropoloxía social e quizais foron estes últimos estudos os que o levaron a estudar tamén, teatro social e comunitario en Honduras e Perú e foi xa en Galicia onde comeza a traballar como dramaturgo escribindo a ópera prima da compañía Ó Cubo Teatro, O faiado. Actualmente combina a docencia teatral en Compostela coa escrita dramática.

Convócase o IV Premio Roberto Vidal Bolaño 2021

Pincha na imaxe para acceder a información e bases do premio.

O prazo para a presentación de orixinais remata o 15 de abril de 2021.

 

Concurso de Curtas "Livingriver"

 

  • Data límite presentación: 28/02/2021

Boa entrada no 2021!

Vendo como foi este ano, para contrarrestar, decidimos acabalo cantando. Anímate e canta con nós. Preme nos enlaces e visualiza os noso vídeos:

1eiro ESO B

1eiro ESO D

Se queres cantar con nós, tes as letras nos seguintes enlaces:

Volver a casa por Nadal

Aguinaldo

Tres reis en bicicleta

Con un sombreiro de palla

Anímate!!!

 

APERTURA PRAZO DE INSCRICION MOBILIDADES ERASMUS+ PRACTICUM DEPO 2020

O instituto Ribeira do Louro forma parte do proxecto “ERASMUS+ PRACTICUM DEPO 2020”, coordinado pola Deputación de Pontevedra. Este programa ten como obxectivo ofrecerlle ao alumnado matriculado en Ciclos Medios de Formación Profesional a posibilidade de realizar prácticas laborais en países europeos, unha vez teñan obtido a súa titulación. Aqueles estudantes interesados poden consultar toda a información sobre o programa visualizando o seguinte arquivo.

Particularmente nesta convocatoria, ao noso instituto fóronlle asignadas DÚAS PRAZAS para mobilidades europeas, con posiblidade de incrementarse dependendo da demanda doutros centros.

 

Cabe sinalar que, en primeiro lugar, os candidatos interesados deberán cumprir os seguintes requisitos básicos para poder participar nas mobilidades:

  1. Ser maior de 18 anos
  2. Ter a súa residencia en España.
  3. Ter sido seleccionado para participar nunha mobilidade durante durante o último curso académico da súa formación.
  4. Ter obtido unha titulación de Ciclo Medio de Formación Profesional nun centro educativo que sexa socio do PROXECTO PRACTICUM DEPO 2020 (o instituto Ribeira do Louro forma parte deste Consorcio). 
  5. Estar en disposición de iniciar e finalizar a mobilidade durante os 12 meses posteriores á data da súa titulación (data da firma das actas de avaliación).

Así, os estudantes que cumpran os anteriores requisitos básicos e que estean interesados en participar nunha mobilidade deberan cumprimentar o seguinte FORMULARIO DE SOLICITUDE e envialo ao enderezo ies.ribeira.louro@edu.xunta.gal entre o 27 de Novembro e o 1 de Decembro (ambos inclusive). É importante que no "Asunto" do correo se indique o seguinte texto: “SOLICITUDE PARTICIPACION ERASMUS DEPO NOME APELIDOS”.

 

Para calquera dúbida ou pregunta podes dirixirte ao Coordinador Erasmus do centro.

 

Distribuir contido