try another color:
try another fontsize: 60% 70% 80% 90%

Proceso de admisión de alumnado ESO/BACHARELATO para o curso 2020-2021

1)NORMATIVA REGULADORA

 Decreto 254/2012, polo que se regula a admisión do alumnado en centros docentes sostidos con fondos públicos que imparten as ensinanzas reguladas na Lei orgánica 2/2006, de educación. (DOG do 26 de decembro de 2012).

Orde do 12 de marzo de 2013 pola que se regula o procedemento para a admisión do alumnado no segundo ciclo de educación infantil, educación primaria, educación secundaria obrigatoria e bacharelato en centros docentes sostidos con fondos públicos (DOG do 15 de marzo de 2013).

ORDE do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos que impartan ensinanzas de 2º ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (DOG do 1 de febreiro de 2017).

 

2)PRAZO DE PRESENTACIÓN DE SOLICITUDES

Desde o 1 ata o 20 de marzo de 2020 (Para solicitudes presentadas no noso centro ata o 23 de marzo)

 

3)PRAZAS OFERTADAS

 

ESO

7+ 9 NEAE

ESO

16 PRAZAS

ESO

0 PRAZAS

ESO

0 PRAZAS

BACHARELATO CIENCIAS

3 PRAZAS

BACHARELATO HUMANIDADES E CS

10 PRAZAS

BACHARELATO CIENCIAS

18 PRAZAS

BACHARELATO HUMANIDADES E CS

12 PRAZAS

 

4)CENTROS ADSCRITOS 

  • CEIP Plurilingüe Antonio Palacios
  • CEIP da Cruz-Budiño
  • CEIP da Ribeira
  • CPR Santo Tomás

 

5)NOTA INFORMATIVA 

  • ALUMNADO DO CENTRO (TEN GARANTÍA DE PERMANENCIA, NON TEN QUE PRESENTAR SOLICITUDE NESTE CENTRO).

    No caso de que presente solicitude de admisión noutro distinto deberá comunicalo, ao mesmo tempo, ao centro de orixe (IES Ribeira do Louro).

     

  • ALUMNADO PROCEDENTE DUN CENTRO ADSCRITO (CON RESERVA PRESENTADA NO SEU CENTRO DE ORIXE, NON TEN QUE PRESENTAR SOLICITUDE NESTE CENTRO )

    O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión.

     

  • ALUMNADO SEN PERMANENCIA NIN RESERVA  QUE PRESENTA SOLICITUDE DE ADMISIÓN (DO 1 AO 20 DE MARZO)

    Cada alumna e alumno só pode presentar unha única solicitude no centro no que solicite praza en primeiro lugar, a infracción determinará a perda dos dereitos de prioridade que poidan corresponderlle.

     

    O prazo de presentación da documentación xustificativa dos criterios alegados para o baremo, se é o caso, é do 25 de marzo ao 3 de abril de 2020.

     

    Publicación das listaxes do alumnado admitido e non admitido: Provisionais antes do 25 de abril, definitivas antes do 15 de maio

      

  • PARA TODO O ALUMNADO

                                                                                                                     

    Prazo para formalizar a matrícula:

    ordinario do 25 de xuño o 10 de xullo (alumnado sen materias pendentes)

    extraordinario do 1 ao 10 de setembro (alumnado con exames de setembro)

      

6)ÁREA DE INFLUENCIA DO CENTRO:

 

Centros públicos adscritos de educación primaria por área de influencia:

  •  CEIP CRUZ-BUDIÑO:
    •  Parroquia de Budiño

 

  • CEIP ANTONIO PALACIOS:
    • Parroquia de San Salvador de Torneiros ata a vía do tren cara o casco urbano delimitada pola estrada PO-331 (O Porriño – Gondomar) incluíndo os barrios de A Relva, A Florida, A Mota, O Contrasto e A Abeleira e delimitada pola ruta de transporte escolar establecida na actualidade.

    • Por outra banda está formada cos límites establecidos polos polígonos residenciais 1, 2 e 5 da parroquia de San Rosendo de Torneiros.

 

  • CEIP DA RIBEIRA:
    • Parroquias de Mosende, Pontellas e Chenlo.
    • Polígonos residenciais 3 e 4 da parroquia de San Rosendo de Torneiros.

  

Centros adscritos de educación secundaria:

  •  CPR SANTO TOMÁS

Publicación alumnado con reserva de praza para o curso 2020/2021

Informamos que poden consultar as listaxes definitivas do alumnado admitido neste centro de adscripción para o curso 2020/2021 no taboleiro de anuncios do centro.

PIALE 2019

A profesora de inglés Natalia Regueiro participou nunha actividade de formación (PIALE) o pasado mes de outubro na cidade de Ottawa (Canadá). Nunha recente reunión co profesorado do centro compartíu as súas experiencias e aprendizaxes ensinándonos a seguinte presentación:

PINCHA AQUÍ PARA ABRIR A PRESENTACIÓN

 

 

 

XORNADA DE EMPRENDEMENTO NO I.E.S. RIBEIRA DO LOURO

Os departamentos de Administración e Economía do I.E.S. Ribeira do Louro organizamos unha xornada sobre emprendemento, no marco do Plan "Actúa - Eduemprende" da Consellería de Educación.

Durante dita xornada contamos coa intervención de María Traveso, en representación do IGAPE, quen nos falou sobre as principais axudas que desde esta institución ofrecen aos empresarios galegos e nos refrescou acerca dos aspectos clave que debe cumprir todo Plan de empresa.

Por outra banda, desfrutamos coas testemuñas de dous emprendedores da zona: Antonio Rodríguez, de “Eltega” e Pablo Rodríguez, de “El Ultramarino”.

Antonio Rodríguez é o socio fundador da empresa Eltega, unha compañía que oferta servizos de electricidade, informática e telecomunicacións de xeito integral en toda a comunidade. Tal e como aprendimos, a súa vantaxe diferencial reside no feito de englobar estes tres servizos nunha mesma compañía.

Pablo Rodríguez ten fundado a tenda El Ultramarino, un negocio especializado na venda e degustación de produtos locais de alto valor engadido que ademais actúa como distribuidor. Tal e como nos comentou, o seu produto estrela son as cestas persoalizadas de alimentos e bebidas garantindo unha coidada selección de referencias.

Dende o centro queremos agradecer públicamente a asistencia dos intervintes.  Estamos seguros de que as súas testemuñas aportaron unha dose de motivación extra e un coñecemento moi valioso aos nosos estudantes (e potenciais emprendedores, quen sabe...;)

 

 

 

 

Viaxe cultural a Madrid

Alumnado de 1º de Bacharelato viaxou a pasada semana a Madrid dentro dunha actividade cultural organizada conxuntamente polos departamentos de Lingua Española, Ciencias Sociais e Música. Os nosos compañeiros realizaron diversas visitas: á exposición sobre os 100 anos da Biblioteca Musical do Centro Cultural Conde Duque; asistencia ao musical de "Billy Elliot" e ao teatro "Fortunata y Benito"; e desfrutaron da arte nos museos do Prado e Reina Sofía. Por último, á volta da viaxe, visitaron tamén a monumental cidade de Segovia. 

 

Aberta a inscrición para as probas de acceso aos ciclos superiores

Do 10 ao 19 de febreiro estará aberto o prazo de inscrición para a realización das probas de acceso a ciclos superiores de formación profesional correspondentes á convocatoria 2020.

A solicitude é obrigatoria facela pola aplicación informática https://www.edu.xunta.es/ciclosprobas/PaxinaInicio.do

As solicitudes creadas no asistente web teñen que ser entregadas nun centro de inscrición, xunto coa documentación que se indique na instancia. O centro procederá á validación da solicitude e entregará unha copia á persoa solicitante aos efectos de resgardo. En tanto non se efectúe este trámite non quedará feita a matrícula.

Mais información en http://www.edu.xunta.es/fp/acceso-grao-superior-convocatoria-actual

 

INFORMACIÓN RESERVA DE PRAZA ALUMNADO CENTROS ADSCRITOS

A reserva de praza para o vindeiro curso escolar 2020/2021 dos centros de primaria e secundaria adscritos ao IES Ribeira do Louro  formalizarase do 1 ao 17 de FEBREIRO de 2020 na secretaría dos propios centros ou a través da SEDE ELECTRÓNICA da Consellería de Educación vía on line.

Centros de primaria:

  • CEIP Plurilingüe Antonio Palacios
  • CEIP Budiño
  • CEIP da Ribeira

Centros de secundaria:

  • CPR Santo Tomás

 

I Concurso

 

O IES Ribeira do Louro faise ver e oír polo clima”

 

O Ribeira do Louro promove dende hai tempo diversas actividades nas que a comunidade educativa amosa a súa sensibilidade fronte ao cambio climático e pretende espallala pola súa contorna. Por iso, agora decide por en marcha un concurso de slogans e/ou debuxos.

 

Cal é a idea?

 

A idea é crear ou deseñar un logo e/ou slogan con algún motivo ou reseña que sensibilice as persoas a ter unha participación activa na proteción do planeta fronte ao cambio climático.

 

O traballo gañador empregarase para a elaboración de materiais que permitan a promoción e divulgación da campaña (camisetas, bolsas de algodón e botellas de auga reutilizables).

 
 
 

REUNION EN TURQUIA DO IES RIBEIRA DO LOURO POLO PROXECTO LIVINGRIVER

O IES Ribeira do Louro do Porriño está a participar do 4 ao 6 de novembro no 3th Transnational Project Meeting dentro do Programa de Erasmus+ "LivingRiver: Caring and Protecting the Life and Culture Around Rivera and Stream"  en Balikesir, Turquía. Neste encontro reúnense institucións de catro territorios: Turquía, Rumanía, Portugal e Galicia.

 En representación do centro porriñés están tres docentes de cadanseu departamento. Alí trátase o desenvolvemento do proxecto que ten como obxecto de traballo a análise dos ríos, da súa conservación e da vida que se desenvolve ao redor del, tanto biolóxica como humana, cultural e histórica.

 Os distintos socios no proxecto avalían o seu desenvolvemento. Ademais, visitan centros formativos de secundaria do país anfitrión, que tamén participan neste programa internacional financiado pola Unión Europea.

 Un dos obxectivos desta reunión é organizar a viaxe que fará o noso alumnado a cidade turca de Edremit no vindeiro mes de outubro. Alí serán acollidos pola Universidade de Balikesir e os centros de secundaria asociados. Neste encontro internacional de estudantado de secundaria, presentarán todo o traballo que están a desenvolver no centro de Torneiros sobre o río Louro e afluentes, coordinados polos departamentos de Bioloxía e Lingua Galega. Ademais, nestas xornadas o estudantado asistirá a formación específica centrada na tecnoloxía e na comunicación.

A presente reunión de traballo é unha complementación das xornadas formativas para o profesorado implicado que tiveron lugar na Universidade de Coimbra do 21 ao 24 do pasado mes de outubro. Nelas as docentes recibiron os modelos de traballo para aplicar co estudantado no instituto do Louro.