A Comunidade Educativa do IES Francisco Aguiar lamenta a perda de Carmen Casillas Guisado, boa docente e boa compañeira, e desexa acompañar nestes momentos de dor aos seus seres queridos.

Facémonos eco, tamén, das palabras dunha ex_alumna de Carmen que reflexan ben o sentir de todos nós:

"Cando camiñamos, e chocamos, con persoas que realmente aman o que fan, sentimos que nos tocan.

Profundo.

De maneiras que nunca chegarán a intelixir. 

Día moi triste para as persoas que participaron do premio de verte regalando coñecemento,

forxando identidades. 

Estarás sempre presente por descubrirme como invertir o mundo e dubidar.

Grazas."

Chegou aos nosos oídos... a participación da nosa ex alumna Iria Cano (primeira, e guapísima, pola esquerda) no Campeonato de España 2018 de Patinaxe na modalidade de Solo Danza. (enlace)

PARABÉNS, Iria!

PD: decididamente...ás veces que pouco sabemos da vida do noso alumnado máis aló das paredes da aula, e que agradablemente nos sorprenden

Cando o profesor David de Río propuxo que unha xoven poeta de Miño viñese a falar de poesía ao noso alumnado, unha chea de recordos acudiron á nosa memoria. 

A "mosquetera" que agora nos propón duelo literario á lúz da lúa flotaba ben viva na nosa memoria dos primeiros anos do século XXI. Indistinguible, para os menos observadores da súa irmá Zeltia, cursaba o Bacharelato nas aulas do Francisco Aguiar. Acordámonos de Lúa e Zeltia como activas escritoras; incansables colaboradoras da profesora Concha Delgado; Lúa  gañadora, xa daquela, dalgúns prestixiosos premios literarios escolares. Sempre na biblioteca esculcando entre o mellor da literatura. 

En abril de 2005 Lúa Mosquera Tenreiro (Alumna de 1º BAC) obtivo

o accésit en narrativa do Premio Minerva convocado polo Colexio Peleteiro de Santiago.

Pouco despois as inquedanzas artísticas orientáronse ao mundo do deseño de moda cunha interesante aposta de emprendemento, a casa Nicanora(enlace).

E agora ( 6 de xuño do 2018) , atopamos a Lúa de regreso ao Aguiar para presentar un emocionante libro de poemas.

Para falar de poesía ao alumnado novo.

Para ser ela mesma a que agora avive o entusiasmo pola literatura (pola verdade) recibido entre estas mesmas paredes. 

Para presentar a súa obra: "Rasrás"

booktrailer de "Rasrás"

Ilustración: Maria Hesse 

33ª SEMANA [3ª SESIÓN]

As suxestións de lectura desta semana quedan xeraquizadas por orde alfabético:

Sara Parga Pérez,

Giuseppe Scaraffia e

Amaia Tomé. 

Algo máis que un pracer literario voltar a ler ás nosas exalumnas escritoras!!!!

PABLO PORTABALES 

26/05/2018 05:00 H

Y este jueves tuvo lugar el acto de graduación en el Francisco Aguiar de Betanzos.

Hubo actuaciones musicales, intervenciones de alumnos y profesores, «e entrega das insignias do instituto», comenta el director, Francisco Rodríguez.

https://www.lavozdegalicia.es/noticia/coruna/coruna/2018/05/25/siempre-instituto/00031527265377866846272.htm

Así recolle Pablo Portabales a nosa graduación do xoves 24 en palabras necesariamente sintéticas para dar cabida a outros institutos.

Pero os que tivemos a fortuna de disfrutala "in situ"  sabemos poñer moitos detalles entrañables. 

Certo que houbo actuacións  musicais grazas a Blanca Bello, ao alumnado de BAC, a Amë e a Óscar. Actuacións que emocionaron,   "Mama mia" con botas plateadas incluidas (directamente ABBA) por parte de Blanca;   

decindo a todos que non nos mete medo o que veña por diante, que "non hai montaña suficiente grande " ("Ain't no mountain high enough") para os que alí estabamos;

ou a chamada a soltar amarras  sen chorar polo que deixamos atrás que Amë cantou (acompañada á guitarra por öscar e ao piano por Blanca) con "The Sign of the Times".

Claro que houbo discursos!

A voz grave e sempre impresionante de Francisco desvelou un dos grandes secretos: a xeración do 2018 pasaba a ser modelo para a xeración do 2019. 

Quen non ríu e emocionou coas palabras delicadas de Selene, coa alegría contaxiosa de Amë ou a enerxía de Tania!

Como non escoitar aos autoalcumados "xeración desastre" relatar as peripecias do paso polo Insti, o recordo para os que vivían tan lonxe ( ou en repúblicas independentes) que parecía mentira que viñesen ata Betanzos a recibir clases. Lidía de blanco elegante e impoluto; Andrea estilizada e altísima;  dinámica e alegre, como sempre, Lucía.

E sorprendernos co discurso de ciencias que María e Elías declamaron case sen mirar para o papel. As indubidables dotes para a escea de Elías, a voz serea e firme de María (impresionante). Un discurso impecablemente construido que nos levou da poesía  á risa  transportados sen resistencia posible  por un vendaval de emocións. 

E que dicir do discurso dos profes, de Cheché e Blanca. Ninguén podía esperar nada parecido. Cheché e Blanca falando distendidos, rindo e facendo rir sen "cortarse" por  poñer un nariz de pallaso, unha pamela de palla ou unha gorra de capitán de barco. Blanca e Cheché cantando os maitines que profetizaban a noite que viña por diante aos graduados,  ou animando con música de Orquesta Mondragón:"Viaje con nosotros "Francisco Aguiar". Viaje con nosotros a mil e un lugar.."

E logo de todo isto "entrega de insignias". Certo que se entregou este deseño que nos identifica e nos situa nesa cidade outa abrazada polos ríos Mandeo e Mendo que se funden na ría de Betanzos. Pero esa entrega era case o de menos,  porque o xeito en que o Aguiar quedaba  era xa en forma de vivencias fondas no alumnado e profesorado, en familias e amigos. 

Que logo fixesemos unha fotografía que nos reunía a todos, ou que rematásemos co  refrixerio ofrecido por Melania, era só un aparente final. De feito, moitos viñeron á mañá seguinte directos da festa coruñesa (algúns ataviados con calcetíns de cor  rosa... vai saber saidos de onde, outras termando por facer o horario escolar completo ata o final da mañá).  E agardamos que sigan viñendo cada vez que necesiten algo de nós ou simplesmente para facermonos saber que é das súas vidas. 

BOA VIAXE ! (agárdavos a vosa Itaca)

 Xeración do ano 2000

Promoción 2018 do "Aguiar"

CHEGOU ÁOS NOSO OÍDOS... que Fragas do Mandeo, Fondo de conservación da Natureza das Mariñas, e na que xoga un papel impulsor moi importante o noso compañeiro Juan M Neira, foi nomeada pola Casa Grande de Xanceda como HEROE VERDE Mereceu este recoñecemento polo seu labor dende 2010 para a recuperación do bosque autóctono na cunca do Mandeo.

A consecución diste galardón, da súa dotación económica será utilizado para mercar terras de monte no entorno do Mandeo, continuando co seu interesante labor. 

Aínda que por problemas alleos aos nosos compañeiros actualmente está desactivada a páxina de votación vola facemos saber por se queredes sumarvos, cando estea activa, ao apoio desta meritoria labor.

DENDE O AGUIAR, PARABÉNS PARA FRAGAS DO MANDEO

Chegou aos nosos oídos... un novo éxito de alumnos e ex alumnos e así nolo conta o clube de taekwondo Kwon:

PROFESSIONAL TAEKWONDO OPEN DE ZAMORA
Un ano máis desprazámonos ao open internacional de Zamora cunha nutrida expedición, compartindo viaxe cos nosos amigos de Garrapucho da Coruña e alumnos da Universidade da Coruña, como Saúl Rilo.
Este Open ten cousas moi boas, pero que reduzan todas as categorías a 2 asaltos, casco electrónico "onde lle cadre"... cambian radicalmente a competición. Así, faltounos unha chisca de intensidade dende o inicio, e maior concentración para non cometer os mesmos erros unha e outra vez, polo que perdimos ata 5 combates que tiñamos gañados. Ata aquí a parte negativa... positivas hai moitas, pero resumindo, a actitude e traballo de tod@s, novos e veteráns, é sempre impecable. O que temos é que non conformarnos para seguir medrando!!

Finalmente 2 medallas de prata (Aron Vázquez e Paula Lameiro) e 3 medallas de bronce (Franz Carro, Andrea Cortés e Laura Penas) e moitos "casi" cos que temos que traballar.

NORABOA A TOD@S E A SEGUIR QUE ESTAMOS NA RECTA FINAL!!!

Nun intento máis do Departamento de Educación Física  de potenciar o deporte máis aló das disciplinas máis ou menos omnipresentes na nosa época, agora propoñen ao alumnado de 3º da ESO unha introducción ao piragüismo.

Hai tamén nesta proposta o desexo de potenciar deportes que son perfectamente accesibles ao noso alumnado porque hai clubs na propia loicalidade que os desenvolven. O Club de Piragüismo Ría de Betanzos é unha entoidade de sobra asentrada en betanzos, e que deu grandes figuras a este deporte como o noso ex Carlos Arévalo ( Por certo,  chegou aos nosos oídos.... que Carlos acaba de acadar o campionato na Copa de España de k1 200 metros .

Na foto, á esquerda,  Carlos  compartiendo pódium con  dos fieras , @juan_oriyes y @marcuscooperwalz .

Pois ben, nos vindeiros luns 7 e 14 de maio entre as 9,30 e as 11,30, os alumnos e alumnas de ESO 3º B e D acompañados polos profesores Leonardo Piñeiro e David del Río  e cun nutrido grupo de monitores expertos ( 1 por cada 10 alumnos) terán ocasión de achegarse e disfrutar diste fermoso deporte.

Máis adiante os días 10 e 16, no mesmo horario, serán os grupos A e C os que realicen a actividade.

Está tamén prevista a participación, cunha única sesión do alumnado de 1º ESO nos días 22 e 24 de maio.