CHEGOU AOS NOSOS OÍDOS...

 

 

Compartimos una breve crónica da xuntanza de Xuño 2019 do club de lectura de adultos Biblos-Aguiar. Nesta volta compartiron o derradeiro libro de Raquel Vázquez, ex-alumna do Aguiar, que coma os vén tendo acostumados dende os seus tempos de estudante, brilla no seu traballo.

"A poeta e narradora Raquel Vázquez falounos por extenso do seu libro de contos “Paralelo 36”. Está publicado en Talentura e recolle un conxunto de textos de ficción realista co nexo de unión de se desenvolveren en lugares situados á altura de dúas liñas imaxinarias, o paralelo 36 norte e o paralelo 36 sur. Dezaseis historias polas que transitan vidas diferentes que, ao tempo, comparten arelas, dores, carencias. No encontro coa autora participaron as lectoras e lectores que forman parte do Club de Lectura Biblos-Francisco Aguiar."

Publicado no Facebook de Biblos Clube de Lectores

Álbum: Club lectura 2018-2019 -> Club lectura adultos xuño 'Paralelo 36' de Raquel Vázquez

O noso compañeiro de profesión, Juan Vázquez Pousada, un ex do Aguiar, ven de gañar o Premio ao mellor actor.
Insania, a obra da Agrupación Teatral Mariñán, obtivo o Premio á mellor obra.
Parabéns polo éxito aos nosos ex e aos seus compañeiros!!!

Chegou aos nosos oídos unha "Jornada académica" con conferencias de diferentes ponentes da USC que o vindeiro venres 29 terá lugar no privilexiado enclave da Igrexa de San Francisco.

Chegou aos nosos oídos a participación nun interesante ciclo de conferencias do 'Anuario Brigantino' da nosa compañeira, profesora durante moitos anos no 'Aguiar', Concha Delgado.

Chegou aos nosos oídos.... a participación dun ex alumno do Aguiar, o historiador Andrés García Carneiro no ciclo de Conferencias que anualmente organiza o Anuario Brigantino coa coordenación do Arquiveiro e Bibliotecario Alfredo Erias. 

Coa presencia da alcaldesa María Barral (tamén formada no Aguiar) e un nutrido grupo de participantes,  Andrés pronunciou unha interesantísima conferencia que levaba o título de  "Pasado, presente e futuro do casco histórico de Betanzos". Andrés soubo guiarnos dun xeito moi atinado para facer  repaso pola historia da cidade e das actuacións tendentes á conservación do noso patrimonio rematando cun chamado a un futuro máis consciente.

Ao remate da conferencia abríuse paso a un interesante e a nimnado coloquio no que tamñén poidemos escoitar a ex do Aguiar como Ángel Arcay (Casa dos Espellos) ou ao profesor Xosé Luis Mosquera.  O coloquio amosou que o tema é un asunto moi controvertido e poliédrico.

Quedou claramente de manifesto que: efectivamente se nos perdemos (escudamos) en discusións sobre quen ten as competencias e os medios, xa temos perdida a partida porque como reclamou o poñente "as casas non esperan por nós". Só un traballo conxunto de administracións e sociedade civil pode facelo posible. Aínda que parece claro que na iniciativa e coordenación dise labor conxunto deben estar os políticos (cecais primeiro municipais) E iso mesmo aplícase ao tema dos particulares que intervilñeron con vehemencia no coloquio reclamando axudas. Eles só poderán asumir con conciencia o coidado do patrimonio se atopan axuda,  sobre todo económica. 

O profesor  Xosé Luis Mosquera  reflexionou respecto a que semella que "chegamos tarde" e a ao que chegamos tarde foi ao encpntro para traballar xuntos: administracións, particulares, asociacións...