Equipo directivo

Hoxe, luns 20 de xuño, os e as correspondentes xuvenís foron de excursión, como recoñecemento ao labor desenvolvido ao longo deste curso académico. 

Neste día lúdico en Santiago de Compostela aproveitamos para ir ao Cine Numax a ver a película Snowden, dirixida por Oliver Stone, na que se conta a historia de Edward Snowden, un xoven analista que traballa para a Axencia de Seguridade Nacional (NSA) nun programa secreto de vixilancia mundial no 2013. 

Edward Snowden a través dos xornais TheGuardian e The Washington Post fixo públicos ao redor de 9000 documentos que estaban clasificados como alto secreto sobre diversos programas de la NSA, incluíndo os programas de vixilancia masiva PRISM e XKeyscore. 

Unha vez rematado o filme acercáronse ata o Parlamento de Galicia, onde foron recibidas e recibidos por Adriana Martínez (Responsable de visitas guiadas do Gabinete de Presidencia do Parlamento), Carlos Varela (Responsable de comunicación do Gabinete de prensa da Presidencia do Parlamento) e Pedro Vila (Xefe do servizo de Tecnoloxías da Información do Parlamento).

Tendo en conta o traballo que desenvolveron os e as correspondentes xuvenís ao longo do curso, puideron contar cunha visita personalizada e única, na que lles explicaron a posibilidade de ver as sesións parlamentarias en directo, en diferido e a demanda a través da Mediateca, recurso propio do Parlamento, polo que non lles fai falta empregar Youtube; como se realizan as gravacións e como se busca sempre a obxectividade, motivo polo que non se editan os vídeos das gravacións para evitar a subxectividade; e como están a traballar en que durante a emisión das sesións parlamentarias se leve a cabo a transmisión das palabras, de aí que conten tamén coa linguaxe de signos, xa que isto permite tamén a accesibilidade das persoas con discapacidade.  

Ademais viron como se estrutura a súa web e cales son as redes sociais que usa o Parlamento de Galicia, neste caso Facebook e Twitter, nas que dan conta do que sucede no Parlamento, tales como as actividades que se desenvolven, publicación da axenda diaria, comparten o vídeo do pleno con enlace directo á Mediateca onde se atopa aloxado. Todo elo sempre desde a obxectividade, non se realizan comentarios ás novas publicadas. 

Unha vez rematada esta sesión informativa puideron ver a sala de control, dende onde supervisan as oito camaras que teñen no hemiciclo e como a través de Akamai  poden retransmitir en streaming a todo o mundo.  Ademais accederon ao hemiciclo, alí explicáronlles o seu funcionamento, os tempos de intervención dos deputados e deputadas, como xestionan este tempo de intervención e como se lles proxecta o que teñen para cada intervención; como se gravan as sesións  e como nesas gravacións son o máis obxectivos e limpos posibles, evitando posibles situacións “cómicas” que poden desviar o foco do que realmente é importante a nivel informativo. Á parte de resolveren as dúbidas que xurdiron ao longo desta visita. 

Grazas pola vosa amabilidade e acollida, polo voso saber compartido, Adriana Martínez,  Carlos Varela  e Pedro Vila.

Álbum: Curso académico 2021/22 -> Excursión Correspondentes Xuvenís

O venres, 17 de xuño, todo o alumnado do instituto participou nunha xornada de xogos tradicionais. 

A Asociación Galega do Xogo Popular e Tradicional de Melide, capitaneada por Paco e Manolo Charrancas,  acercou ao alumnado a carrilana, o aro, a petanca, a buxaina, tirapedras ou tiracoios, leiriñas, tres en liñas, tiratacos ou tirabalas, as chapas, carreiras de sacos, a chave, zancos, a corda, a rá  e moitos máis xogos.

A verdade que quedamos con ganas de máis! Así que agardamos velos nalgunha outra ocasión.

Se queredes ver  e xogar na vosa casa algúns dos xogos tradicionais, aos que xogamos e algúns outros, podedes descargalos na APP de xogos tradicionais:

• Google Play: https://play.google.com/store/apps/details?id=com.ozonomultimedia.xogos_tradicionais_app&hl=es_419&gl=US

• Apple store:https://apps.apple.com/es/app/xogos-tradicionais/id1569821228

Álbum: Curso académico 2021/22 -> Xogos tradicionais

Na xornada de hoxe tivemos a sesión de acollida, por un lado, coas familias do CEIP de Palas de Rei e, polo outro, coas familias e o futuro alumnado de 1º de Bacharelato do CPI de Guntín, ás que agradecemos a asistencia a esta xornada.

Durante a mesma buscouse familiarizar aos asistentes co centro e a súa organización, informar sobre os cambios educativos derivados da implantación  da LOMLOE, as normas de convivencia, mecanismos de información e participación e resolver todas aquelas dúbidas que puideron xurdir. 

Benvidos e benvidas! Vémonos en setembro.

Álbum: Curso académico 2021/22 -> Acollida familias

O mércores 8 de xuño contamos no instituto coa visita do alumnado de 6º de educación primaria, que acudiu acompañado polo seu titor, Óliver, e a súa orientadora, Emma.

Durante esta xornada informouse ás futuras alumnas e alumnos acerca dos datos máis salientables do vindeiro curso: materias que van cursar, horario do centro, normas de convivencia, TEI, Edixgal..... 

Así mesmo, contamos con dous anfitrións de 1º da ESO, Samuel Martínez e Sofía Rivera,  que resolveron as dúbidas do alumnado de 6º de educación primaria e que ademais foron a encargada e o encargado de guialos  a través do percorrido que fixemos polo instituto: a aula de tecnoloxía, a biblioteca, o ximnasio, o laboratorio de bioloxía..... Grazas, Samuel e Sofía, por serdes uns fantásticos anfitrións! 

 E queremos dar tamén as grazas ao alumnado de 6º de educación primaria e ao seus mestres por acudir ao noso centro e facer que esta visita fose posible e que pasaramos un rato moi agradable. 

Xa sabedes que nos vemos axiña, á volta das vacacións de verán! 

Álbum: Curso académico 2021/22 -> Visita do alumnado de 6º Educación Primaria

CALENDARIO FIN DE CURSO (21/22)

XUÑO

Días 7 e 8 de (martes e mércores):

• 3 ª Avaliación de ESO.

• 3 ª avaliación e final ordinaria de 1º BAC

 Día 9 de (xoves):

• Entrega de notas a última hora da mañá.

• Ás 15:00 publicación das notas en abalar.

 Día 10 (venres) e 13 (luns):

• 1º de BAC: ata as 14:00 horas presentación de reclamacións no centro.

 Día 14 (martes):

• 1º de BAC: ás 12:30 h. entrega das resolucións dos departamentos ao alumnado rectificando ou ratificando a cualificación outorgada.

 Día 15 e 16:

• 1º BAC: ata as 14:00 presentación de reclamacións ante Xefatura Territorial.

 Días 20-22:

• Probas finais da convocatoria extraordinaria para BAC.

Día 22 (mércores):

• Rematan as clases.

 Día 23 (xoves):

• Avaliacións ordinaria de ESO e extraordinaria de BAC.

• Ás 18:00 h. publicación das notas en abalar.

 Día 27 (luns) e 28 (martes): 

• Ás 10:00 o día 27 entrega de boletíns de notas no centro (cada grupo na súa aula de referencia) e de sobres de matrícula.

• Presentación de reclamacións no centro dende as 09:00 ata as 14:00 horas.

• Revisión de actividades, tarefas ou traballos co profesorado. 

A ENTREGA DOS LIBROS DE TEXTO NO CENTRO FARASE AO RECOLLER O BOLETÍN DE NOTAS.

Día 29 (mércores): 

• Ás 12:30 h. entrega das resolucións dos departamentos ao alumnado rectificando ou ratificando a cualificación outorgada.

 Día 30 de xuño e 1 de xullo:

• Ata as 14:00 h. presentación de reclamacións ante a Xefatura Territorial.

FONDO DE LIBROS DE TEXTO E AXUDA MATERIAL ESCOLAR: CURSO 2020/21.

Publicada a orde pola que se convocan as axudas para o fondo solidario de libros de texto para o curso 22-23. Teñen máis información: https://www.edu.xunta.gal/portal/fondolibros

No noso centro, ao estarmos dentro do Proxecto E-Dixgal (libro dixital) ao menos en 6 materias por curso, non hai axuda para libros, pero si para adquirir material escolar.

Está aberto o prazo para presentar as solicitudes ata o 22 de xuño, incluído.

Dado que en 2º e 4º non hai cambio de libros este ano, este alumnado debe, se o ten a ben, agardar  ata setembro para adquirilos, pola posibilidade de que se lles poidan facilitar dende o fondo libros do centro, de haber existencias.

RESUMO da Orde do 29 dea bril de 2022.

Axudas ESO: 1º, 2º, 3º e 4º ESO  (Material Escolar) 

REQUISITOS: Ter devoltos os libros do curso 2021/22.

EXCLUSIÓN: A falta de devolución dos libros de texto será causa de EXCLUSIÓN da participación no fondo solidario.

SOLICITUDES:

• Unha solicitude única por familia para todos os fillos e fillas do centro.
• Desde o 18 de maio ao 22 de xuño de 2022

DOCUMENTACIÓN:

• SOLICITUDE que se obtén na conserxería ou en http://www.edu.xunta.gal/portal/fondolibros
• Fotocopia dos DNI de todos os membros da unidade familiar.
• Fotocopia do libro de familia en que figuren todos os membros da unidade familiar.

SUBSTITUCIÓN LIBRO FAMILIA

1. Sentencia xudicial de separación ou divorcio ou, de ser o caso, convenio regulador onde conste a atribución da custodia do/da menor.
2. Certificado ou volante de convivencia.
3. Informe dos servicios sociais ou do órgano equivalente do concello onde resida a familia.
4. Certificado do grao de discapacidade do/da alumno/a ou calquera membro da familia recoñecido por un órgano que non pertenza a Xunta de Galicia.

NOTA: O alumnado ten a obriga de conservar en bo estado os libros de texto adquiridos na súa integridade con cargo ao importe das axudas, así como incorporalos, ao rematar o curso escolar 2022/2023, a un fondo solidario que se constituirá no centro (banco de libros).

IMPORTANTE : Solicitude única por familia para todos os fillos e fillas.

O alumnado de 2º e 4º ESO, cursos que non están suxeitos o cambio de libros este ano, deberan agardar ata setembro para adquirilos, ante a posibilidade de un reparto de libros do “Fondo Libros” do centro.

Os días 16 e 17 de malo non hai clases lectivas.

Atendendo ao establecido na Orde do 25 de xaneiro de 2022 pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia, os departamentos didácticos, actualizan as súas programacións a fin de adaptalas a nova normativa vixente en materia de avaliación. 

Pódese consultar nos seguintes enlaces as adaptacións das programacións dos distintos departamentos didácticos:

• Artes plásticas 
• Bioloxía e Xeoloxía 
• Economía 
• Educación Física
• Filosofía
• Física e Química
• Francés 
• Inglés 
• Latín 
• Lingua Castelá 
• Lingua Galega 
• Matemáticas 
• Música
• Relixión
• Tecnoloxía
• Xeografía e Historia