Obra teatral Manzanas Rojas

O pasado 9 de maio o alumnado da materia de Oratoria representou para o grupo de quinto de primaria do CEIP de Palas de Rei a obra teatral Manzanas Rojas de Luis Matilla. A actividade tivo lugar na biblioteca e a este espazo acudiu toda a rapazada que previamente tiñan lida dita obra xunto coa súa titora.

Moitas grazas pola participación e colaboración do cole e parabéns ó alumnado!

Álbum: Curso académico 2023/24 -> Obra teatral Manzanas Rojas

Premios extraordinarios de bacharelato. Convocatoria 2023-2024

Xa se pode consultar a información sobre a convocatoria 2023-24 dos premios extraordinarios de bacharelato:

 

Orde de convocatoria: DOG do 26 de abril

Consulta un resumo da información da convocatoria na seguinte ligazón.

Información sobre as probas ABAU

Na seguinte lista de documentos adxuntos pódense consultar informacións relevantes sobre as ABAU: a convocatoria cos documentos e prazos de matrícula, horarios dos exames, normas de comportamento e execución das probas, as ponderacións das diferentes materias para cada titulación universitaria e os lugares de realización das probas (os alumnos do IES do Camiño realizarán a proba na Facultade de Administración e Dirección de Empresas, en Avenida Alfonso X O Sabio, Lugo). Tamén se pode consultar toda esta información na páxina web da CIUG: https://ciug.gal/gal/abau.

 

Día do Libro

O pasado 23 de abril, Día do libro, organizamos unha busca do tesouro na biblioteca do IES do Camiño. O alumnado debía resolver dúas probas. A primeira consistía en completar unha sopa de letras con palabras sacadas dalgúns títulos recoñecidos da nosa literatura que estaban incompletos. Na segunda proba debían unir obra e escritor/a ata dar co título que sobraba, o cal era a pista definitiva para saber onde se atopaba agochado o tesouro.

Moitas grazas a todos/as por participar e parabéns a Sabela, a gañadora!

Álbum: Curso académico 2023/24 -> Día do Libro

Obradoiro de pintura

O alumnado de Expresión Artística (4º de ESO) e Debuxo Artístico (1º de bacharelato) realizou un obradoiro de pintura coa artista Alba Vázquez Seijas. Os rapaces e rapazas traballaron a mancha con pintura acrílica sobre lenzo, unha experiencia moi satisfactoria e enriquecedora.

Álbum: Curso académico 2023/24 -> Obradoiro de pintura

Ensinanzas artísticas

Álbum: Curso académico 2023/24 -> Ensinanzas artísticas

Axudas para alumnado con necesidades específicas de apoio educativo

Álbum: Curso académico 2023/24 -> Axudas NEAE

Enlaces de interese para os amantes dos libros

Aquí podes consultar dúas páxinas web a traveso das que podes descargar libros gratuitamente:

Encontro do club de lectura

O día 22 de marzo tivo lugar o último encontro do segundo trimestre do club de lectura do IES do Camiño. Como o día anterior fora o Día Mundial da Poesía, nesta ocasión non só comentamos a obra de narrativa elixida, ¿Cuál es tu lucha? de Nando López; senón que repartimos e lemos algúns poemas de Penúltimas tendencias e Makinaria de Carlos Negro. Tamén seguindo o proxecto da RAE "Amamos la poesía" nos fixamos nalgúns poemas, por exemplo "Diferente" de Juan Ramón Jiménez. No medio da lectura e entre o debate xerado, acordamos facer un recital conxunto fóra do centro coa colaboración dos voluntarios da biblioteca, algúns deles membros do club. Seguiremos informando...

Álbum: Curso académico 2023/24 -> Encontro do club de lectura

Encontro do club de lectura de adultos

O día 4 de abril xuntámonos o club de lectura de adultos do IES do Camiño para falar sobre a lectura do trimestre. Seguindo o lema das biblioteca escolares, apostamos pola banda deseñada. Madialeva de Ana Moreiras foi a obra escollida. Non contabamos, por primeira vez, e xa van catro encontros, coa presenza da escritora, polo que a reunión tivo un cariz diferente. Nesta caso as aportacións dos/as lectores/as tomaron maior protagonismo e foi un gusto escoitar reflexións acerca do cromatismo das ilustracións ou os planos detalle empregados nas viñetas. Tamén puidemos debater sobre algún dos múltiples temas que toca a obra, pero foron a migración ou os matrimonios concertados os que deron máis que falar.

O próximo e último encontro do curso farémolo neste terceiro trimestre e como suxerencias de lectura saíron: Un animal chamado néboa de Ledicia Costas, Xaora de Ana Moreiras, Senlleiras de Antía Yáñez ou As chaves do tempo de Luisa Villalta, entre outros.

Álbum: Curso académico 2023/24 -> Encontro do club de lectura de adultos
Distribuir contido