 |
 |
 |
 |
|
|
Iniciar sesiónLingua Castelá
Contacontos do alumnado de Oratoria
Enviado por Lois o Mar, 09/01/2024 - 11:29O día 19 de decembro o alumnado de Oratoria acudiu á Escola Infantil de Palas de Rei a facer un contacontos, como parte do proxecto do primeiro trimestre nesta materia. As mestras, as nenas e os nenos acolléronnos moi ben e ben seguro que repetiremos a experiencia.
Actividade "Os contacontos"
Enviado por Lois o Ven, 02/12/2022 - 14:08O pasado luns 28 de novembro o alumnado de Oratoria do noso instituto acudiu ó CEIP Plurilingüe de Palas de Rei a facer unha sesión de contacontos para o alumnado de 3 e 4 anos. Trátase da actividade final do proxecto para este trimestre.
As nenas e os nenos de 3 anos ó rematar, agasalláronnos cantando e contando eles xunto coa súa mestra un conto. Foi unha experiencia ben bonitiña e queremos agradecer a boa disposición do centro, así como a súa agarimosa acollida.
Teatro na biblioteca
Enviado por Anónimo o Mér, 22/06/2022 - 20:54O alumnado de 2° da ESO representou hoxe na Biblioteca do noso centro: Edelmiro II y el dragón Gutiérrez de Fernando Lalana, unha obra teatral que traballamos na materia de Lingua Castelá. Eles mesmos elaboraron os monicreques, os decorados e propuxeron diferentes ideas para facer os cambios de escenas. Fixeron unha gran actuación, foi traballo en equipo. Parabéns!
Como noutras ocasións inspirámonos na idea de @muyprofe
Encontro co alumnado do CPI Poeta Uxío Novoneyra
Enviado por Anónimo o Dom, 12/06/2022 - 19:23O día 8 de xuño algúns dos rapaces de segundo e terceiro da ESO do IES do Camiño xuntáronse coa rapazada do CPI Poeta Uxío Novoneyra do Courel. Xa se coñecían por carta, pois dende o primeiro trimestre os Departamentos de Lingua Galega e Castelá dos dous centros coordinaron un proxecto de envío de misivas co obxectivo de fomentar a expresión escrita. O encontro foi curto, a viaxe foi longa e choveunos; pero recibíronnos con moito agarimo e un aperitivo, os rapaces puxéronlles cara ós seus correspondentes, xogaron ós detectives e quedaron con gana de máis.
Na imaxe podemos ver a todo o grupo no Centro de Interpretación das Covas en Meiraos, pois alí rematou a nosa viaxe.
Proxecto de lectura
Enviado por Anónimo o Mér, 15/12/2021 - 18:59En 2° de ESO na materia de Lingua Castelá e Literatura este primeiro trimestre lemos as Lágrimas de Shiva de César Mallorquí e para evaluala súa lectura propuxémoslles ás alumnas e alumnos a elaboración dun proxecto inspirado na idea de @muyprofe.
Samaín en Lingua Castelá
Enviado por Anónimo o Lun, 01/11/2021 - 20:16En Lingua Castelá con motivo da festividade de Samaín fixemos varias actividades seguindo a idea de @muyprofe.
"Lectura en caixas"
Enviado por Anónimo o Mar, 22/06/2021 - 18:50No terceiro trimestre en Lingua Castelá o alumnado desenvolveu un proxecto que chamamos "Lectura en caixa".
Os rapaces e as rapazas leron 14 contos e de cada un deles artellaron unha manualidade ou debuxo relacionado, ademais dun texto de entre todos os tipos de textos estudados ó longo do curso. Saíron verdadeiras obras de arte e sendo conscientes da implicación das familias, aproveitamos para darvos as grazas.
Por outra banda, a profesora asignou a cada un dos rapaces e das rapazas un deses catorce contos que converteron en textos teatrais e que representaron nun contacontos con monicreques ben fermoso na Biblioteca o día 21 de xuño. Tamén fixeron unha exposición das caixas ese mesmo día.
Que creatividade teñen os nosos alumnos e alumnas de 1º da ESO capitaneados pola profe de Lingua Castelá!
Podedes ver as imaxes da sesión na galería:
