Equipo directivo

     No IES do Camiño  conmemoramos, ano tras ano,  o día 8 de marzo,  Día Internacional da Muller. Este ano é un ano máis especial porque as limitacións da pandemia non nos deixan celebralo do xeito que nos gustaría, aínda así as gañas e as ilusións non se perden e están presentes nos 365 días. 

     No noso centro cremos firmemente en respectar e promover a igualdade real e efectiva entre mulleres e homes a diario, día tras día,  os 365 días do ano; buscamos forxar un futuro igualitario para as nosas alumnas e alumnos. 

     A educación cumpre un papel decisivo para fomentar a participación das mulleres na vida pública en tódolos ámbitos, así como para potenciar a  eliminación da violencia que se exerce sobre elas; coa educación promóvese e dáselle pulo á igualdade entre os xéneros e ao empoderamento das mulleres. 

     Así mesmo, este ano, a maiores,  queremos dar visibilidade ás mulleres trans que sofren unha dobre discriminación,  por ser muller e ser trans. De aí que queiramos poñer en valor a súa loita feminista contra as violencias e desigualdades que sofren como o resto das mulleres. Agradecemos á Asociación Arelas o material educativo facilitado para traballar co noso alumnado esta visibilidade das mulleres trans. 

ES NECESARIO

Es necesario
revertir el hechizo.



Ese,


que borra a las mujeres


de los libros de historia,


de las esferas de poder,

de las antologías.



Ese,


que las encierra
entre cuatro paredes,


con solo


colocarles un anillo.

(Guisela López) 

(Elaborado polo alumnado de Educación Plástica) 

No seguinte vídeo publicado pola Comisión Interuniversitaria de Galicia tedes instruccións das probas á ABAU 2021. 

No seguinte enlace podedes consultar o "Protocolo das ABAU 2021" publicado pola CIUG:

• Protocolo ABAU 2021

Un ano máis , os Correspondentes Xuvenís 3-0 do IES do Camiño, seguen informando a comunidade educativa das novas máis relevantes que chegan a eles e elas dende Xuventude, as canles que empregan para acercarse a nos son:

• O programa "Correspondentes Xuvenís 3.0" en Radio Palas FM, que se celebra cada xoves de 11:00 a 11:00.
• Rede social Instagram. 

Este ano os nosos e nosas correspondentes son: Roi Blanco, Nerea García, Nerea Gómez, Silvia López, Ismael López, Alba Rivas, Paual Taboada e Vitor Manuel Da Silva. 

Xa levan un par de semanas nas ondas, así que non deixes de escoitalos e escoitalas!

Hoxe, martes 1 de decembro, o alumnado que participou no programa Correspondentes Xuvenís 3.0 no curso 2019/20 recibiu o seu certificado de experiencias de educación non formal en materia de Xuventude. No que se recollen as tarefas realizadas e as competencias e habilidades adquiridas.

Ano tras ano, no IES do Camiño, conmemoramos o 25 de novembro, Día Internacional da Eliminación da Violencia contra a Muller. 

Este día ten a súa orixe no asasinato das irmáns Mirabal no ano 1960, coñecidas como “las mariposas”. Estas tres irmáns dominicanas foron torturadas e encarceladas en diferentes ocasións pero foi un 25 de NOVEMBRO de 1960 cando foron secuestradas e asasinadas cando volvían á súa casa por facer fronte ao ditador Rafael Leónidas Trujillo. Isto desencadeou decenas de protestas que as converteron en todo un símbolo na loita contra a violencia de xénero.

Non obstante, non foi ata o ano 2000 cando a ONU oficializou o 25 de novembro como o Día Internacional da Eliminación da Violencia contra a Muller. 

Con este día queremos poñer o énfase e o foco de atención na desigualdade, a discriminación, os feminicidios e as distintas formas de violencia machista ademais de pedir políticas para previla. 

Así que, pese a que este ano a pandemia por mor da covid 19 non nos permitiu facer ningunha actividade conxunta, si traballamos ao longo deste mes na prevención da violencia sobre as mulleres a través das titorías, nalgunhas materias como contido transversal e a través do Equipo de Normalización Lingüística. 

Pero o máis importante non é acordarnos só neste día ou neste mes, o realmente fundamental é facelo os 365 días do ano, este centro manifesta a súa tolerancia cero contra a violencia sobre as mulleres e traballa, no seu día a día, para previla e erradicala. 

Nun día como o de hoxe, cobra máis forza o poema de Alfonsina Storni que nos traslada Inés: 

"Hombre pequeñito, hombre pequeñito,

Suelta a tu canario que quiere volar...

Yo soy el canario, hombre pequeñito,

Déjame saltar.

Estuve en tu jaula, hombre pequeñito,

Hombre pequeñito que jaula me das.

Digo pequeñito porque no me entiendes,

Ni me entenderás.

Tampoco te entiendo, pero mientras tanto

Ábreme la jaula que quiero escapar;

Hombre pequeñito, te amé media hora,

No me pidas más" 

No noso centro cremos firmemente na igualdade de xéneros, de aí que traballemos, ao longo de todo o ano, na prevención da violencia contra ás mulleres e na promoción da igualdade efectiva e real entre ambos. 

Así, durante o mes de novembro, dedicámoslle unha maior parte do tempo a incidir e promover a prevención da Violencia de Xénero, aproveitando, por un lado, as sesións de titoría e, polo outro, colaborando co CIM de Palas de Rei nas actividades que realizamos conxuntamente. 

Este ano tivemos a sorte de contar hoxe, 18 de novembro,  cunha serie de obradoiros e actividades lúdico-formativos no STAND AGRESSIÓN OFF a cargo de Marexada, empresa que desenvolve o programa “AgresiónOFF. Eu digo non á violencia sexual” da Secretaría Xeral de Igualdade da Xunta de Galicia , no que se abordaron diferentes aspectos como:

1.     CANTO DE ESTEREOTIPADA ESTÁ A TÚA MENTE? 

2.     A RULETA DO AMOR ROMÁNTICO. 

3.     NON ME CONTES CONTOS. 

4.     ONDE ESTÁ O LÍMITE? 

5.     EU NON NECESITO #FILTROS. 

6.     ESTÁS SEGUR@ DE PREMER O BOTÓN DE ENVIAR? 

7.     KAHOOD DA IGUALDADE. 

8.     A INFORMACIÓN ESTÁ AO ALCANCE DA TÚA MAN. 

Nestes obradoiros participaron todo o alumnado da ESO, Bacharelato e FP básica, sempre cumprindo as medidas de seguridade (tomáronlles a temperatura e hixienizaron as súas mans con xel hidroalcolico), sen mesturar grupos e ao aire libre, na praza da Casa da Cultura. 

Así mesmo a rapazada, ao finalizar a sesión, recibiu varios regalos (unha mochila, bolsa de tela, sombreiros......) cos logotipos do programa e un “Decálogo contra a violencia sexual: 10 cousas que tes que saber”. 

Querémoslle agradecer ao CIM do Concello de Palas de Rei que conte co instituto para levar a cabo estas actividades formativas. 

Podes ver máis fotos do día de hoxe na galería de imaxes do instituto, se premes na foto podes ir directamente ao album.

Nos seguintes enlaces podedes consultar os horarios de clases presenciais das distintas etapas e cursos que se imparten no IES do Camiño: 

A Iniciativa ARCO, para o desenvolvemento das competencias clave e a mellora dos resultados académicos, arrancou esta semana no IES do Camiño con dúas liñas:

• 1º da ESO
• 4º da ESO

Con esta iniciativa búscase potenciar o desenvolvemento das competencias en comunicación lingüística, competencia matemática e competencias básicas en ciencia e tecnoloxía, competencia aprender a aprender e a competencias sociais e cívicas.

Este curso académico 2020/21, o IES do Camiño, participou en réxime de concorrencia competitiva, a través do departamento de orientación, na solicitude do Programa Arco  (apoio, reforzo de competencias e orientación) co obxecto de favorecer a participación do alumnado no grupo-clase e a consecución do seu máximo desenvolvemento emocional, intelectual, social e profesional de todo o alumnado,  para elo solicitáronse as dúas liñas ás que optan os IES: 

• LÍNEA 2, dirixida ao alumnado de 1º ESO.
• LÍNEA 3, dirixida ao alumnado de 4º ESO.

As cales foron concedidas e xa temos profesorado asignado, así que a semana próxima poderemos empezar a desenvolver este programa dentro do horario lectivo.