Equipo directivo

Hoxe, 8 de marzo, conmemorase o Día Internacional da Muller. 

Este ano a UNESCO une a súa voz á de toda a familia das Nacións Unidas ao celebrar este día baixo o lema “ Igualdade de xénero hoxe para un mañá sostible”. Deste xeito, recoñécese a contribución das mulleres e das nenas en todo o mundo que están liderando o peso na adaptación, mitigación e resposta ao cambio climático, para construír un futuro máis sostible para todas e todos. 

Este ano puidemos volver a participar na “Andaina pola igualdade real” que organiza o Centro de Información á Muller (CIM) do Concello de Palas de Rei, na que participamos xunto co CEIP Palas de Rei, xa que xuntas e xuntos somos máis fortes. 

Queremos agradecer ao noso alumnado e ao profesorado o compromiso coa igualdade e a súa participación nesta actividade.

“Aspiro, señores, a que reconozcáis que la mujer tiene destino propio; que sus primeros deberes naturales son para consigo misma, no relativos y dependientes de la entidad moral de la familia que en su día podrá construir o no construir; que su felicidad y dignidad personal tiene que ser el fin esencial de su cultura, y que por consecuencia de ese modo de ser mujer, está investida del mismo derecho a la educación que el hombre.”

Dña. Emilia Pardo Bazán

Discurso en el Congreso Pedagógico Internacional, 1892

Podedes ver as fotos da Andaina no seguinte enlace:

• 8 MARZO 22

O xoves, 17 de febreiro, fomos de visita aos centros de formación profesional de Lugo co alumnado de 2º de bacharelato e de 2º de formación profesional básica.

Durante esta xornada o alumnado visitou  o CIFP Politécnico de Lugo,  onde puidemos facer un percorrido polas distintas familias profesionais que se imparten neste centro educativo: Edificación e Obra Civil, Electricidade e Electrónica, Fabricación Mecánica, Industrias Alimentarias, Madeira Moble e Cortiza, Sanidade e Servizos Socioculturais e á Comunidade. 

Os nosos alumnos e alumnas puideron coñecer de primeira man como son estas ensinanzas e escoitar como é a experiencia de estudar estes ciclos, como se estruturan e son as clases, etc. Ademais, durante esta visita vemos e conversamos con antigo alumnado do IES do Camiño, o que nos fai sempre moita ilusión. 

Continuamos a nosa viaxe ata a Escola de Arte e Superior de Deseño Ramón Falcón, onde nos acercamos a un tipo de ensinanzas máis descoñecidas. Neste centro impártese Deseño de Interiores, Deseño Gráfico, Cerámica Artística, Fotografía, Gravado e Serigrafía Artística. Ademais de ver as estancias do centro e coñecer en que consisten as distintas ensinanzas, puidemos confeccionar unha camiseta en Serigrafía Artística, que foi sorteada e o gañador foi Adán.

Así mesmo, sorteáronse tamén dous alfís, que nos regalaron en Fabricación Mecánica no CIFP Politécnico,  e que gañaron Carlos e Verónica. 

Despois dunha xornada tan intensa, aproveitamos para recargar forzas xantando en Lugo e á tarde volvemos para Palas de Rei. 

Podedes ver as imaxes da xornada no seguinte enlace:

• Visita aos centros de FP 

Con motivo da conmemoración o 11 de febreiro do Día Internacional da Muller e da Nena na Ciencia, desenvolveuse no noso centro este venres día 4 unha charla proposta pola Unidade de Cultura Científica e da Innovación da Universidade de Vigo por parte dunha investigadora desa institución.

Despois do parón polas vacacións do Nadal, os correspondentes xuvenís xa están de volta para traervos a información máis relevante e actual, así podedes acceder á mesma a través do taboleiro de novas do primeiro andar do instituto, do Instagram do centro e cada xoves de 11:00 a 11:30 no seu programa radiofónico en Radio Palas.

As antenas da Ulloa están de volta! Despois do parón do verán e de coller forzas estamos, outra vez, con todos vós para traervos as novas máis interesantes. Ademais, este ano retomamos canles que tiñamos pechadas por mor da Covid-19, como era o taboleiro de novas do primeiro andar. 

Hoxe realizouse no instituto o Obradoiro “Violencia de Xénero no novo contexto dixital” impartido por Haizea Álvarez, psicóloga e sexóloga de “Pantallas amigas”, iniciativa que promove e potencia o uso seguro e saudable de internet e outras TIC na infancia e na adolescencia. 

O mundo que toca vivir en moitos dos seus redutos garda a memoria da desigualdade entre homes e mulleres, mais tamén tomou formas e palabras novas, ou as de sempre con envoltura actualizada ao medio en que nos desenvolvemos. Na familia e na sociedade, que supón nacer muller?