Inicio

Actividades

Pechamos o curso 2022/2023 en Primaria

O alumnado e profesorado de Primaria celebrou o mércores 21 de xuño o fin do curso 2022/2023. Iniciamos a xornada con reflexións nas titorías e continuamos cun pouco de música e baile no patio e cunha magnífica obra representada polo alumnado que participa da actividade extraescolar de teatro, foi todo un éxito! 
Posteriormente gozamos dunha mostra de experimentos científicos a cargo de Arenaria. E por último, desfrutamos do FestiDodro. Este festival estivo cargado de actuacións musicais organizadas por parte do alumnado e dalgunha peza que traballaron na materia de música ao longo do curso. Esta actividade puxo fin a un curso cheo de experiencias e momentos compartidos. Agardamos que descansedes moito e gocedes destes meses de verán.  Bo verán! Vémonos en setembro. 
 
 
Aquí tedes todas as fotos.

CHARLA LGTBI

Boas familia, este luns 19 de xuño, tivemos na biblioteca unha Charla de LGTBI- impartida por Esperanza e Saleta ( alumnado de 2º da ESO), moi ben explicado para cada idade, un 1º turno - 4º/5º/6º e un segundo turno 1º/2º/3º:

Podedes ver aquí todas as fotos. 

RESUMOS PROGRAMA DE NUTRICIÓN

O alumnado de Primaria ó longo deste curso académico participou un Programa Anual sobre  Nutrición e Sostibilidade Infantil. 

Os contidos do Programa desenvolvéronse a través de  sete sesión para cada un dos niveis educativos. 

Na sexta sesión o alumnado de 1º e 2º  preparou hummus de garavanzos e outro de remolacha. Damos fe que  lles encantou facela e degustala.  Compartimos as receitas por se alguén de vós a quere probar.

 

 Na última actividade  o alumnado de 4º a 6º,  desprazouse  a un supermercado de Padrón e unha vez alí simulou facer unha compra saudable cunha cantidade de cartos pequena, atopando no supermercado alimentos nutritivos; desta maneira fomentouse a súa autonomía na compra. 

 

 

Aquí podedes ver toda a documentación dos traballos.

LABORES DE MANTEMENTO

Hoxe saímos con alumnxs voluntarixs de quinto e sexto para realizar os labores de mantemento nos nosos bancais. Sachamos e sacamos as malas herbas para que as plantas medren ben. Mágoa que non nos dea tempo a degustar a ensalada. En setembro continuaremos cos traballos!

 

Mais fotos aquí

 

Horto matemático

Os nenos-as de 2*, o xoves 1 de xuño, plantamos no horto do cole os nosos Xirasois que naceron na aula, cunha semilla- pipa americana e outra española, para logo ver a diferencia.

No horto estivemos matinando cómo as deberíamos de plantar, xa que somos 16 e tiñan que quedar  ben colocadiños. De ahí saíu a suma, pero logo a multiplicación: 4 filas de catro e así quedaríanos perfectamente aliñados no noso horto.
 
 

  

 
Aquí podes ver todas as fotos da actividade. 
 

Sementamos e plantamos

Ao longo desta semana saímos todos os grupos de E. Primaria a sementar e plantar na nosa horta. Leitugas, ravos, allo porro, cabazos, xirasois... Agora toca regar e agardar.
 
 
Aquí podes ver todas as fotos dos diferentes grupos de Primaria. 

Un toque de cor

 
 
Para a celebración do día grande das Letras Galegas e dos Maios, o alumnado de 5º de Educación Primaria decorou con moitas cores os seus paus para acompañar as coplas que elaboraron todos/as coa supervisión das mestras e que recitaron arredor do Maio ao ritmo que eles/as mesmos marcaron cos seus paus. Para a creación rítmica contaron coa axuda da mestra de música Carolina.  
 
O resultado, froito de moitos ensaios, foi marabilloso! 
 
 
 

Aquí podes ver todas as fotos da actividade. 

Traballos do alumnado de terceiro

 

Ao longo das últimas semanas, as alumnas e alumnos de 3⁰ de EP realizaron varios traballos en grupo nos cales tiveron que poñerse de acordo no deseño e elaboración, investigar para recoller a información e, por último, expoñer todo o seu traballo diante do resto da clase. Ademais de divertirnos moito, serviunos para repasar os temas que xa traballaramos previamente. Agora están expostos para que o resto de clases poida ver o ben que traballaron. Seguro que repetiremos! 
 
 

Abonado

Contamos coa colaboración de catro altruístas de sexto para o labor de abonado dos bancais. Listos para a sementeira!

 
 
 
 

INICIAMOS O TRABALLO NA HORTA

Con bastante retraso e ferramentas manuais iniciamos este ano o traballo de limpeza nos nosos bancais. O alumnado de quinto empregouse a fondo arrancando malas herbas. Mañá continuaremos coa tarefa!
 
Aquí podedes ver todas as fotos da actividade. 

Powered by Drupal - Design by artinet