Club de Letras 20-21

LETRAS GALEGAS 2021

Celebramos no noso centro a "Semana " das Letras Galegas con varias actividades moi interesantes.

O venres día 14 de maio realizamos un acto no que se escribiu o nome de "XELA" con ramas de estalotes e, arredor do mesmo, colocamos camisetas con versos da poeta homenaxeada. 

 


A actividade completa poderedes vela nos enlaces ao Facebook de O NOSO EUSEBIO:

CELEBRACIÓN NO CENTRO

PARTICIPACIÓN ALUMNADO DE 1º EP

PARTICIPACIÓN CENTRO DE DÍA

PARTICIPACIÓN DAS FAMILIAS

O alumnado de 6º tamén quixo aportar a esta celebración un par de traballos sobre a vida e obra de Xela Arias. Os traballos elaborados por Uxía Ríos e Aroa Boga  podedes velos no ENLACE.

 

 

 

O SEPRONA VISITA O CENTRO

Dous amables axentes do Servizo de SEPRONA da Garda Civil visitaron o noso centro para realizar as pesquisas precisas sobre o ataque ao noso gatiño Mon Chéri. Tiveron a ocasión de examinar os perdigóns extraídos quirúrxicamente ao animaliño, quen por certo vai recuperando bastante ben ( xa ten a patiña case soldada).

 Esperamos que a investigación oficial por parte destes axentes e as consecuencias derivadas dela disuadan a quen se adica a estas vergoñentas prácticas e poidamos asegurar que no noso concello non se realizan accións que poidan ser consideradas como maltrato animal.

Por outra banda, o gatiño será entregado , se todo vai segundo o esperado, a finais desta semana a unha persoa que o adoptará e coidará del para que teña unha vida tranquila e feliz. Dámoslle as grazas a Elvira que, estamos seguros, ofreceralle un fogar e moito agarimo.

GRAZAS ELVIRA!!!!

 

 

PRIMEIROS AUXILIOS

O alumnado do centro realizou unha interesante e moi útil actividade sobre primeios auxilios guiado por persoal de Proteción Civil de Padrón  a quen agradecemos a súa colaboración.

Nesta actividade aprenderon técnicas de atención e primeiros auxilios en situacións de emerxencia.


 

GALERÍA DE FOTOS

CAMPAÑA DE ESTERILIZACIÓN DE GATOS EN PADRÓN

 

O concello de Padrón organiza  a segunda campaña de esterilización para reducir os casos de camadas non desexadas a  de abandono animal

Nesta ocasión será unha campaña de castración de gatos a coste económico 10-11 de abril en Centro Veterinario Padrón.

Se desexas levar algún gatiño ou gatiña non dubudes en preguntar!

Contacto: 676 50 97 31

Enlace ao proxecto:

ENLACE AO INSTAGRAM

AVANZAMOS COMO SOCIEDADE

 

Adiós a la lista de razas de perro potencialmente peligrosas: se analizará el comportamiento de cada ejemplar. La Real Sociedad Canina de España (RSCE) pide una Ley de Bienestar Animal que universalice la identificación canina......esta é a nova que lemos estes días relacionada coa previsión de modificación da lexislación relacionada coas razas chamadas "perigosas".

 

No enlace podedes ler a nova completa.

ENLACE Á INFORMACIÓN

EMOCIONÓMETRO

Nas clases de E.Física tamén nos interesamos polas emocións que se sinten ao longo da clase, por iso propuxemos un emocionómetro para valorar os resultados.

Se nos fixamos nas fotos realizadas ao finalizar a sesión desta semana podemos darnos por satisfeitos.

Aínda que hai que velar por esas "caídas" que nos fan sentir vergoña. Guiño

 

MALTRATO ANIMAL

 

Hoxe, o noso gatiño do cole, apareceu ferido. Tiña unha pata rota e unha ferida nun ollo. Chamamos ao veterinario que veu por el e comentounos que recibira varios balinazos. Nas imaxes pódense ver os perdigóns aloxados no corpo do animaliño, de feito, un deles, xa é antigo e non se lle vai extirpar. Serán os veterinarios de Padrón os encargados de atendelo.

Xente desalmada e sen escrúpulos que cre ser superior e adícase a maltratar aos animais. A súa actuación será denunciada e esperamos que reciba unha seria sanción.

Aquí podedes ver as fotos:


 

 

O profesorado fixo unha colecta para poder asumir o custo da operación na que se procederá, de paso, a esterilizalo e, unha vez recuperado, procuraráselle unha casa de adopción para que poida pasar os anos que lle queden nun lugar seguro onde reciba cariño e os coidados que todo animal merece.

NOVAS SOBRE O TEMA:

Hoxe, día 25 de marzo, tres días despois do ataque ao noso Mon, o SEPRONA púxose en contacto co centro para abrir unha insvestigación ao respecto do acontecido. Tamén chamaron un par de persoas interesándose pola adopción do gatiño e unha máis para aportar un donativo. A esta última se lel comentpu que nós, como centro, non admitimos este tipo de doazóns pero que sí pode doar nalgún refuxio de animais que están moi necesitados.

O noso gatiño evoluciona ben. Estará hospitalizado uns días máis para ver como responde á operación e seguiremos en contacto coa clínica á espera de máis novas.

MIL GRAZAS a todas estas boas persoas que demostran unha sensibilidade e amor polos animais e tentar axudar do xeito que poden. Agradecidos todos, profesorado e alumnado.

 

MÁIS NOVAS:

O noso Mon Chéri vai evolucionando moi ben. Este venres, día 9 de abril, faranlle unha placa para saber se o óso soldou e, no caso de que así sexa, podería estar listo para marchar coa súa familia de adopción

No enlace podedes ver un vídeo da súa recuperación:

VÍDEO

ACTUALIZACIÓN DA NOVA:

A evolución do noso michiño continúa aínda que algo máis lenta do esperado. Estamos á espera de que recupere por completo e poida ser entregado á familia adoptante. Iremos informando.

NOVA ACTUALIZACIÓN :

O venres pasado visitamos ao noso Mon Chéri na clínica veterinaria. Estaba alí para facer unha revisión con radiografías da pata.  Atópase ben aínda que a fractura da patiña segue  a dar algo a lata.  Quedou, finalmente, sen vista no ollo afectado pero non chegou a perdelo.

Na foto podedes velo con cariña de sono xa que tiveron que aplicarlle unha lixeira sedación para poder manipulalo sen que sinta dor.

 

 

VIII CONCURSO DE FOTOGRAFÍA MATEMÁTICA

Este curso, coma en cursos anteriores, o Departamento de Matemáticas organiza co alumnado de secundaria o concurso de Poesía Matemática.  Xa imos pola VIII edición  e segue  a ser un éxito entre o alumnado.

Tamén coma sempre, os concurso ten como temática a escollida para o proxecto de centro que, como xa sabemos, este ano versa sobre as  emocións e forma parte do noso proxecto de centro " PERSENSAMOS DODRO".

Os gañadores deste ano son:

   

1º PREMIO     “Tristeza”   XIÁN RIAL 2º ESO B       (foto nº 2)

2º PREMIO      “A soidade ,tempos de pandemia”    ANTÍA OTERO 3º ESO A      (foto nº 19)

3º PREMIO      “Coordenadas perdidas no Mediterráneo”     ALBA ROMERO 4º ESO       ( foto nº 27)

NORABOA A TOD@s !!!...e noraboa tamén pola calidade das fotografías, realmente houbo varias que nos entusiasmaron, pero só podía ser tres as premiadas.

 

Antes das vacacións teredes os vosos agasallos!

Nos enlaces podedes ver as bases do concuros, a listaxe de participantes,e as fotos presentadas:

 

LISTAXE DE PARTICIPANTES

FOTOS CONCURSANTES

 

E a foto dos gañadores unha vez recibiron o agasallo...aínda que non se aprecie por levaren máscara, están sorrindo

 

MÁQUINA DE BÓLAS

Xa temos lista a nosa maquiniña de recolleita de emocións ao finalizar a clase de E.F. Agradecemos a Ana a súa colaboración, pois deixounos unha máquina "profesional".

 Se observamos a resposta despois da primeira sesión de uso podemos darnos por satisfeitos. Continuaremos completando cada día.

DíA DA CANDELARIA

 
Celebramos o Día da Candelaria, o día no que, coa que estaba caendo, nin os pobres paxariños han podían casar...
Mais nós teimamos en "dar a chapa" co importante que é sempre amosar os afectos, demostrar o cariño, celebrar o amor. Por iso démoslle a tope a "Daniela", a nosa máquina de facer chapas, para poder agasallar con elas a todas as persoas queridas que nestes "pandémicos" días non podemos bicar e abrazar.

Velaquí tendes unha pequena mostra do noso obradoiro LÉVOTE NO PEITO, AÍNDA CO METRO E MEDIO. E que viva o AMOR!


GALERÍA DE FOTOS

Powered by Drupal - Design by artinet