Inicio

Actividades

Premios no concurso Videoghits

O noso colexio gañou dous premios no concurso Videoghit organizado polo IES Plurilíngüe Pintor Colmeiro de Silleda. O vídeo Non me vai mal gañou o premio á mellor interpretación musical e son propio. O vídeo Non tes prezo gañou o premio ao mellor deseño de vestuario e caracterización. Parabéns. 

Interxerando. As festas onte e hoxe.

O alumnado de 3°ESO ao longo do curso Proxecto Competencial traballou o tema das festas antes e agora. Esta actividade inclúese no Proxecto de Centro, que este ano leva como tìtulo "Interxerando". Asì, arredor das festas de onte a hoxe, o alumnado investigou sobre como eran antes as festas, verbenas, tradicións, xantares,... As fotos só son unha pequena escolma dos traballos de clase.
 
 


 

Viaxe a Manzaneda

Os días 5 , 6 e 7 de xuño o alumnado de 5⁰ e 6⁰ de primaria puido desfrutar dunha excursión á Estación de Montaña de Cabeza de Manzaneda.
Nun primeiro día,despois dunha intensa viaxe desde Dodro ao noso destino, participamos de actividades de diversa índole coma tiro con arco, orientación fotográfica e xogos compartidos durante a velada. Tivemos ocasión de intercambiar conversas e xogos con alumnado doutras escolas e foi moi enriquecedor. 
Despois de coller folgos durante a noite , comezaba un novo día cunha nova actividade de orientación con balizas, un grande xogo por equipos, puxemos a proba a nosa vertixe nun percorrido de multiaventura e refrescámonos facendo uns largos na piscina. O día rematou con moito ritmo , cos nosos mellores pasos na sesión de discoteca.
Amencemos con choiva na última xornada en Manzaneda. Despois do almorzo tivemos unha sesión de xogos relacionados coa supervivencia , man a man co noso grupo tivemos que artellar o xeito de saír de complexas situacións como estar encerrados nunha cova, saír con vida dun naufraxio ... Por último xogamos en grupo no pavillón xa que a choiva non nos permitiu realizar a andaina que estaba planeada. 
Chegaba a fin dunha viaxe divertida e enriquecedora na que afianzamos os lazos de amizade e medrou a nosa autonomía.
 

  

Aquí podedes ver as fotos de cada un dos días da viaxe. 

Interxerando

1 °AeB de ESO traballou en PROXECTO COMPETENCIAL ao longo de todo o curso no proxecto de centro INTERXERAMOS.
Despois de estudar os distintos xogos de agora e de sempre realizaron  traballos individuais sobre xogos tradicionais.
A exposición de secundaria é só un resumo dos xogos cos que traballaron e reflicten momentos de onte e de hoxe de distintos lugares xeograficos. 
 
 
 

Aquí podedes ver todas as fotos.

17 de maio

O martes 16 de maio celebramos o Día das Letras dedicado a homenaxear a Francisco Fernández del Riego, así como a celebración dos Maios. 

Aquí podedes ver todas as fotos e aquí o vídeo,

 

 

 

 

 

Simulacro de incendio

Hoxe fixemos un simulacro de incendio coa colaboración da agrupación de Protección Civil de Padrón. 

Aquí tedes todas as fotos do simulacro.

Celebración do Día da Muller: 8 de marzo.

No CPI Eusebio Lorenzo Baleirón celebramos o Día da Muller.
En Primaria falamos e reflexionamos nas titorías, e debuxamos e escribimos, sobre algunha das nosas mulleres favoritas, ás que homenaxeamos este día, pero tamén o resto do curso coa exposición que podedes ver no cole.
O alumnado de Secundaria e o resto da comunidade educativa faremos esta homenaxe cunha exposición fotográfica, que por suposto, está aberta a novas achegas.
Gracias a todxs pola participación!

 

Aquí tedes o enlace ás fotos e o vídeo da actividade do Concello na que participou o alumnado da ESO e o CRA. 

CONCURSO DE FOTOGRAFÍA MATEMÁTICA INTERXERANDO 2023

Os gañadores do X Concurso de Fotografía Matemática do curso 2022-2023 (Interxerando) son:

  • 1º PREMIO: “Vórtice xeracional”.Xián Rial Figueira, 4º  
  • 2º PREMIO:“Simetría ancestral” . Manuel Boullón Pérez 3º         
  • 3º PREMIO: “Escala familiar” Mateo Tourís Abuín 2º 

 

Parabéns aos premiados.

Aquí tedes todas as fotos presentadas.

Día de Rosalía

Onte todo o día, foi DÍA DE ROSALÍA. 

Por iso, tocou encher a casiña que lle temos no cole de Pensamentos: pensamentos-plantas, cuxas flores sabemos que eran as favoritas da escritora e que foron feitas á man nas aulas; e pensamentos-poemas, isto é, algúns dos versos coas máis profundas e lúcidas reflexións da poeta. 

 

Aquí tedes a ligazón á actividade no facebook.

 

 

Powered by Drupal - Design by artinet