Matemáticas

PROXECTO LEONARDO 21-22

Este curso o departamento de Matemáticas levou a cabo o Proxecto Leonardo que podedes consultar no enlace:

PROXECTO LEONARDO 21-22

IV CONCURSO DE POESÍA MATEMÁTICA

IV CONCURSO DE POESÍA MATEMÁTICA

Un ano máis celebramos o día 12 de maio, día escolar das matemáticas, o noso concurso de poesía.  Queremos felicitarvos pola calidade das obras presentadas, cada ano facédelo mellor, é un auténtico pracer lelas!                            

As persoas gañadoras do IV Concurso de Poesía Matemática do CPI Eusebio Lorenzo Baleirón son:

 

1º PREMIO- “AUSENCIA”   Samuel Baleirón Torres 4º ESO

AUSENCIA



Dende a suave forma dos teus beizos

 

ata o volume da tua face.

 

Todo iso desapareceu

 

sen fórmula posible que o explique.

 

E sen calculalo nin cotexalo , descubríchenos,

 

descubríchenos ese espazo que ocupabas

 

ese espazo, que agora chamo vacío

 

que por moito que tente, parece que é infinito.




Samuel Baleirón Torres. 4º ESO

 

2º PREMIO- “90, 60, 90”    Naira Ferreirós Bustelo 3º ESO A

90, 60, 90



90, “se tes máis de 90 centímetros pareces un home”; ela  puxo roupa frouxa

60, “se tes máis de 60 centímetros estás gorda”; ela deixou de almorzar

90, “se tes menos de 90 centímetros, estás moi delgada”, ela púxose a chorar

Agora tenta esquivar os espellos para que non a devoren.



Naira Ferreirós Bustelo. 3º ESO A

 

3º PREMIO-  Temos un empate entre:

 

                   “DOUS”    Laura Mariño Bello 3º ESO A

DOUS

Dous ollos, dúas orellas

e ata dous buratos no nariz!

Dous perfectos beizos que serven para sorrir.

 

Dúas pernas e dous brazos,

catro extremidades para nos mover,

convosco podo dar abrazos,

e ata cansarme de correr!

 

Dous, que número tan máxico,

tan bonito para min,

sen ti nada sería posible,

non podería vivir.



Laura Mariño Bello 3º ESO A

 

 

“O CORPO”     María Rodríguez Romero 4º ESO

O CORPO

 

O corpo non é matemática redonda.

Parecería máis un número irracional

ou unha fórmula sen demostración descuberta. 

 

O corpo non é matemática

porque inventou un sistema que permite medir

as bágoas, os berros e os sorrisos.

 

O corpo non é matemática 

porque por moito que aprenda dos gráficos

segue xogando co valor do improbable.

 

O corpo non é matemática

porque aínda que mido 1 metro 65, 

son capaz de tocar as estrelas.

 

O corpo non é matemática.

Porque é o único capaz de operar 

e ver a beleza 

do Syntax Error.



María Rodríguez Romero. 4º ESO

 

        

ENLACE ÁS POESÍAS PARTICIPANTES

GALERÍA DE FOTOS

O alumnado tamén recitou e gravou o recitado das poesías nuns audios que podedes escoitar accedendo ao enlace:

AUDIOS

 

IX CONCURSO DE FOTOGRAFÍA MATEMÁTICA

IX CONCURSO DE FOTOGRAFÍA MATEMÁTICA. CURSO 2021-2022

“DA CABEZA AOS PÉS CO CORPO AO REVÉS”

 

   As fotografías gañadoras  do  IX Concurso de Fotografía Matemática do curso 2021-2022 son:

1º PREMIO      RESILIENCIA. HUGO RONCERO 1º ESO

2º PREMIO   ESTRELA DA IDADE. NAIRA FERREIRÓS 3º ESO A

3º PREMIO   PITÁGORAS. NAIARA VIDAL 3º ESO B

 

  Parabéns a todo o alumnado participante, vémonos o próximo curso!

FOTOS PARTICIPANTES

 

III CONCURSO DE POESÍA MATEMÁTICA

 

Este ano, coma en anos anteriores, o alumnado de ESO participou no concurso de poesía matemática organizado polo Departamento de matemáticas e que ten como tema principal,  aparte das mates, a  temática do proxecto anual de  centro "As Emocións".

Tras unha longa deliberación para decidir que poemas serían os gañadores, as profes membros do departamento, chegaron á conclusión de que deberían ser premiados seis dos escritos máis destacados.

 

Os poemas gañadores foron os seguintes:

 

 

NORABOA GAÑADORES!!!!

E tamén noraboa a todo o alumnado participante. Podedes ver todos os poemas no enlace:

ENLACE AOS POEMAS

 

 

VIII CONCURSO DE FOTOGRAFÍA MATEMÁTICA

Este curso, coma en cursos anteriores, o Departamento de Matemáticas organiza co alumnado de secundaria o concurso de Poesía Matemática.  Xa imos pola VIII edición  e segue  a ser un éxito entre o alumnado.

Tamén coma sempre, os concurso ten como temática a escollida para o proxecto de centro que, como xa sabemos, este ano versa sobre as  emocións e forma parte do noso proxecto de centro " PERSENSAMOS DODRO".

Os gañadores deste ano son:

   

1º PREMIO     “Tristeza”   XIÁN RIAL 2º ESO B       (foto nº 2)

2º PREMIO      “A soidade ,tempos de pandemia”    ANTÍA OTERO 3º ESO A      (foto nº 19)

3º PREMIO      “Coordenadas perdidas no Mediterráneo”     ALBA ROMERO 4º ESO       ( foto nº 27)

NORABOA A TOD@s !!!...e noraboa tamén pola calidade das fotografías, realmente houbo varias que nos entusiasmaron, pero só podía ser tres as premiadas.

 

Antes das vacacións teredes os vosos agasallos!

Nos enlaces podedes ver as bases do concuros, a listaxe de participantes,e as fotos presentadas:

 

LISTAXE DE PARTICIPANTES

FOTOS CONCURSANTES

 

E a foto dos gañadores unha vez recibiron o agasallo...aínda que non se aprecie por levaren máscara, están sorrindo

 

POESÍA MATEMÁTICA

 

   Levamos tres anos celebrando Día das Matemáticas (12 de maio) dun xeito moi especial, con poesía!  Quen nolo ía dicir, poesía matemática!

  Nesta ocasión como non os puidemos ler xuntos decidimos compartilos con todas as persoas que nos poida adicar uns minutiños do seu tempo!

  Este ano temos máis que nunca, son nin máis nin menos ca 33 poesías, 33 artistas de todos os niveis da ESO,e 24 valientes que nos leron esas marabillosas creacións diante dunha cámara!

  Foinos tremendamente difícil este curso decidir só tres gañadores, polo tanto aquí poñemos un listado das 8 obras que máis nos gustaron, e por esta orde. 

  1. Decimal. XIÁN RIAL 1º ESO

  2. El ladrón de la cuarentena. JAVIER PÍRIZ 3º ESO

  3. Un número olvidado. DANIEL COLLAZO 2º ESO A

  4. Las niñas del parque. MARTÍN NOVÁS 2º ESO B

  5. Números perdidos. MANUEL LAÍÑO 2º ESO A

  6. Teorema de Pitágoras. ANTÍA OTERO 2º ESO B

  7. Conxunto numérico. IVÁN IGLESIAS 4º ESO

  8. Múltiples usos. MARÍA RODRÍGUEZ 2º ESO B

 

  Desde o departamento de Matemáticas queremos agradecervos enormemente a vosa participación a vós, pequenos grandes  poetas, sodes fantásticos!

ENLACE AOS VÍDEOS

 

COMANDO IGUALDADE


 

Coma en cursos pasados e coordinados polo Equipo de Dinamización da Lingua Galega, o presente curso , un grupo de profes propuxémonos tratar dun xeito interdisciplinar o tema da igualdade, e así, xurdiu esta modesta aportación a un grande proxecto vital que trata sobre a presenza da muller en diferentes áreas: COMANDO IGUALDADE

Concretamente co alumnado de 2º e 4º ESO, o Departamento de Matemáticas e o responsable da TIC, fixeron unha interesante investigación sobre o peso que ten a  muller na educación, na política, na construción, na universidade e tamén sobre a muller refuxiada en España. O obxectivo é que os nosos nenos e nenas sexan unha parte activa á hora de darlle a volta ás cousas negativas!

A MULLER NA EDUCACIÓN

A MULLER NA POLÍTICA ESPAÑOLA

A PRESENZA DA MULLER NA CONSTRUCIÓN

A MULLER NA UNIVERSIDADE ESPAÑOLA

PERFIL DA MULLER REFUXIADA EN ESPAÑA

VII CONCURSO DE FOTOGRAFÍA MATEMÁTICA

 

Este ano o concurso de fotografía matemática foi de temática libre, é por iso que temos moitas fotos en diferentes contextos . Recordade que premiamos tanto os contidos matemáticos coma a orixinalidade das fotografías, e que sempre intentamos que as fotos gañadoras respondan únicamente á vosa propia imaxinación e que son fundamentais os títulos e a súa relación coas Matemáticas.

  Noraboa ás persoas premiadas e xa sabedes…o próximo curso máis!

 1º PREMIO

Ceo nocturno, 2D e 3D       MARÍA RODRÍGUEZ  2º B

2º PREMIO

Perspectiva piesférica       TATIANA RIAL 4º ESO


 

3º PREMIO

Ladrillo  3D        XIAN RIAL  1º ESO

 

CÚPULAS DE LEONARDO

CÚPULAS AUTOPORTANTES DE LEONARDO DA VINCI

  O alumnado de 4º ESO estivo montando diferentes cúpulas autoportantes, é dicir, estructuras que se manteñen unidas e en pé grazas ao seu propio peso e á acción da gravidade. Os elementos que as compoñen están apoiados entre si.

  Estas cúpulas, están baseadas no deseño inicial do xenio do renacemento Leonardo da Vinci  e están recollidas no seu Codex.

O Códice Leicester, tamén coñecido como Códice Hammer, é unha compilación de textos e debuxos realizados por Leonardo Da Vinci e recopilados entre 1508 e 1510.

   As pezas para realizar as cúpulas son todas iguais e corresponden á seguinte figura:

   Aínda que a xeometría é a base da actividade, manexando este material realizamos unha aprendizaxe transversal en diferentes ámbitos que abranguen matemáticas, historia, arte,  arquitectura ou  tecnoloxía.   

   

Despois tocoulle a quenda ao alumnado de 2º e 3º de ESO...coa axuda dos seus compañeiros de 4º..

II CERTAME DE POESÍA MATEMÁTICA

Como sabedes, o día 12 de maio celebramos o Día das Matemáticas. O luns 13 entregáronse os premios deste certame.

Este ano quixemos continuar co concurso de poesía e tivemos a satisfacción de contar coa colaboración do alumnado de 5º de Primaria, animado pola súa titora Jose que nos deleitou coa lectura das súas fantásticas creacións.  Para nós foi moi moi importante a súa participación, polo que as 11 persoas do grupo recibiron un pequeño agasallo!

FRACCIONES (Diego e Xabi)

Tres se fijó en cinco.

Cinco quería ser una fracción

le valía cinco tercios.

Pero tres no quería ser una fracción.

Cinco la amaba.

Después de mucha discusión se decidieron y fueron una suma.

Pero cinco se fijó en ocho.

Porque ocho quería ser una fracción.

Cinco ignoró a tres.

ÁNGULOS (Aroa e Carlota Blanco)

El ángulo obtuso buscaba una novia
y fue a la calle a buscar a su media.
Dando vueltas sin parar,
encontró a un ángulo al lado del mar.
“La ángulo” estaba triste sin parar
porque no tenía a nadie que la amara de verdad.

Los dos empezaron a charlar,
hasta el infinito y más allá.
El ángulo obtuso se dio cuenta
de que era su 1x1.
Los dos tuvieron un ángulo agudo.
Y vivieron felices en el libro de matemáticas.

 

 

 En Secundaria, o noso alumnado animouse a participar… aínda que case todos esgotando o límite do tempo de entrega!

E os gañadores foron:

1º premio: O EIXO DA VIDA,  Iago Abuín de 4º ESO

2º premio: O SÍMBOLO IGUAL, Sandro Antunes de 3º ESO

3º premio: SEN TÍTULO, Alejandro Abuín de 2º ESO

 

 

O nº 1, despois de investigar

descubriu que non era primo

e despois de moito cavilar

formou unha familia de non  primos

 

Decatouse da súa importancia

despois de comprobar

que todos acudían a él

para definir a súa existencia.




ALEJANDRO ABUÍN 2º ESO

 

 

O EIXO DA VIDA

 

As nosas vidas sempre foron paralelas,
por accidente convertíronse en secantes.
Logo de atoparse nun punto
decidimos continuar na mesma dirección,
coma rectas coincidentes

Os sistemas das variables das nosas vidas
deron novos resultados,
outra recta interpúxose no noso camiño.

Por este motivo,
convertímonos en dous vectores
con dirección distinta.

 

IAGO ABUÍN 4º ESO

 

 

O SÍMBOLO IGUAL



As dúas liñas do símbolo igual (=) estaba namoradas,

pero non podían acercarse,

xa que si o fixeran

deixarían de ser un símbolo matemático.

As dúas estaban tristes,

ata que un día,

un número díxolles que se transformaran nunha suma,

porque unha liña mais outra liña sería igual ao símbolo máis (+),

e así poderían estar xuntos para sempre.



SANDRO ANTUNES 3º ESO

 

 

Esperámosvos de novo para o próximo curso!

ENLACE A GALERÍA DE FOTOS E POESÍAS

 

Powered by Drupal - Design by artinet