Desde o xoves 10 ao sábado 12 de marzo tivemos o privilexio de poder asistir ao Encontro Internacional AGEND-ARTE 2030 organizado pola Fundación Yehudi Menuhin. A profe Jose asistiu en representación do CPIP Lorenzo Baleirón a este encontro celebrado na residencia La Cristalera en Miraflores de la Sierra-Madrid. Ao longo destes días de participación en intercambios e obradoiros con alumnado,compañeir@s docentes, artistas de diferentes Comunidades Autónomas, e representantes de Alemania, Bélxica, Hungría, Italia e Portugal traballamos a relación entre a arte, a creatividade e a expresión co crecemento e o desenvolvemento persoal, grupal e comunitario, coa integración e a creación de vínculos sociais.

Velaquí algúns momentos de creación e participación en dinámicas activas que invitan á reflexión.

Danzas, medios audiovisuais, microproxectos solidarios, obradoiros de plástica e titoriais de boas prácticas aos que puidemos acceder grazas á nosa reciente incorporación ao programa MUS-E no que nos iniciamos con ilusión e con moitas gañas de poder mellorar a nosa acción e educación.

Podedes ver máis info no seguinte enlace .

Hoxe, venres 4 de marzo, recibimos a primeira xornada de formación do Proxecto    MUS-E.  Visitáronnos  Mercedes Prieto e Xus Raíndo, dúas artistas relacionadas co mundo da danza e do ioga, que  presentaron ao profesorado de Primaria este programa baseado na inclusión educativa e social a través da arte. E, xa postos, desenvolvemos algunhas dinámicas MUS-E de danza e expresión corporal que nos souberon a pouco.

Agardamos agora a organización dos agrupamentos para traballar co alumnado e coas familias nesta aventura na que nos iniciamos hai pouco.

Velaquí dous momentos nos que nos acompañaron tamén Abel e Natalia como representantes do Concello de Dodro e a ANPA.

Deixo un enlace informativo da Fundación Yehudi Menuhin, coordenadora do Programa.

GALERÍA DE FOTOS E VÍDEOS

Os nenos e nenas de 5º traballamos coa democracia en Ciencias Sociais. Fixemos as seguintes tarefas: primeiro creamos os nosos partidos políticos, despois creamos  os nosos carteis electorais, logo fixemos os programas electorais, despois fixemos un mitin e logo un debate e, por último, fixemos as eleccións.

(Texto de Pilar García Teixeira)

Hoxe recibimos  a visita de Benxamín nunha sesión de  contacontos ofrecida ao centro por Anaya-Xerais. Benxamín contou ao alumnado de primeiro e segundo varios contos clásicos con toques da actualidade. Rímonos moito!

O alumnado de primaria asistiu a unha sesión de contacontos para despedir este primeiro trimestre. Desfrutaron moito con esta moi boa sesión!!.

O alumnado de 3º de primaria elaborou unhas fermosísimas felicitacións de Nadal. Aquí tedes unha mostra:

Despois de preparada, a terra xa estaba agardando polas plantas. E chegou o momento: hoxe saímos a sementar e plantar. Tivemos unha boa xornada de sol e caloriño, por iso lle botamos unha boa reguiña para que xermolen as sementes. Afastádevos!  Que vos molloooooo!

GALERÍA DE FOTOS

E como o prometido é débeda, aí van as fotos do traballo feito onte polo alumnado de sexto. Entre todos arrancamos as malas herbas, sachamos e abonamos. Mirade que aspecto locen as nosas hortiñas, agardando a que baixemos tod@s a plantar.

 GALERíA DE FOTOS

O alumnado de 4º de primaria realizou un espectacular vídeo en lingua inglesa no que conta a hsitoria de Clifford, un gran can vermello, baseado no libro para nenos de Norman Bridwell. Podedes desfrutar dela no enlace:

CLIFFORD THE BIG RED DOG

Este é  o estado  no que se atopan os hortos a inicios de curso. Precisan unha posta a punto.

@s alumn@s de  4º de ESO encargáronse de pintar os bancais do horto..de violeta, porque o noso centro segue a apoiar a igualdade e  anon violencia contra as mulleres: mirade que bonitiños quedaron

E para a semana tocaranos a Primaria aportar o noso esforzo para botalos a andar. Ánimo rapaces! Podemos facelo!