Novas

Este venres 23 de maio, o alumnado de infantil e 1º de primaria, repartidos en dúas quendas, tivo a sorte de gozar dunha sesión de contacontos/títeres, que levaba por titulo "SORPRESA", a cargo de Sara Laya, da compañía "a Xanela do Maxín", e como agasallo do Consorcio Editorial polo gasto realizado en libros mercados para a biblioteca do centro. 

Foi unha actuación ben fermosa que engaiolou ás crianzas coa súa posta en escea e co seu xeito de contar e transmitir unha moi importante mensaxe: " a necesidade de coidar o noso planeta", mediante a reciclaxe do lixo, a reutilización dos materiais, o respecto e coidado do noso entorno.

Grazasss enormes á Xanela do Maxín e á editorial Consorcio, por seguir transmitindo teatro, cultura, historias,... que enriquecen o maxín das nosas crianzas.

Programa especial adicado a "Cóntame un conto", proxecto educativo impulsado pola Fundación Antonio Fraguas Fraguas que promove a actividade de contar contos de tradición oral galegos entre os escolares. O proxecto busca aproveitar as posibilidades educativas deste recurso, promover o coñecemento da literatura popular galega de transmisión oral e incorporar a tradición oral de contar contos ás actividades públicas dos centros escolares.

- Alumnado participante no programa de radio: 4º de Ed. Primaria (grupo c)

- Profesorado: María Álvarez Garea, Benxa Salgado Otero e Óscar Suárez Carbia

Como cada ano, polo 23 de abril, conmemoramos o día do libro, e nesta ocasión quixemos facer un guiño á escritora Gloria Fuertes, xa que se cumplen 25 anos do seu pasamento.

* Montamos unha panel anunciativo con datos da súa biografía e algúns dos seus moitísimos poemas, para dar a coñecer esta importantísima e querida escritora na literatura infantil en castelán, que nos deixou  unha gran variedade de poemas, cantigas, adiviñas, pequenos contos de animais, pezas teatrais para os máis pequenos, e con grandes doses de humor.

   - Como proposta dende a comisión de biblioteca, suxerimos facer un cartel expositivo sobre a escritora, deixando liberdade a cada aula para a súa elaboración.

    (clica na foto para ver máis fotos)

* Outra actividade que acostuma a funcionar moi ben e lles gusta ao alumnado é o "apadriñamento lector": onde os maiores do cole de 5º e 6º len un conto aos máis pequenos.

Nesta ocasión o alumnado de 6º EP apadriñou a un grupo con nenos e nenas de 1º, 2º, 3º e 4º EP, mentras que o alumnado de 5º apadriñou un ou dous nen@ de EI.

Foi unha actividade ben fermosa, que puido ter lugar no patio exterior do cole, e por momentos observábase atención, concentración, goce,.... Foi moi bonito

     (clicar na seguinte imaxe para ver máis fotos)

* Tamén resulta do gusto das crianzas facer o préstamo-agasallo de contos que traen das súas casas ou buscan na biblio para intercambialos cos seus compañeir@s de aula