CEIP Plurilingüe da Ramallosa |

Bolsas NEAE 2024-25

Mar, 2024-05-21 14:40 — E.Directivo

Están convocadas as axudas do Ministerio de Educación para o alumnado NEAE para o curso 2024-25.

O prazo de presentación de solicitudes vai do 30 de abril ao 13 de setembro de 2024.

Nesta ligazón tedes a CONVOCATORIA.

Para solicitala premede AQUÍ.

Aberto o prazo de solicitude de axudas para a adquisición de libros de texto e material escolar 2024-25

Lun, 2024-05-20 10:00 — E.Directivo

Mañá 21 de maio abre o prazo para a participación no fondo solidario de libros de texto e solicitar as axudas para adquirir material escolar.

LEXISLACIÓN

Orde do 7 de maio de 2024. (Fondo solidario de libros de texto - adquisición de libros de texto e material escolar)

PRAZOS: Do 21 de maio ao 21 de xuño de 2024.

DESTINATARIAS/OS:

Alumnado de 1º e 2º de primaria: axuda para adquisición de libros e de material escolar.
Alumnado de 3º, 4º de primaria: axuda para dotación do banco de libros e para adquisición de material escolar.

Alumnado de 5º, 6º de primaria: axuda para material escolar.

PRESENTACIÓN DE SOLICITUDES:

ELECTRÓNICA: Solicitude cuberta en FONDOLIBROS e entregada pola Sede Electrónica. Para esta opción necesitas ter:

Conta con CHAVE 365 ou
Ter instalado certificado dixital ou DNI electrónico

PRESENCIAL: Cubrir os Anexo I e II e presentalos no centro educativo.

DOCUMENTACIÓN A PRESENTAR:

Anexos I e II
Copia do libro de familia onde figuren todos os membros computables. En caso de non dispoñer de libro de familia, só en casos excepcionais se poderá aceptar:

Certificado ou volante de convivencia.
Informe dos servizos sociais ou do órgano equivalente do concello onde resida a familia.

En caso de separación ou divorcio, deberán achegar ademais a sentenza xudicial e/ou convenio regulador onde conste a atribución da custodia do/da menor.

Admisión alumnado 2024-25

Mér, 2024-03-06 15:02 — E.Directivo

Xa están no noso taboleiro publicadas as listaxes DEFINITIVAS de admitidos/as e non admitidos para o curso 2024-25.

Non sufriron variación respecto ás listaxes provisionais.

O alumnado NON admitido deberá esperar a que se reúna a Comisión de Escolarización (sen data fixada de momento) para determinar o centro que lle corresponde.

4º de EI: 33 solicitudes presentadas, 20 admitidas e 13 NON admitidas

6º de EI: 1 solicitude presentada, 1 admitida.

1º de EP: 6 solicitudes presentadas, 6 admitidas.

Podedes consultar a listaxe no propio centro. Non se facilita a información por teléfono.

PRÓXIMAS DATAS IMPORTANTES

Do 20 ao 30 de xuño:

Formalización da matrícula do alumnado admitido en E.Infantil e Primaria.
Anexo III-1 Formalización de matrícula
Lingua materna (Só para o alumnado de 4º de EI)

PROCESO DE ADMISIÓN DE ALUMNADO CURSO 2024-25

Calendario:

Do 15 de xaneiro ao 5 de febreiro: Reserva de praza no centro de orixe (CEIPP da Ramallosa) para o alumnado de 6º de EP ao centro ao que está adscrito (IES de Cacheiras) O alumnado de 6º de EP levará a casa o impreso Anexo I (ED550A) da solicitude para ser entregado na secretaría do CEIPP da Ramallosa antes do 5 de febreiro. Revisade as instrucións para cubrir correctamente o documento. Se tedes algunha dúbida podedes consultala na secretaría do centro.

Do 1 ao 20 de marzo: Presentación de solicitudes de admisión. A solicitude será única segundo o modelo Anexo II (ED550B) (asinado polos dous proxenitores) que poderá cumprimentarse:

Na aplicación https://www.edu.xunta.es/admisionalumnado
De forma manual. Recollendo instancia no centro ou descargándoa.
Tamén se poderán descargar, e logo cumprimentar, na sede electrónica da Xunta de Galicia, na dirección http://www.xunta.es/portada, e da páxina web da Consellería de Educación, Universidade e Formación Profesional, na dirección http://www.edu.xunta.gal/portal/node/35990.
Importante: Entregar no centro xunto coa documentación que fose precisa (libro de familia, sentenza de separación, documentación acreditativa do alumnado con necesidades específicas,...)

INSTRUCIÓNS XERAIS sobre o procedemento.

ÁREA DE INFLUENCIA DO CEIP PLURILINGÜE DA RAMALLOSA

Recollida de documentación acreditativa dos criterios do baremo (no caso de ter máis solicitudes que prazas): 10 días hábiles a partir dos dous seguintes ao remate do prazo.

DÍA DE ROSALÍA DE CASTRO

Lun, 2024-02-26 15:01 — oscar

(Preme na imaxe para ver as diferentes propostas didácticas deste ano)

ENTROIDO 23-24: "Os musicais"

Lun, 2024-02-19 21:23 — oscar

Premede enriba da imaxe para entrar en todos os contidos desta edición (vídeo, fotos,..)

Seguimos engadindo recursos

CERTAME DE ARTE ESCOLAR EUGENIO GRANELL

Mér, 2023-12-27 13:23 — marisa

CERTAME DE ARTE ESCOLAR EUGENIO GRANELL.

Un nadal máis, participamos na xa XIX edición desta interesante iniciativa, onde ademais do concurso con distintas categorías, o realmente importante e interesante é que durante todas as vacacións e ata o 14 de xaneiro, todas as obras das criaturas de E.I. teñen expostas os seus creativos traballos.

Desta volta, non nos podemos sentir máis orgullosas e orgullosos pois recoñecéronse varios galardóns en distrintas categorías.

Parabéns a todo o alumnado polo seu traballo que poderedes ver nas fotografías.

Mirade a Álvaro gañador da categoría de debuxo, a Thyago na categoría de pintura, a Yanira en collage e a Mateo na de construcción, con que orgullo reciben a súa linda escultura, creada específicamente para o certame.

E premendo nesta imaxe da exposición ou aquí, podedes observar todo o laborioso proceso das fantásticas creacións.

PRESENTACIÓN DO "CLUBE DE CONVIVENCIA"

Mér, 2023-12-06 19:53 — oscar

O alumnado da Ramallosa síntese comprometido coa convivencia! Así o afirmaron onte no acto de presentación do noso "Clube de Convivencia", un organismo democrático e asambleario formado por:

- "Coordinadores de préstamo de material de xogo"; que colaboran para que o tempo de recreo sexa un momento de diversión e desconexión.

- "Colaboradores de Biblioteca"; que axudan a manter o funcionamento da nosa biblioteca.

- "Mediadores escolares"; que resolverán os posibles conflictos que poidan xurdir no tempo de patio de forma cooperativa e restaurativa.

- "Guardiáns de corredor"; que velarán para que as entradas e saídas no cole sexan da forma máis ordeada posible.

Un compromiso libre e voluntario, onde o alumnado, de maneira desinteresada e colaborativa, todos unidos e unidas aseguramos que a nosa convivencia sexa cada vez mellor.

Grazas a todos e todas!

DOBRE PREMIO NO VI CERTAME DAS IMAXES DO PATRIMONIO PNO

Lun, 2023-09-25 14:10 — oscar

Máis que agradecidos por este dobre recoñecemento para @s Ramalloseir@s!!

É un orgullo formar parte do colectivo “Ponte nas Ondas” e aportar o noso granciño de area a prol da recuperación do noso patrimonio cultural.

Grazas compañeir@s ❤️

Parabéns a todo o alumnado e equipos docentes de Galicia e Portugal participantes no certame.

PREMIOS DO CENTRO:

- 2º PREMIO “VI Certame das Imaxes do Patrimonio Inmaterial Galego Portugués”: Parabéns á nosa alumna “Alexandra Pedreira Fdz” polo seu traballo coa foto “Guerra Civil española” ❤️

- PREMIO ESPECIAL DO JÚRI: É un orgullo recibir tamén unha das dúas mencións especiais ao “mellor traballo de centro” co noso proxecto “Anaquiños de onte vistos cos ollos de hoxe”. Neste seso, é de xustiza resaltar e agradecer o grandísimo traballo levado a cabo polo profe Xabi. Grazas Ramalloseiro!! Eres moi grande!!

Partillamos un vídeo-resumo de todos os traballos presentados ao certame.