Skip to Content

6º Curso

Día da árbore

Na primeira semana da Primavera celebramos a semana da Árbore e da Auga.

Con este motivo saímos a plantar un bidueiro que nos mandaron ao colexio desde a Deputación Provincial. Estas árbores precisan moita auga para medrar, polo que as plantamos no patio do noso colexio e a regaremos a miudo. 

Ao longo deste mes traballamos na clase o libro que nos achegou a Deputación titulado “A Dama da auga e o segredo das árbores”.

Asemade, o Día da árbore, todo o alumnado recitou poemas sobre árbores e natureza para celebrar o Día da poesía.

 

Obradoiro de igualdade e interculturalidade

A organización Xarela deseñou para o CEIP Manuel Sueiro 2 talleres, un de igualdade de xénero e outro de interculturalidade, con tres sesións cada un deles.

O taller de igualdade realizados durante os meses de xaneiro e febreiro, centrado en que todos debemos ter as mesmas oportunidades e dereitos sen importar o sexo. Os obradoiros centráronse en eliminar estereotipos e prexuízos.

O taller de interculturalidade realizado durante os meses de febreiro e marzo, centrouse na sensibilización sobre a diversidade como un valor enriquecedor fomentando actitudes de respeecto, convivencia, emaptía,…a través de múltiples dinámicas.

O CEIP Manuel Sueiro está moi agradecido organización XARELA polo seu bo facer co noso alumnado.

Na galería de imaxes vos mostramos cales foron as dinámicas dos dous talleres.

Festa do Entroido 2019

O mes de febreiro é un dos noso preferidos do ano, non só pola cantidade de actividades complementarios que facemos se non pola celebración do Entroido.

Este ano volvemos a traballar no Entroido a temática do proxecto documental integrado que este ano versa sobre “Dinamarca”. Por iso as temáticas escollidas tiñan todas algo que ver con este país: Os viquingos; Os libros de Hans Christian Andersen; A pequena serea; O parruliño feo; O soldadiño de chumbo; as pezas de Lego e a Garda Real danesa.

Previamente ao desfile, o alumnado e profesorado degustou os exquisitos doces que moitas das familias aportaron altruístamente para que colleramos a enerxía suficiente para aguantar a festa.

Desde aquí queremos agradecer a participación das familias na festa do cole e a colaboración prestada.


Vídeos do desfile


O Sabor da aventura está no mar

O 26 de febreiro contamos coa presenza na biblioteca do noso centro dos protagonistas do programa "O sabor da aventura está no maer" que promove a Xunta de Galicia e a Uión Europea a través do Fondo Europeo Marítimo e de Pesca para fomentar o consumo de pescado na nosa dieta alimentaria.

Nesta ocasión, dentro do proxecto "Aliméntate ben" que estamos a desenvolver no noso centro, paricipamos nun obradoiro no que nos foron ensinando as propiedades e características de varios produtos do mar a través de vídeos, contos, xogos e historias divertidas onde os protagonistas eran os superheroes "Os Arroases".

 

Unión Deportiva Ourense

O 21 de febreiro contamos coa presencia do adestrador da UDO, Fernando Currás, e dous dos seus pupilos para dar a coñecer o seu club ao noso alumnado. Esta actividade pertence ao programa da Secretaría Xeral para o Deporte: Xogade  "Xogos galegos deportivos en idade escolar".

A comitiva visiou todas as aulas do noso dentro, departindo, cos potenciais futuros deportistas da UDO, sensacións e experiencias deportivas co fin de promocionar o fútbol base en Ourense.

Ao remate, realizamos unha foto de familia na pista polideportiva do centro.

 

Día de Rosalía

Para conmemorar o aniversario de Rosalía, ao longo da semana, traballamos na aula cos materiais que o EDL do centro ten recopilados na web.

Como actividade central, recitamos o poema "Fun un domingo" entre toda a comunidade educativa e realizamos un vídeo con música de fondo "O son do ar" de Luar na Lubre.

 

 

 

O Sabor da aventura está no mar

O alumnado de Ed. Primaria do noso cole participo o 21 de febreiro no programa "O sabor dá aventura está non mar", que promove a Xunta de Galicia con financiamento da Unión Europea. O seu obxectivo é "valorizar e fomentar o consumo dos produtos da pesca e da acuicultura, así como incidir e equilibrar as dietas alimenticias nas idades infantil e  xuvenil".

Esa idea desenvólvese en localidades costeiras para achegar aos nenos e nenas a esa realidade, ampliar os seus coñecementos sobre os produtos do mar, profundar no coñecemento das especies e o papel das persoas consumidoras á hora de preservar os recursos do mar.

Nós, nesta ocasión, visitamos o concello costeiro de Noia para visitar a súa lonxa, a depuradora de marisco e ver como traballaban as persoas mariscadoras da cofradía de Noia na praia do Testal.

Na zona de marisqueo aprendemos a diferenciar entre berberechos, ameixas finas e ameixas xaponesas. Asemade, practicamos co raño para sacar o marisco da area e fomos testemuñas presenciais do proceso que se sigue desde que se colle o marisco ata que chega á depuradora.

Para rematar a viaxe, as organizadoras convidáronnos a un exquisito manxar, a base de empanada de millo con berberechos, canelóns de peixe e rosca de Noia, nas instalacións do Club Náutico no porto do Freixo.

Pasámolo xenial

O Sabor da aventura está no mar

O alumnado de Ed. Primaria do noso cole participo o 21 de febreiro no programa "O sabor dá aventura está non mar", que promove a Xunta de Galicia con financiamento da Unión Europea. O seu obxectivo é "valorizar e fomentar o consumo dos produtos da pesca e da acuicultura, así como incidir e equilibrar as dietas alimenticias nas idades infantil e  xuvenil".

Esa idea desenvólvese en localidades costeiras para achegar aos nenos e nenas a esa realidade, ampliar os seus coñecementos sobre os produtos do mar, profundar no coñecemento das especies e o papel das persoas consumidoras á hora de preservar os recursos do mar.

Nós, nesta ocasión, visitamos o concello costeiro de Noia para visitar a súa lonxa, a depuradora de marisco e ver como traballaban as persoas mariscadoras da cofradía de Noia na praia do Testal.

Na zona de marisqueo aprendemos a diferenciar entre berberechos, ameixas finas e ameixas xaponesas. Asemade, practicamos co raño para sacar o marisco da area e fomos testemuñas presenciais do proceso que se sigue desde que se colle o marisco ata que chega á depuradora.

Para rematar a viaxe, as organizadoras convidáronnos a un exquisito manxar, a base de empanada de millo con berberechos, canelóns de peixe e rosca de Noia, nas instalacións do Club Náutico no porto do Freixo.

Pasámolo xenial

Encontros con autores: Iria Misa

O 19 de febreiro participamos en “Encontros coa autora” con Iria Misa, autora do libroMamá, quero ser Ziggy Stardust” e organizado pola concellería de educación nas instalacións do Liceo de Ourense co fin da promoción do hábito lector entre os escolares ourensáns e o traballo en valores.

A actividade comezou coa dotación, por parte da Concellería dos libros seleccionados para este curso para a súa lectura na aula e o posterior encontro co autor do libro.

Esta actividade ten dous importante obxectivos. Por unha banda poñer en contacto directo aos escolares cos escritores e ilustradores e por outra banda, dar a coñecer e preto o traballo dun escritor e ilustrador.

Os libros foron entregados aos escolares no mes de decembro e hai unhas semanas e tras a lectura, realizouse o encontro con Iria Misa, momento no que o alumnado tivo a oportunidade de coñecela e conversar con ela sobre a temática do libro e as principais mensaxes que se achegaban coa súa lectura.

Antes de asistir a estes encontros, o alumnado de quinto e sexto curso do noso cole xa fixera un traballo exhaustivo desta obra de Iria Misa.

O resumo argumental do libro, trata da historia de Aine, quen naceu cun corpo aparentemente de nena, pero en realidade séntese neno. Aine conta cun amigo imaxinario chamado Thomas, como xeito de fuxida dunha realidade que o abafa.

Nunha viaxe turística cos seus pais, Aine descobre a figura do músico David Bowie, coa que se identifica de inmediato. Desde entón, Thomas e Aine xogan a disfrazarse de Ziggy Stardust, o personaxe creado por Bowie, e a actuar enriba da cama coma se fose un escenario.

O pai de Aine non comprende ao seu fillo. Pero Fran, a súa nai, pouco a pouco irá reaccionando e aceptando a Aine tal e como é, o que provocará a ruptura co seu home. Tampouco a familia extensa de Aine se amosa moi comprensiva co que ven como unha simple teima dunha nena por vestirse e comportarse como un rapaz. Aine visitará a psicólogos, e sufrirá o rexeitamento de moitos compañeiros de escola, e das súas familias, na escola. Pero finalmente conseguirá realizar o seu soño: vivir de acordo a como sente a súa identidade de xénero e actuar na festa de fin de curso do colexio.

Neste libro profundan na transexualidade.  Aine é un neno trans que loita por poder mostrarse ao mundo tal e como se sente. Destaca tamén David Bowie como exemplo. A figura do músico está moi presente na novela como referente de persoa de éxito malia non encaixar sempre nos canons impostos socialmente, e é usado por Aine para afirmarse nun mundo que non quere aceptalo tal e como é.

Os escolares tiveron que realizar unha serie de actividades antes e despois da lectura. Primeiro tiñan que observar a portada e razoar a partir de aí sobre que pensaban que trataba o libro. Tamén tiveron que responder a cal foi o último libro que leron e o que máis lles gustou.

Tras a lectura, discutiron na clase sobre como a presión social e as súas convencións condicionan a liberdade individual e o dereito á diferenza. Outro dos aspectos que tiñan que respostar tiña que ver con David Bowie, comentar a súa figura e a súa música na clase.

Visita ao Concello

O 11 de febreiro o alumnado de 5º e 6º de Ed. Primaria visitou o Concello de Ourense para coñecer o funcionamento desta institución municipal.

Membros do servizo de protocolo ensináronnos o Salón de plenos onde se reunen os concelleiros e concelleiras de Ourense para gobernar o noso municipio e ocupamos as cadeiras que eles empregan nos plenos.

Aprendimos como se forma a mesa presidencial e como é elixido o Alcalde. Asemade. descubrimos o significado dos escudos de España, Galicia e Ourense.

O Alcalde, nun momento da actividade, pasou a saudarnos e a ofreceuse para que lle demandáramos aquelas necesidades que urxe atender no noso centro... nós así o faremos.

 

Distribuir contido


by Dr. Radut