Maio 2019

Libros que van e veñen

O alumnado de Ed. Infantil, este curso continuou levando para as súas casas as bolsas do programa "Libros que van e veñen".

Estas permanecen no seu domicilio unha semana, facéndose a renovación dos libros os venres de cada semana. Cada unha delas inclúe un libro en galego ou castelán escollidos polo alumnado e un caderno para que, coa axuda dos seus familiares, debuxen e/ou escriban o que lles "digan" os libros.

É de agradecer ás familias dos máis caivos a súa imlicación nesta actividade destinada a que acompañen aos seus fillos no proceso lector e lles sirvan de modelo e guía nos momentos de lecer.

No seguinte documento podemos ver algúns exemplos dos seus traballos na casa.

Mochilas viaxeiras

Este curso continuaron funcionando as mochilas viaxeiras en todos os cursos de Ed. Primaria.

As mochilas viaxeiras permiten ao alumnado un préstamo por un período dunha semana, para compartir coas familias o contido da mesma. O  contido do material foi escollido pola persoa titora, supervisado pola biblioteca e procurando que teña a maior variedade de textos e formatos para que o alumando poida elixir.

Acompañan a estes materiais “O diario da mochila” no que, tanto os nenos/as como as súas familias, aportan a súa opinión, novas creacións, debuxos, suxerencias, …, sobre o contido da mochila.

Achegamos unha mostra do traballo realizado polo alumnado nas súas casas.

Como conclusión, destacar que ler en familia é unha actividade moi divertida que axuda a entrelazar lazos entre pais e fillos e enriquécenos a todos. Ademais, a lectura enriquece intelectualmente aos nenos, estimulando a súa imaxinación, a capacidade para resolver problemas, a memoria e a linguaxe, axúdalle a coñecer o mundo no que vive e impúlsalle a querer saber máis. Comentando as lecturas que facemos todos xuntos podemos reflexionar sobre o lido, os valores do libro infantil e xuvenil que escollésemos, explorando nosos propios sentimentos. É, en definitiva, unha axuda na educación dos nosos fillos, polo que é importante proporcionarlleao alumnado lecturas estimulantes, acompañalos no descubrimento do pracer da lectura, sendo un hábito moi saudable e cheo de beneficios.

Formación de usuarios

No curso 2018/2019, a formación de usuarios volveu a estar presente ao longo de todo o curso, sobre todo as actividades referentes ao alumnado. O profesorado titor encargouse de realizar esta tarefa co seu alumnado ao longo do curso con indicacións puntuais ou en sesións programadas de formación.

En educación Infantil visitaron a Biblioteca unha vez por semana. Os mais pequenos custoulle un pouco subir e dirixirse ao recanto en orde e silencio, pero pouco a pouco foise conseguindo.

  • Escollemos contos adaptándoos ás distintas idades pois este curso están na mesma aula  nenos e nenas de cuarto, quinto e sexto de Educación Infantil.B
  • Buscamos o conto no andel correspondente, unha vez sentados, en orde e silencio, cóntaselles o conto ensinando as ilustracións.
  • Observan as ilustracións, buscando as distintas personaxes facendo comentarios e preguntas relacionadas co conto.
  • Imaxinar como é o protagonista do conto, e outras personaxes do conto, e expresalo coas súas palabras, ás veces, os maiores axudan os máis pequenos.
  • Cada día devolve un neno/a o conto ao seu andel correspondente, revisando a profesora se o fai correctamente
  • Outras veces, elixen libremente cada un o seu conto, fan preguntas sobre o que máis lle chama a atención, contando ao final , cada neno e nena, o que mais lle gustou.
  • Ao finalizar, colocan o seu libro no andel correspondente coa axuda e supervisión da titora.

Ao remate das sesións, en orden e silencio, deixan o recantocomo o encontramos , en orden e silencio dirixímonos  á aula.


 

En Educación Primaria, encargouse o profesorado titor da formación de usuarios con indicacións puntuais ou en sesións programadas de formación realizando as seguintes actividades:

  • Dedicaron un tempo a seguir coñecendo  a biblioteca, os usos e normas básicos que nela rexen.
  • Lembramos os distintos espazos da biblioteca.
  • Debuxamos planos da biblioteca en tamaño folio e tamén un en tamaño a2.
  • Fixemos unha exposición coas materias que aparecen nas distintas CDU das bibliotecas escolares.
  • Fíxemos xogos para colocar libros nas distintas CDU.
  • Coñecemos tódalas letras e números que aparecen no tejuelo.
  • Realizamos diferentes exercicios co tejuelo.
  • Traballamos sobre as CDU das biografías a repasamos as sinaturas dos libros.
  • Asimilamos conceptos relacionados co dicionario: entrada, definición, abreviatura.
  • Buscamos nos andeis, polo CDU biografías de personaxes famosos: Gaudí, Miró, Cervantes…
  • Realizamos fichas de distintos libros.


 

Hora de ler de 3º Ed. Primaira

Como estaba programado, suxerimos e planificamos as actividades que tiñamos recollidas no proxecto inicial na súa meirande parte. En ditas actividades houbo moi boa resposta, acadando os obxectivos propostos, cun grao de cumprimento satisfactorio.

En definitiva acadamos en gran medida os obxectivos que nos propuxemos ao inicio do curso, e as actividades que propuxemos tiveron unha gran resposta por parte de todos.

A hora de ler realizouse todos os días, durante os vinte minutos posteriores ao recreo.

Dedícanse á lectura en todas as aulas. Trátase dunha actividade regrada e recollida no horario escolar na que participa todo o alumnado e profesorado do centro.

A miña hora de ler é con 3º de Educación Primaria, os martes e mércores de 12 a 12’20h.

Neste curso, levamos a cabo diversas actividades de animación á lectura na aula de terceiro  de Primaria.

  • Levamos a cabo “CONCURSOS DE LECTURA”.
  • Limos na aula en voz alta "Rita y los ladornes de tumbas".
  • Fixemos preguntas de cada capítulo que entraban a concurso dando os puntos correspondentes a cada participante que as contestase correctamente anotándoos nunha lista. O concursante que acadou máis puntos ao final da lectura dos libros conseguiu un agasallo que consistiu nun libro.
  • Traballamos o libro “El soldadito de plomo” e o seu autor Andersen.
  • Limos na aula en voz alta “Charlie y la fábrica de chocolate”.
  • Fixemos preguntas de cada capítulo que entraban a concurso dando os puntos correspondentes a cada participante que as contestase correctamente anotándoos nunha lista. O concursante que acadou máis puntos ao final da lectura dos libros conseguiu un agasallo que consistiu nun libro.
  • Tamén traballamos dististo a autores que se foron conmemorando ao longo do curso.

Neste curso traballamos na hora de ler, ademais das actividades propostas para esta hora, outras actividades para traballar o PDI da biblioteca que este ano o dedicamos a Dinamarca.

En terceiro, escollemos o tema dos xogos  viquingos e tradicionais danesas.

Dito traballo consistiu fundamentalmente no fomento da lectura, lendo libros de aventuras que se basean nas tradicións das culturas nas que se desenvolvía a trama.

Fixemos lecturas colectivas dos libros:

  • "Los futbolísimos. El misterio del castillo encantado…” cuxa historia desenvolvese en Escocia, que foi o primeiro lugar a onde chegaron os vikingos.
  • "El amanecer de los vikingos” que conta como os vikingos que sucaron os mares de Dinamarca, Noruega e Suecia, atacaron as costas de Ecocia e Irlanda.

FROM ODENSE TO FUNABASHI

O alumnado de 4º E.P. aportou ao PDI de centro un proxecto no que unimos a cidade de Odense coa de Funabashi en Xapón, na que se encontra un parque adicado a Hans Christian Andersen. As dúas cidades están irmanadas grazas ao autor danés.

Co noso autobús da compañía CDU, collemos a liña 3 que percorre as ciencias sociais, a liña 8 que transita polas rúas da literatura, e a liña 9 que organiza as viaxes.

Esta asociación de Dinamarca co Xapón nos serve para complementar o proxecto da área de plástica nas sección bilingües adicada á artista Yayoi Kusama e Xapón.

O soldadiño de chumbo

Os nenos de terceiro  de Ed. Primaria realizamos no PDI de centro, un traballo sobre o conto: “EL SOLDADITO DE PLOMO” e as distintas CDU.

No primeiro trimestre pescudamos sobre a vida do autor Christian Andersen.

No segundo trimestre traballamos o conto e na semana do Entroido disfrazámonos de soldadiños e bailarinas.

No terceiro trimestre encadrámolo conto na súa correspondente CDU . A partir de aí traballamos o resto das CDU e fixemos un mural infográfico para o corredor do primeiro andar que serviu de información para toda a comunidade.

Hora de ler en 5º de Ed. Primaria

Durante o presente curso18/19, levei a cabo o Plan lector na aula de 5º de Educación Primaria en coordinación co seu titor. O obxectivo primordial que plantexamos de cara a este curso, era potenciar a  competencia comunicativo-lingüística  como ferramenta facilitadora na adquisición do resto de aprendizaxes, ademais de optimizar a destreza na lectura e a escritura, aspectos fundamentais para desenvolver o gusto pola lectura e a capacidade de valorala criticamente.

Para acadar estes propósitos, na hora de ler, que se levou a cabo  todos os días de 12.00 a 12.20, traballamos os obxectivos que a continuación pasamos a comentar:

Obxectivos:

  • Mellorar a lectura en canto a: fluidez, velocidade, comprensión e expresión.
  • Dotar a lectura de funcionalidade, converténdoa nun medio facilitador das AVDS.
  • Optimizar o vocabulario.
  • Potenciar a  autonomía na  vida cotiá e nas relacións de grupo.
  • Afianzar valores (amizade, respecto…).
  • Favorecer a expresión plástica.
  • Mellorar as competencias comunicativo-lingüísticas.

Para acadar estes obxectivos, traballamos con dous manuais, un deles en lingua castelá; “Erik y Harald, Guerreros Vikingos” e outro en lingua galega; “O fío vermello”.

 

Unha vez rematada a lectura dos distintos manuais, levamos a cabo un concurso literario, con multitude de probas; preguntas curtas, de enumeración, de múltiple elección,... Nestes concursos os gañadores foron  agasallados co libro que se ía ler a continuación e con material escolar.

Ademais dos concursos literarios, un día a semana, os venres traballamos lectura funcional para facilitar aspectos da vida diaria, como pode ser; interpretación de facturas, carteleiras de cine, receitas, prospectos médicos, listaxes de anuncios de compra–venta, telefónicos,...

Neste sentido e buscando  a funcionalidade da lectura, tamén traballamos con manuais de maxia e na propia execución dos trucos, mediante o seguimento de instrucións.

Con este tipo de actividades, buscamos dotar de funcionalidade a lectura aproximándoa as súas realidades cotiás e tratando de espertar no noso alumnado interese e curiosidade polo súa contorna.

Por outro lado, o Plan Lector, estivo intímante relacionado co PDI da Biblioteca e aproveitando que o lema este curso era "Dinamarca", traballamos os Vikingos,  para iso partimos do que xa coñecían e adentrámonos no que querían saber, mediante documentais como;  “¿Quiénes eran los Vikingos?".

Neste sentido, levaron a cabo proxectos de expresión plástica, entre os cales destaco a construción dun Drakkar, escudos, espadas  e todo o vestiario que empregamos no entroido.  Dentro deste gran proxecto introducimos a lectura do libro comentado en liñas anteriores; “Erik y Harald, guerreros vikingos”, o cal conta con xogos e documentación, aspectos que favorecen a ampliación de coñecementos  e a resolución de curiosidades así como a propia motivación.

Ademais dos aspectos comentados en liñas anteriores, este curso, en coordinación co Equipo de Dinamización da lingua Galega, levamos a cabo unha dinámica para favorecer a expresión escrita na lingua galega, que consistiu no intercambio de cartas, vía correo ordinario, cos nenos  do CEIP Santiago Apóstolo de Franza de Mugardos.


Para lograr coordinar as distintas actividades entre os docentes que levamos a cabo o Plan Lector na aula de 5º, puxemos en marcha un caderno de rexistro de tarefas onde diariamente quedaba reflectido o traballo realizado en cada  sesión.

Contos de Andersen

Ao longo do curso traballouse sobre Dinamarca, tema deste P.D.I.

  • No entroido disfrazáronse de fichas de Lego, invento dun danés.
  • Na aula traballáronse os contos de Andersen. De cada un deles procurouse extraer os valores que encerraban:
  • En “A princesa e o chícharo” (La princesa y el guisante) atopouse o valor da solidariedade, a bondade e o respeto. Tamén o inxenio, a caridade, a gratitude e o de non deixarse levar polas apariencias.
  • En “A nena dos mistos” (La niña de los fósforos) atopouse o valor da responsabilidade, a solidariedade, o respeto e a bondade.
  • No “Traxe novo do Emperador” (El traje nuevo del emperador) a verdade e a sinceridade. Tamén a inocencia dos nenos que sempre din a verdade.
  • En “Os cinco chícharos” (Los 5 guisantes en una vaina) apreciouse que o máis insignificante dos obsequios, por sinxelo e pequeño que sexa, pode lograr verdadeiros e asombrosos beneficios a quen os recibe.
  • No “Soldadiño de chumbo” (soldadito de Plomo) o valor do esforzo, da perseveranza, da superación  e sobre todo do poder do amor, incluso máis alá da norte.
  • Na “Sereiña” (Sirenita), o amor, a lealdade, a honestidade e unha mensaxe que ten que ver coa eternidade.
  • E no “Parruliño feo” (el patito feo), a aceptación personal e a necesidade de mellorar a autoestima: aprender a quererse tal como eres e buscar quen te valore e saiba contemplar a túa beleza.

Hora de ler de 6º Ed. Primaria

No curso escolar 2018/2019, a hora de ler, realizouse todos os días de 12.00 a 12.20 tendo como obxectivo prioritario Contribuír ao fomento do gusto pola lectura.

Centrámonos na consecución dos seguintes obxectivos:

  • Mellorar a lectura (comprensión e expresión lectora).
  • Afianzar valores (amizade, verdade, respecto, empatía,...).
  • Favorecer a expresión plástica.
  • Coñecer algo sobre a cultura de Dinamarca.
  • Coñecer e aceptar a propia identidade.
  • Valorar a amizade e o compañeirismo.
  • Ampliar o vocabulario a través dos contos.
  • Actuar con autonomía na  vida cotiá e nas relación de grupo.

Actividades.

  • Ler o conto en distintas versións (lectura en voz alta e en voz baixa)
  • Dramatizar algún episodio do conto.
  • Colorear debuxos do conto.
  • Escoitar o conto.
  • Traballaremos coa prensa analizando noticias. Miraremos, asemade, como a mesma noticia pode ser interpretada de diferentes xeitos dependendo da persoa que a lea.


Temporalización.

Na hora de ler, que se realizou todos os días de 12.00 a 12.20 utilizáronse os seguintes libros:

1º trimestre: libros comúns a todos os nenos e nenas.

  • Castelán: La fábrica de chocolate

2º trimestre: lectura pautada en galego e castelán a través da selección de libros.

  • Castelán: La isla de Nuncameolvides.
  • Galego: O enigma do Menhir.
  • Galego: Crispín do Mao, Crispín do Mar.
  • Galego: ¡Adeus pes!
  • Galego: Catro pallasos. 
  • Galego: A dama da auga e o segredo das árbores. 

3º trimestre: lectura pautada en castelán a través da selección de artigos vinculados a cultura danesa. Para a realización desta actividade configurouse unha caza do tesouro que leva por título “Pescudando sobre Dinamarca”  http://www.edu.xunta.gal/centros/ceipmanuelsueiro/node/1232, así como una avaliación a través do programa Kahoot https://kahoot.it/

Como conclusión, destacar que cando as persoas traballan en equipo, é indiscutible que se melloran os resultados. A valoración do traballo en equipo foi en aumento ata o punto de pasar, dunha estratexia de motivación e de resolución de problemas, a darlles capacidade para tomar decisións, planificar e conducir os mesmos procesos dos que son protagonistas.

Hora de ler de 2º de Ed. Primaria

Moitas das aprendizaxes que os nenos realizan na súa etapa escolar e que máis adiante lles axudarán a desenvolverse na sociedade como adultos conséguense a través da lecto-escritura. Este é un feito difícil de discutir, as habilidades lectoras son importantes para a consecución dunha formación integral da persoa. O valor da lectura é insubstituíble, pois a lectura estimula a imaxinación e axuda ao desenvolvemento do pensamento abstracto.

Durante este curso os alumnos de segundo curso de primaria traballaron os mitos nórdicos e festas internacionales de relevada importancia.

A hora de ler adicada a este fin foi os luns e os xoves de 12.00h. a 12.20h.

Dividimos o proceso en diferentes partes:

  • Coñecemento de si mesmo: neste primeiro momento os alumnos, en cada sesión, reflexionaron sobre o coñecemento de si mesmos e sobre o coñecemento dos demáis, para finalmente realizar unha ficha de autocoñecemento.

  • Motivámonos: neste momento, e despois de coñecerse ven debuxáronse nun momento motivador.

  • Ler: cada día, os alumnos lían unha historia referida aos deuses nórdicos e a súa forma de vida. Os alumnos ao remataren, facían un debuxo resumo.

  • Cultura e tradicións populares: ao longo do curso traballamos sobre diferentes datas de relevada importancia (o entroido, o día da muller na ciencia, o día do libro, o día da paz, o día de Rosalía, día das letras galegas, ...)

Asemade, traballamos tanto a lectura individual como a lectura colectiva, en voz alta e de xeito encadeado, de libros como relacionados co P.D.I. “Contos de Andersen”.

Fíxose un seguimento  individualizado da comprensión  lectora  e da velocidade lectora de cada un dos alumnos.