try another color:
try another fontsize: 60% 70% 80% 90%

Ponte nas Ondas

O próximo 27 de marzo de 2020 imos participar no Ponte nas Ondas, na xornada de radio que se vai celebrar en Ponteareas. Alí, unha delegación de 1eiro da ESO irá a explicar o traballo que se está a realizar durante este curso académico ao redor do río Louro e os seus afluentes.

Resultado de imaxes para: ponte nas ondas

Proxecto Ríos

Durante o primeiro trimestre, parte do alumnado de 1eiro da ESO participou no proxecto de Erasmus LivingRivers coa recollida de microtoponimia que bordease diferentes afluentes do río Louro e beiras dese mesmo río. O requisito de escolla é que se situasen nos concellos do Porriño e Mos, localidades do noso estudantado.

Este foi un traballo con diferentes fases. En primeiro lugar, as estudantes tiveron que investigar cal era o río ou afluente que tiñan máis preto das súas residencias. Deste modo, pasaron a coñecer unha pequena parte da inmensa riqueza hídrica que ten a nosa contorna.

Unha vez determinada a área de traballo, aprendemos a usar os mapas con información catastral. E, finalmente, coñecemos como se debe realizar un traballo de recollida toponímica: a localización dos espazos de interese, a escolla da persoa informante adecuada e a gravación da entrevista que nos daría a información que precisamos.

Foi un traballo moi completo con un interesante resultado que podedes consultar na foto que acompaña este artigo e no doc anexo a este.

Mais aínda non acabou o noso traballo dentro deste proxecto...

PRESÉNTASE A SOMBRA DAS ÁRBORES DE ANA ABAD DE LARRIVA

O Centro Cultural do Porriño acolle a saída do prelo na Editorial Galaxia da peza gañadora do II Certame de textos teatrais Roberto Vidal Bolaño do IES Ribeira do Louro.

O Porriño. 14.XI.2019. EDL IES Ribeira do Louro

O Pasado mércores 13 de novembro, tivo lugar no Centro Cultural do Porriño a presentación da publicación de A sombra das árbores, obra premiada no IIº Certame de textos teatrais Roberto Vidal Bolaño, organizado pola Editorial Galaxia e o IES Ribeira do Louro, o cal conta co patrocinio do Concello do Porriño.

No acto participaron ademais da antedita autora, a concelleira de Cultura do Concello do Porriño, Lourdes Moure, o director xeral da Editorial Galaxia, Francisco Castro, quen puxo en valor a calidade literaria da preza dramática, a necesidade de certames coma o Vidal Bolaño, pensado para cubrir un oco na creación literaria teatral para o alumnado de secundaria, cunha dotación económica que o converte agora nunha oferta aínda máis atractiva para @s dramaturg@s.

A presentación foi encerrada por Raquel Castro, secretaria do xurado que seleccionara  a peza gañadora, a cal fixo unha recensión baseada na aposta innovadora, no proceso novidoso inzado de sensiblidade poética inserida en A sombra das árbores. Unha peza teatral aberta e diferente, que parte do corpo para xerar o traballo coas imaxes e cos textos e non dunha concepción mental previa de personaxes definidas. Finalmente, a autora do libro, a dramaturga debutante, Ana Abad de Larriva, agradeceu novamente o premio ao xurado, a acollida por parte dos organizadores e resaltou que a peza é na realidade un camiño nun escenario simbólico poboado por un bosque de sombras que é o espazo que habitamos. Unha reflexión orixinal e novidosa sobre nós.

O PRESIDENTE DA REAL ACADEMIA GALEGA FALA DE "LINGUA GALEGA E ECONOMÍA"

Por segundo ano consecutivo, Víctor F. Freixanes visita o noso instituto para falarnos neste caso de "lingua galega e economía". Hai un ano pronunciou outra extraordinaria conferencia sobre o seu libro de entrevistas "Unha ducia de galegos", que deixou unha fonda impresión no noso alumnado.

Certame Provincial de Regueifas

O pasado 20 de marzo un equipo composto por 10 regueifeir@s de 2º ESO do IES Ribeira do Louro do Porriño, participou na final do Certame Provincial de Regueifas promovido pola Deputación de Pontevedra no CVC de Valadares. Axuntáronse con un cento de moz@s vindos de 10 centros de toda a provincia, para deixar ben alto o pavillón da improvisación oral na nosa lingua propia nunha xornada chea de creatividade.

Pequena mostra resume do evento

Sinfonías da mañá

 

Desde a Biblioteca propoñemos para este segundo trimestre un xogo-concurso no que está invitado a participar todo o alumnado do centro da quenda da mañá, desde 1º ESO ata os Ciclos Superiores.

Normas do xogo e organización:

  • Cada mañá, durante 10 ou 15 minutos xusto antes da entrada e no recreo soará unha música ou canción pola megafonía do centro.
  • A partires desa música ou canción haberá unha serie de pistas e preguntas  que levarán a unha solución. Serán seis músicas distintas, e por tanto seis solucións distintas.
  • Haberá tarxetas de participación diaria (na biblioteca), onde constan as preguntas e espazos para as respostas. Estas respostas entregaranse na biblioteca co nome do participante e serán gardadas ata o final do concurso.
  • Gañará o concurso o participante que consiga acertar todas as preguntas. En caso de haber máis dun pleno de acertos, sortearanse os premios entre os acertantes.

  

 Tarxetas de participación  Sorriso

RESPOSTAS:      1. Nome do grupo: Berrogüetto           2. Nome do músico: Isaac Palacín

RESPOSTAS:  1. Nome do libro: O señor dos aneis. O retorno do rei.  2. Autor: J. R. R. Tolkien

RESPOSTAS:  1. Nome da novela: Carmen   2Autor da novela: Prosper Merimée   3Animal: araña  

          RESPOSTAS:  1. Nome do poeta: San Juan de la Cruz     2.  Número de rexistro: 564

RESPOSTAS:   1. Director de cine: Steven Spielberg    2. Escritor de BFG: Roald Dahl

 

 

RESPOSTAS:  1.  Título da película: El Cid       2. Autor da cantiga: Afonso X O Sabio

 

Podes acceder a tódalas audicións do concurso dende a nosa lista de reproducción de Spotify 

 

 

GAÑADORES DO I CONCURSO "SINFONÍAS DA MAÑÁRisa

 

Xa teños as gañadoras desta primeira edición do concurso... nobaroa a todas!!

 

Pincha sobre a foto para acceder ao album de fotos da entrega de premios.

 

Obradoiro de Regueifas


4:03 minutes (9.28 MB)

Os mércores 20 e 27 de febreiro o alumnado de 2º ESO achegouse á composición de regueifas, improvisacións vocais en versos octosílabos, da man do mestre Bieito Lobariñas. Este experimentado regueifeiro ensinounos ademais instrumentos populares galegos como a zanfona, a gaita, as cunchas e a botella de anís, así como ritmos e melodías populares galegas (muiñeiras, xotas, pasodobres...)

Un momento da representación das coplas creadas polo alumnado

 

Un grupo seleccionado de alumnos e alumnas participarán no próximo certamen comarcal de Regueifas en Valadares, Vigo. Moita sorte!

CORRELINGUA 2018

O alumnado de 1º ESO do IES Ribeira do Louro recibe o "Premio á animación" no Correlingua 2018 celebrado en Vigo

 

VIII OLIMPÍADA DE XEOLOXÍA

 

Este pasado mércores 15 de febreiro tivo lugar a fase galega da VIII Olimpíada de Xeoloxía na Escola de Enxeñaría de Minas e Enerxía no Campus Universitario de Vigo.

Foi unha xornada intensa na que, pola mañá, se realizou a parte práctica (en grupos de 4 ou 5 alumnos): por un lado cuestións relativas a un mapa topográfico e por outro a proba de visu consistente na identificación de exemplares de rochas, minerais, fósiles, formas de relevo,..... Durante a tarde tivo lugar o exame teórico: 40 preguntas test relacionadas con diversos aspectos da Xeoloxía.

O IES Ribeira do Louro presentouse por primeira vez cun grupo voluntario de alumnos/as (en total 13) de 4º ESO e 1º BAC, que realizaron a parte práctica divididos en tres grupos e a teórica individualmente.

E obtivemos o premio ao Mellor Grupo  formado por: Laura Soliño, Daniel Represas, Cristian Martínez e Sergio Lorenzo, alumnos de 1º de Bac.

Parabéns rapaces !!!!!!!!!!

 

 

TORNEIROS CONTRA A VIOLENCIA DE XÉNERO

A COMUNIDADE EDUCATIVA EN CONTRA DA VIOLENCIA DE XÉNERO

Distribuir contido