try another color:
try another fontsize: 60% 70% 80% 90%

PUBLICACIÓN LISTAXE DE ADMITIDOS NA ACTIVIDADE "DESTINATION B1"

Infórmase ao alumnado que realizou a proba de nivel para a actividade Destination B1 de que están publicados no taboleiro do instituto (a carón da cafetería) os seguintes documentos de interese:

  • LISTAXE DE ADMITIDOS
  • INSTRUCIÓNS PARA O ALUMNADO ADMITIDO E NON ADMITIDO

 

A nosa noraboa aos candidatos seleccionados!

APERTURA DO PRAZO DE INSCRICIÓN Á ACTIVIDADE "DESTINATION B1"

A actividade programada terá como obxectivo fundamental que o alumnado prepare as probas conducentes aos seguintes títulos do Nivel B1 de Inglés:

- O Título Nivel Intermedio da Escola Oficial de Idiomas.

- O Título ISE I do Trinity College London.

O horario previsto para o curso 2020/21 é o seguinte: Mércores de 15:30 h a 18:00 h. de xeito presencial na Aula 24.

A esta actividade poderán inscribirse o alumnado matriculado nalgún dos seguintes niveis educativos:

* Bacharelato

* Ciclo Medio Xestión Administrativa

* Ciclo Superior Administración e Finanzas

* Ciclo Superior Comercio Internacional

Os estudantes interesados deben inscribirse na conserxería do centro dende o 29 de setembro ao 6 de outubro, ambos incluídos.

Os alumnos/as inscritos serán convocados para a realización dunha proba de nivel de inglés previa que se celebrará no centro educativo e da que resultarán os candidatos seleccionados para cursar a actividade.

Para máis información visualizar o documento adxunto.

José Luís Baños De Cos gaña o III Premio Roberto Vidal Bolaño de Teatro 2020

José Luis Baños de Cos é o gañador da terceira edición do premio de textos teatrais “Roberto Vidal Bolaño”, coa obra titulada “A cámara escura”. O galardón instituído polo IES Ribeira do Louro, a Editorial Galaxia e o Concello do Porriño entregouse o mércores 23 de setembro, data de comezo do curso na secundaria, nun acto condicionado polos protocolos anti-covid, celebrado no salón de sesión do consistorio porriñés coa asistencia do galardoado. 

Baños de Cos é orixinario de Cádiz pero leva asentado en Galicia dende hai anos por razóns de traballo e persoais e “vén de amosar un excelente coñecemento da nosa lingua” como ponderou o xurado do certame. 

Raquel Castro, profesora do IES Ribeira do Louro e secretaria do xurado deu lectura á acta co fallo. O xurado valorou que “estamos diante dun texto cun estilo ben definido e que alén diso, presenta un rexistro de lingua máis urbana e máis próxima da mocidade; é un texto actual e eminentemente teatral xa que se lle pode sentir o pulso da escena”. 

O premio consta de 2.000 €, suxeitos ás retenciónsfiscais correspondentes e que computarán como dereitos de autor. Ademais o escritor galardoado recibiu un diploma acreditativo, unha escultura e a súa obra será publicada por Editorial Galaxia, a partir do ano que vén.

Francisco Castro, director xeral da editorial aproveitou a súa intervención para agradecerlle ao Concello do Porriño “pola súa sensibilidade á hora de apoiar este premio. Hoxesunha das capitais culturais de Galicia no que atinxe ao mundo teatral e por suposto no que é o teatro orientado á mocidade, Porriño ocupa o posto máis elevado”, segundo valorou o director xeral de Editorial Galaxia. 

Lourdes Moure, concelleira de Educación que acolleu hai tres anos a proposta que lle trasladaron o Instituto Ribeira do Louro e a editorial, manifestou que “o Concello vai continuar realizando esta achega anual de 2.000 euros e ogallá sexa por moitos anos máis”. 

Pechou o acto a alcaldesa Eva García de la Torre, quen subliñou “o esforzo enorme” realizado polos gobernos municipais o que vencellou con iniciativas como o apoio do Concello a este premio. 

LIBROS DE TEXTO CENTRO

 

  • Listado de libros do centro (rectificada)

Gañadores do IX Concurso Nacional de Creación “Avelina Lamas”.

Os nosos parabéns a:

  • Daniel Jiménez Escudero: 1º PREMIO. CATEGORÍA DE PORTADA DE LIBRO
  • Andrea Lorenzo Urgal: 3º PREMIO. CATEGORÍA DE MARCAPÁXINAS

Información probas libres da ESO para maiores de 18 anos (SETEMBRO)

DÍA EXAME:  7 de SETEMBRO de 2020  (Luns)

HORARIO:

  • 9:00 h Chamanento
  • 09:30 a 12:00 Ámbito Científico-Tecnolóxico
  • 12:15 a 13:15 Ámbito Social
  • 16:00 a 19:00 Ámbito de Comunicación (CHAMAMENTO ÁS 15:30H.)

 

IMPORTANTE:

- O acceso ao centro será pola entrada do aparcamento onde se fará o chamamento.

- Atendendo as normas COVID-19:

  • O uso da máscara é obrigatorio e
  • O material (bolígrafos, cálculadora) non se poden compartir.

- Todo o alumnado deberá acudir con material de escritura e correctamente identificado mediante documento orixinal (D.N.I., Permiso de Conducir, Pasaporte, N.I.E, Permiso de Residencia...)

- Non se permite o uso de teléfono móbil en ningún caso, (nin como calculadora)

- O listado provisional de calificacións farase público no centro educativo a partir do 14 de setembro de 2020.

 

14/09/2020 PUBLICADA A LISTAXE  PROVISIONAL DAS CALIFICACIÓNS NO TABOLERO DO CENTRO

(Prazo de reclamacións: 5 días lectivos)

Proxecto: Todo resta, todo suma

#todorestatodosuma

Dende o centro imos iniciar un novo proxecto, “Todo resta, todo suma”, e gustaríanos que toda a comunidade educativa participase nel.

 

Durante os pasados meses, fíxose máis patente ca nunca a importancia da natureza e observamos como o ser humano, cada día, a maltrata. Durante este tempo, comprendemos a importancia de parar e darlle un respiro ao planeta.

 

Como centro comprometido co coidado e respecto cara o medio ambiente, queremos levar a cabo durante este verán un proxecto colaborativo para conseguir reducir a contaminación nos espazos naturais da nosa contorna.

 

Esta iniciativa consiste en que cada vez que vaiamos ao campo, á praia, ao monte, ao río ou a calquera outro espazo natural, traiamos, alomenos,  un residuo que atopemos. Para deixar constancia desa pequena acción podemos tirar unha foto co móbil e subila a nosa conta de Instagram personal co cancelo #todorestatodosuma, etiquetando, ademais, o noso centro iesribeiralouro.

 

Moitas grazas pola vosa colaboración.

 

Feliz verán.

INFORMACIÓN ÁS FAMILIAS

- ÚLTIMO DÍA PARA SOLICITAR AXUDAS PARA O FONDO DE LIBROS E MATERIAL ESCOLAR PARA O CURSO 2020/21: 19 DE XUÑO DE 2020.

- ENTREGA DO BOLETIN DE NOTAS: 25 DE XUÑO.

 

DATAS MATRICULACIÓN CURSO 2020/2021

DEVOLUCIÓN DOS LIBROS DO  "FONDO LIBROS 2019/20"

 

 

 

 

 

 

 

 

 

 

LEMBREN SEGUIR AS SEGUINTES INSTRUCCIÓNS:                  

 * É aconsellable que acuda unha soa persoa para realizar trámites administrativos no centro.

 * O uso da máscara hixiénica é obrigatorio.

 * No centro non se fan fotocopias. Toda aquela documentación que se teña que entregar na secretaría do centro teñen que traela fotocopiada, ademais se queren xustificante de entrega das solicitudes deberán traer a copia.

 * É aconsellable que os usuarios que acudan a secretaría a presentar documentación traian bolígrafo consigo para evitar posibles contaxios.

 * É aconsellable que todas as dúbidas que poidan ter as fagan previamente vía telemática ou telefónica.

PROBA LIBRE ESO 2020

Prazos matrícula: do 1 ao 8 de xullo de 2020

Exame: 7 de setembro de 2020

IMPORTANTE: No centro non se fan fotocopias. Deberán traer copia do dni para entregar xunto coa solicitude e orixinal e copia de toda aquela documentación que teñan que entregar para validacións. 

 

 

Distribuir contido