try another color:
try another fontsize: 60% 70% 80% 90%

O CENTRO INFORMA:

DEBIDO A PANDEMIA MOTIVADA POLO COVID-19 DENDE O CENTRO TÓMANSE AS SEGUINTES MEDIDAS POR MOTIVOS SANITARIOS:

  • É aconsellable que acuda unha soa persoa para realizar trámites administrativos no centro.
  • O uso da máscara hixiénica será obrigatoria cando non se poida asegurar unha distancia interpersoal de 2 metros.
  • No centro non se farán fotocopias, polo que toda aquela documentación que se teña que entregar na secretaría do centro teñen que traela fotocopiada, ademais se queren xustificante de entrega das solicitudes deberá traer a copia.
  • É aconsellable que os usuarios que acudan a secretaría a presentar documentación traian un bolígrafo consigo para evitar posibles contaxios entre os que o precisen utilizar
  • Ante posibles dúbidas para completar os apartados dos formularios ou outra documentación é aconsellable que o fagan previamente vía telemática ou telefónica para facilitar a entrega en secretaría no menor tempo posible.

 

Novo calendario de probas de acceso a ciclos medios e superiores de FP 2020

Publicase un novo calendario para as probas de acceso a ciclos medios e superiores.

CICLO MEDIO:

*Reclamación contra as listas provisionais: Fin o 28 de maio 2020

* Publicación Listas definitivas e lugares de realización da proba: 29 de maio de 2020

*Exame: 10 xuño

CICLO SUPERIOR:

*Exame: 11 xuño

Mais información en http://www.edu.xunta.gal/fp/probas

Formulario de prematrícula para o curso 2020-2021

A continuación preme no curso que corresponda e cumprimenta cos datos persoais e académicos do alumno/a e selecciona as materias optativas.

Data máxima para enviar o formulario o 25/05/2020.

No caso de dúbida en canto a elección da materia optativa podes consultar unhas reseñas sobre cada unha delas que están publicadas no seguinte enlace  

PREMATRÍCULA CURSO 2020/21 - ESO

1º ESO      2º ESO       3º ESO       4º ESO

 

PREMATRÍCULA CURSO 2020/21 - BACHARELATO

1º BCH              2º BCH

 

Se precisas mais información ou teis algunha dúbida contacta  no teléfono 986333956 ou por c.e ies.ribeira.louro@edu.xunta.es

Fondo solidario de libros de texto e axuda para material escolar para o curso 2020/2021

A partir do día de hoxe, 20 de maio e ata o vindeiro 19 de xuño, está aberto o prazo para solicitar fondo libros e axudas para material escolar para o alumnado da ESO. Nos seguintes documentos poden consultar diversa información sobre o proceso e os requisitos para a súa concesión. Tamén se adxunta modelo de solicitude no caso de presentanción manual da mesma.

Adaptacións das Programacións Didácticas Curso 2019/2020 (COVID19)

Publicación das adaptacións as programacións didácticas motivadas polo COVID19. Nos anexos publicanse as adaptacións por departamentos e materias e/ou ciclos según o caso.

CADERNOS DE TEATRO 2020

Velaquí os nosos Cadernos de Teatro, un agasallo do IES Ribeira do Louro para toda a comunidade educativa neste tempo de confinamento. Con el queremos celebrar o Día das Letras Galegas e os 10 anos de existencia da nosa Aula de Teatro. Trátase dunha revista exclusivamente teatral que inclúe todo o traballo en artes escénicas realizado polo alumnado do noso centro (preme na imaxe). Ogallá vos guste.

 

 



O ALUMNADO DO RIBEIRA DO LOURO ELABORA UN DIARIO COLECTIVO DO CONFINAMENTO ESCOLAR POLA COVID 19

O Texto poético titulado Da corentena á desescalada conmemora as Letras galegas dedicadas este ano a Carvalho Calero.

Na semana na que estariamos celebrando no instituto a Semana das Letras Galegas, o equipo de Normalización e Dinamización Lingüística convidou ao alumnado que se atopa telebraballando, a festexar a grande data da lingua galega coa realización dun diario colectivo realizado de xeito voluntario desde as súas casas.

O Proceso baseouse en  escribir dous enunciados, dous pensamentos, dúas frases, dous versos, dúas breves ideas sobre o significado, os sentimentos durante o confinamento forzoso pola pandemia da COVID 19. A segunda idea versaría acerca da súa visión e expectativas da chamada desescalada. Con todo o material recollido  compúxose un “texto poético ilustrado” que levou por nome  “Da corentena á desescalada. Diario dun confinamento escolar”

Carvallo Calero

Para homenaxear o autor Ricardo Carvalho Calero, alumn@s de 3º da ESO realizaron unha presentación biobibliográfica con carácter didáctico para toda a comunidade escolar.

 

Novos prazos do procedemento de admisión de alumnado para o vindeiro curso 2020_21

De conformidade co artigo 33 da Lei 39/2015, do 1 de outubro, do procedemento administrativo común das administracións públicas, os demais prazos do procedemento de admisión redúcense á metade. 

Sen prexuízo do anterior, establécense os seguintes novos prazos do proceso: 

  • Presentación da documentación acreditativa dos criterios de baremo:
    • ata o día 26 de maio de 2020.
  • Publicación das listaxes provisionais do alumnado admitido e non admitido:
    • antes do 9 de xuño de 2020.
  • Poderanse formular reclamacións contra as listaxes provisionais no prazo de 3 días hábiles contados desde o seguinte ao da súa publicación.
  • Publicación das listaxes definitivas do alumnado admitido e non admitido:
    • ata o 26 de xuño de 2020.
  • Formalización da matrícula ordinaria en educación secundaria obrigatoria e bacharelato:         
    • do 1 ao 10 xullo.
    • Prazo extraordinario: do 1 ao 10 de setembro de 2020.

 

Restablecemento do procedemento de admisión de alumnado para o curso 2020/2021

Restablecese o prazo para a presentación das solicitudes de admisión de alumnado para a ESO e  Bacharelato  a partir do vindeiro luns 11 de maio e rematará o 18 do mesmo mes.

O horario de atención ao público da secretaría do centro será de 09:30 a 13 horas.

Seguindo as recomendacións sanitarias a establecer nos centros educativos durante as xornadas presencias e nos procedementos de atención ao público, aconsellamos utilizar o teléfono e/ou correo electrónico para posibles consultas sobre o procedemento. Todo isto sen prexuízo da garantía a recepción de solicitudes ou atención ao público no horario establecido polo centro.

Para calquera dúbida poden contactar no 986 333 956 ou por correo electrónico no ies.ribeira.louro@edu.xunta.es, poñendo no asunto A/A Secretaría.

 

COMUNICADO DO IES RIBEIRA DO LOURO

Seguindo as instrucións do 27 de marzo de 2020 da Consellería  de Educación, o centro informa o seguinte:

  • A 2ª avaliación será o 1 de abril. Será avaliable todo o traballo realizado ata a data de declaración do estado de alarma.
  • Na avaliación parcial de 2º curso dos ciclos formativos de grao medio e grao superior tomarase a decisión de acceso a FCT  e proxecto (Grao superior).
  • O boletín de notas da 2ª avaliación comunicarase o día 3 de abril ás 12:00 h. por AbalarMóbil.

 

Seguiremos informando a medida que recibamos indicacións das autoridades competentes.

Desexamos que esta situación remate o antes posible.

Moito ánimo para tod@s!

O equipo directivo

Distribuir contido