EXPOSICIÓN DE TRABALLOS INSPIRADOS NA OBRA DE LOUISE BOURGEOIS

Dentro do proxecto "Mulleres na sombra", o alumnado de Artes Plásticas realizou uns traballos tomando como modelo a obra da artista Louise Bourgeois e reciclando lámpadas usadas. Ditos traballos atópanse expostos no vestíbulo do centro.

En Lugo con María Solar

O 22.01.2020 o alumnado de 3º acudiu a Lugo para asistir a unha xuntanza coa escritora María Solar, tras a lectura da súa interesante novela Os nenos da varíola.

 

A autora describiunos o seu roteiro vital, inzado de aprendizaxes diversas e de experiencias que lle foron saíndo ao paso, oportunidades que non desaproveitou e das que botou man para crecer como escritora. María, bióloga; María, xornalista; María, actriz de dobraxe; María, mestra; María, presentadora de televisión; María, locutora de radio; María, coordinadora de programas culturais… todo serve na vida e todo obedece a unha inquedanza: a curiosidade incansábel de quen quere aprender.

 

Os nenos da varíola ten a súa orixe nun afán de rescate: a memoria de Isabel Zendal e, sobre todo, dos meniños expósitos que levaron a vacina ao Novo Mundo para salvar vidas. O libro é unha homenaxe á ciencia e ás persoas que abren camiños para unha sociedade mellor, fronte á intolerancia de quen se aferra á ignornacia; un intento por resarcir do esquecemento aquelas persoas das que ela non soubo nada durante os seus estudos de Bioloxía, malia seren persoas galegas e pese á proximidade dos lugares nos que viviron: o Hospital Real, na actualidade hotel de cinco estrelas para xente podente, que aínda hoxe conserva a portiña pola que aqueles cativos de antano entraban a través dun torno.

María Solar, todo corazón

CHARLAS DO PLAN DIRECTOR

O martes 4 de febreiro o alumnado de 1º e 2º ESO participou nunhas charlas do Plan Director orientadas a mellorar a convivencia no centro. Ditas charlas foron organizadas polo Departamento de Orientación e trataron sobre a prevención do acoso escolar e sobre o uso correcto das novas tecnoloxías.

EXPOSICIÓN DE POSTAIS DE NADAL 2019

No recibidor do instituto están expostas as postais de Nadal realizadas polo alumnado para participar no concurso convocado polo Equipo de Dinamización Lingüística.

EXPOSICIÓN DE TRABALLOS SOBRE SONIA DELAUNAY

Desde o día 8 de xaneiro pódese ver na entrada do instituto unha exposición de traballos realizados polo alumnado de plástica sobre a artista Sonia Delaunay. Dita exposición está incluída no proxecto interdisciplinar "Mulleres na sombra".

ACTIVIDADES DE NADAL 2020

O venres 20 de decembro desenvolvéronse diferentes actividades como antesala das vacacións de Nadal.

Contamos coa actuación de Mircromina títeres, patrocinada pola ANPA do instituto, á que asistíu o alumnado da ESO.

A continuación disfrutamos dunha actuación musical organizada polo departamento de Música.

PREMIOS DO CONCURSO DE RELATOS E POSTAIS DE NADAL.

Entregáronse os premios do concurso de relatos e postais de Nadal, convocado polo Equipo de Dinamización Lingüística e a Biblioteca.

 

O primeiro premio do concurso de relatos foi para Sandra Mariño Mourelle, co texto titulado Lembranzas do Nadal.

O segundo premio gañouno Aroa González Vázquez co relato Rescatamos o Nadal.

 

En canto ás postais, o 1º premio foi para Iria Leiro Guerra, mentres que o 2º gañouno Álvaro Fernández Fernández.



 

PREMIOS DO CONCURSO DE RELATOS DE TERROR. SAMAÍN.

O pasado 20 de decembro entregáronse os premios aos gañadores do concurso de relatos de terror, convocado para celebrar o Samaín.

O primeiro premio foi para Jorge Lobato Vázquez, co relato titulado O ciberasasino.

O segundo premio gañouno Ánxela Fernández Otero, con A imaxinación dunha humana.

Finalmente, o terceiro premio entregóuselle a María Suárez Fontao, con Lucía, a vella muller.

VISITA Á POTABILIZADORA E DEPURADORA DO CONCELLO

O pasado xoves 5 de decembro de 2019 o alumnado de 1º da ESO do IES de Monterroso visitou a potabilizadora e depuradora do concello.

     

 

VÍDEO DE PRESENTACIÓN DO CENTRO. PROXECTO ETWINNING.

A continuación podedes ver o vídeo seleccionado entre varios realizados por alumnos de 1º de Ciclo Medio e 1º de FP Básica para a presentación do noso centro no proxecto eTwinning no que están a participar

“Letras Galegas 2020. Ricardo Carvalho Calero” nos módulos de "Aplicacións Ofimáticas" e "Ofimática e Arquivamento de documentos" ao longo deste curso.

 

O vídeo foi realizado por Georgi, alumno de 1º de Ciclo Medio de Sistemas Microinformáticos e Redes.

 

Distribuir contido