Durante as últimas semanas, alumnos do Ciclo Medio de Sistemas Microinformáticos e Redes desenvolveron unha máquina recreativa arcade para que todos os membros do instituto poidan xogar durante os recreos a algúns dos videoxogos máis populares e tradicionais das máquinas recreativas.

Os alumnos desenvolveron a máquina desde cero, empregando compoñentes de ordenadores do noso taller. Aplicaron os coñecementos adquiridos nos diferentes módulos do ciclo para montar os compoñentes, instalar o software necesario e deseñar a apariencia da máquina. Tamén aprenderon a conectar a máquina por rede para poder controlala de forma remota.

Os alumnos de 2° ESO A e B crearon dúas adaptacións teatrais da súa lectura obligatoria do trimestre pasado da materia de Lingua Castelá e Literatura. A obra é chamada "Las piernas de Amaidú" e fíxose a partir de grupos de traballo (Dramaturgos-Actores, Decorados, Vestuario e Utilería) no que participaron TODOS os alumnos nesta obra de teatro interdisciplinar coa axuda de David Fernández Pérez e Marta Ramos Ansedes, profesores de Castelán e Oratoria, respectivamente.

Chegou o Entroido e os rapaces de 1º da ESO puxéronse a buscar información sobre o Entroido na zona e en Galicia e os moi larpeiros preguntaron nas súas casas por receitas típicas desta época do ano. Ademais, como contamos con alumnado procedente doutros países, tamén soubemos como se celebra o Entroido en Brasil, Colombia, Perú... e cales son os pratos típicos desta época.

Unha vez rematados os traballos expuxéronos no Recuncho das Verbas.

Solicitude de reserva para o curso 2024/2025 (ESO e BAC)

1ª FASE: Solicitude de reserva de praza para alumnado procedente dos centros adscritos

Solicitude de reserva para ao alumnado procedente dos centros CEIP Plurilingüe de Monterroso e CEIP Plurilingüe de Antas de Ulla.

Prazo: do 15 de xaneiro ao 5 de febreiro do 2024, ambos os dous incluídos.

Realízase no centro de orixe utilizando o Anexo I e o Anexo I-bis (modelo ED550A).

2ª FASE: Solicitude ordinaria de admisión para alumnado de centros non adscritos

Prazo: do 1 ao 20 de marzo de 2024

Pódense consultar as instrucións completas para a realización de solicitudes no seguinte documento adxunto:

O alumnado do IES de Monterroso quixo felicitarnos o Nadal cunhas preciosas postais que presentou ao concurso convocado polo EDLG. O xurado tivo moi difícil a escolla dada a calidade dos traballos. Estas postais expuxéronse no taboleiro da entrada do IES.

As gañadoras foron:

1º PREMIO - Thais Otero Veiga (2º ESO A)

2º PREMIO - Claudia García Prado (2º ESO B)

A nosa alumna Shaila Castrelo Vázquez foi recentemente galardoada co premio extraordinario de ESO do curso 2022/2023.

A Xunta recoñeceu o gran rendemento, esforzo e dedicación de Shaila durante esta etapa, distinguíndoa como unha das vinte mellores alumnas de Galicia.

Moitos parabéns!

Esta noticia foi compartida por medios de comunicación como Ecos da Comarca ou El Progreso.

Chegou o outono e con el o Samaín e os nosos trasniños puxéronse a escribir uns preciosos relatos de terror que presentaron ao Concurso de Relatos convocado polo EDLG do IES de Monterroso.

O xurado, que o tivo moi difícil dado a cantidade e a calidade dos traballos, ACORDOU por maioría emitir o seguinte fallo:

1º PREMIO - Iria Vázquez López (4º ESO A)

2º PREMIO - Sara Vázquez Rodríguez (1º ESO A) e Saúl Cid Seijas (4º ESO A)