No IES García Barbón ofertase o curso de Formación Profesional Mantemento dos Sistemas eléctricos e electrónicos de vehículos que se impartirá no centro en horario de tarde do 27 de febreiro ao 28 de xullo. Se estás interesado podes poñerte en contacto co centro.

2.400 bolsas para participar nun programa de inmersión lingüística en inglés en España

Bolsas para participar nun programa intensivo de inmersión lingüística en inglés en España, destinadas a estudantes de Bacharelato, de Grao Medio de Formación Profesional, de Artes Plásticas e Deseño, de Ensinos Deportivos, de Ensinos Profesionais de Música e Danza e de Idiomas de Nivel Intermedio e Avanzado, durante o mes de xullo de 2023.

A QUEN VAI DIRIXIDO:

Para público en xeral

INSCRICIÓNS:

Dende o 01/02/2023 ata o 03/04/2023

DURACIÓN:

1 semana no mes de xullo de 2023.

PREZO:

O alumnado participante abonará 100 euros á empresa que resulte adxudicataria do contrato.

REQUISITOS:

• Nacer entre o 1 de xaneiro de 2003 e o 31 de decembro de 2006
• Estar matriculado no curso 2022-2023 en calquera curso dalgún dos seguintes estudos:
• Bacharelato
• Ensinos profesionais de música e danza
• Grao medio de Formación Profesional
• Grao medio de artes plásticas e deseño
• Grao medio de ensinos deportivos
• Ensinos de idiomas de nivel intermedio ou avanzado
• Obter no curso 2022-2023 a condición de bolseiro do Ministerio de Educación e Formación Profesional (conforme á Resolución 10 de marzo de 2022, da Secretaría de Estado de Educación, pola que se convocan bolsas de carácter xeral, para o curso académico 2022-2023, para estudantes que cursen estudos postobligatorios).
• Ter aprobadas todas as materias do curso 2021-2022, a data de finalización do curso, cunha nota final mínima de 9 puntos na materia de inglés. No caso de solicitantes que estean matriculados en ensinos bilingües, pero non cursasen a materia de inglés como materia individualizada o curso anterior, terase en conta a cualificación obtida na materia de inglés de cuarto curso de Educación Secundaria Obrigatoria.
• Estar situado nun lugar da orde de prelación de solicitudes que lle permita a obtención dunha das bolsas convocadas.
• As persoas interesadas deberán cumprimentar a solicitude mediante o formulario accesible a través da sede electrónica do Ministerio de Educación e Formación Profesional.

REMUNERACIÓN / CUSTO:

A adxudicación da bolsa dará lugar á asignación dunha praza para participar na actividade. O traslado desde o domicilio ao centro de destino e viceversa será por conta da persoa participante.

PÁXINA WEB:

www.educacionyfp.gob.es

Fonte da información:

https://www.coruna.gal/informacionxuvenil/gl/convocatorias/bolsas-e-axudas/detalle-bolsas/2-400-bolsas-para-participar-nun-programa-de-inmersion-linguistica-en-ingles-en-espana/suceso/1453828422039

O vindeiro luns día 23 comezará a entrega de leite para o alumnado no hall do centro durante os recreos dentro do "Programa escolar de consumo de froita e leite" coa axuda económica da Unión Europea.

Probas de acceso a ciclos formativos de grao medio e superior 2023

Prazos de inscrición:

• Probas de acceso a ciclos formativos de grao medio: O prazo de inscrición estará abranguido entre os días 27 de febreiro e 10 de marzo de 2023, ambos os dous incluídos.
• Probas de acceso a ciclos formativos de grao superior: O prazo de inscrición estará abranguido entre os días 23 de xaneiro e 3 de febreiro de 2023, ambos os dous incluídos.

Máis información:

• Probas de acceso a ciclos formativos de grao medio
• Probas de acceso a ciclos formativos de grao superior

Infografía detallada sobre as probas de acceso a ciclos de grao medio

Infografía detallada sobre as probas de acceso a ciclos de grao superior

Desexámosvos un Bo Nadal e un Feliz Aninovo!!!!

Felicitámosvos coa postal gañadora do concurso deste ano feita por Cristina Martínez de 2º de Bacharelato.

"Honrarei o Nadal no meu corazón e procurarei conservalo durante todo o ano", Charles Dickens.

Lembrade que este luns día 5 teremos unha sesión do club de lectura na biblioteca do centro ás 15:15 e outra ás 16h.

Non esquezades que o día 12 de decembro hai unha sesión especial, que inclúe pinchos para os membros do club de lectura e unha charla moi interesante sobre manga impartida por Gabriel Álvarez. Ese día os pinchos comezarán ás 14:30 no patio cuberto do centro.

O día 22 de decembro o Apalpador visitará o noso centro cun saco cheo de agasallos. Se queres recibir o teu, participa no amigo invisible do centro. É moi sinxelo:

-Merca un regalo que sexa como moito de tres euros.

-Envólveo e déixao na biblioteca ou en vicedirección. Alí daranche un papel no que se indica que entregaches un regalo. Non o perdas!

-O día 22 preséntalle ese papel ao Apalpador e recibe o teu agasallo.

Anímate e participa!!!!

Anímate a participar no concurso de postais de Nadal organizado polo EDLG e a bliblioteca do centro. Tes que facer un deseño orixinal (un debuxo ou unha foto) e escribit unha felicitación.

Manda a túa proposta antes do 17 de decembro ao correo biblioteca.barbon.verin@gmail.com.

A postal gañadora servirá para desexar felices festas a toda a comunidade educatica dende as redes sociais do centro.

Recordatorio paras as familias e alumnado do IES GARCÍA BARBÓN.

As notas da primeira avaliación están publicadas no espazo ABALAR.

É necesario ter descargada a aplicación ABALAR para poder ter acceso a dita información.

Na presentación do curso 22/23 xa se comentou a importancia de ter activa a mesma, xa que a través de dita aplicación tanto alumnos maiores de idade, como pais, nais ou titores legais tedes acceso a toda a información do alumno/a: notas, faltas de asistencia, partes de comportamento...

Tamén tedes acceso a todos os avisos que o centro educativo comunica: saídas educativas, actividades complementarias, folgas do alumnado..

Ó longo da semana o alumnado de 2º CS e CM dos diferentes ciclos tamén poderá consultar os seus boletíns.