Saltar navegación.
Inicio

Lingua Galega e Literatura

INFORMACIÓN DO DEPARTAMENTO

PROFESORADO:

 Beatriz Fernández Argibay - XEFA DPTO - DIN. BIBLIO - NORMALIZACIÓN

Chega o Magosto O García Barbón!!!

MURAIS DE OUTONO 

Durante este de mes de novembro desenvolvéronse no IES García Barbón diversas actividades relacionadas coa estación outonal. Unha das máis creativas resultou ser a elaboración de varios decorados que ambientaron os corredores do centro cun remuíño de sensacións visuais cargadas de ocres, amarelos, verdes e vermellos saídos das platinas dos alumnos de FP Básica de Automoción e deAdministrativo que da man das súas profesoras Marta, Ana e Carme xunto co EDL puxeron as notas de cor.

Pódese aprender máis sobre a estación do outono: https://gl.wikipedia.org/wiki/Outono

 

SENSACIÓNS DE OUTONO. MAGOSTÍZATE

O Magosto é unha festa tradicional galega en que o lume e as castañas xogan un papel fundamental.Un ano máis o EDL celebramos o Magosto con produtos típicos da nosa zona e este ano quixemos abrir o abano ós doces elaborados con fariña de castaña así que alumnos e profesorado participamos nunha degustación de galletas, bica, tortas, pudin etc. Todo o repertorio tivo como ingrediente base a raíña do outono, a castaña e ao mesmo tempo demos a coñecer empresas que están a comercializar este tipo de produtos e que teñen máis proxección fóra ca dentro das nosas fronteiras así que dende aquí animámosvos a que investiguedes e consumades este tipo de delicias elaboradas en Galicia.

Para saber máis sobre o magosto: https://gl.wikipedia.org/wiki/Magosto

 

 

Despezando coches… en galego!

Os alumnos de 1º C.M. de Electromecánica de vehículosautomóbiles realizaron un inventario en lingua galega das distintas pezas dun coche. Esta é unha primeira versión, cuxo deseño será perfeccionado, dun material que consideramos moi útil para estender o emprego da lingua galega no eido dos establecementos relacionados coa automoción.

Pódense consultar premendo aquí.

Os nosos materiais… en galego!

No ciclo medio de Mantemento Electromecánico estamos realizando un pequeno glosario co nome en galego dos materiais que empregamos a diario nos nosos talleres. O obxectivo que queremos acadar é que este glosario chegue aos talleres da comarca e que podan facer uso del.

Pódese consultar premendo aquí.

Un modelo de esquela… en galego!

O modelo de esquela pódese consultar premendo aquí.

Documentación administrativa… en galego!

Os alumnos de Ciclo medio de Xestión Administrativa realizaron estes modelos de documentación administrativa, dispoñibles para descarga premendo aquí.

A visita de Iván Olmos Ferreiro

Os alumnos e alumnas do IES García Barbón recibiron a visita de Iván Olmos Ferreiro, subcampión mundial de discursos e segundo mellor orador do mundo en español, quen lles impartiu varios talleres de oratoria e retórica para melloraren a súa habilidade para falar en público. Realizáronse un total de 5 talleres: dous para as aulas de 1º de Bacharelato e outros 3 para os alumnos dos ciclos medio e superior de FP en Administración e Finanzas.

Nos talleres, os rapaces puideron adquirir coñecementos sobre as diferentes ferramentas que podemos empregar para aumentar a nosa capacidade de persuasión cando falamos en público, así como estudar as distintas canles de comunicación non verbal existentes e iniciarse no mundo da argumentación e da lóxica para construír argumentos de forma coherente e eficaz. Todos eles realizaron diferentes dinámicas prácticas, adaptadas a cadanseu nivel, para poñer en práctica os coñecementos adquiridos durante o taller.

As chamadas habilidades brandas e, entre elas, a oratoria teñen enorme importancia para fortalecer o desenvolvemento académico e profesional das persoas. É por isto que IES García Barbón levou a práctica destas habilidades e a adquisición de conceptos teóricos sobre a mesma a este rapaces de Verín, para que poidan aplicalas na súa vida cotiá e laboral.

Iván Olmos Ferreiro é un limián de 23 anos con varios anos de experiencia como formador en técnicas profesionais de oratoria, debate e negociación. Graduado en Comunicación Audiovisual e con mestrado en Adminsitración e Dirección de Empresas, traballa como formador e consultor para diversas empresas e institucións.

 

Exposición da Semana das Letras Galegas no IES García Barbón

Na semana grande das nosas letras ven visitar a exposición de Carlos Casares que está exposta no primeiro andar do centro! Non faltes! Feliz semana das Letras Galegas!

Charla de Diego Ameixeiras

Organizado pola Biblioteca e os Clubes de Lectura, o pasado día 28 de abril tivo lugar unha charla de Diego Ameixeira. Este escritor falou das súas vivencias, da súa obra e de moitas máis cousas con alumnos de  da FP Básica de Servizos Adiministrativos e do Grao Medio de Mantemento de Vehículos, de de Bacharelato B e de TCAE. Un bo preludio do vindeiro Día das Letras Galegas!

Distribuir contido