Saltar navegación.
Inicio

Taboleiro de Anuncios, Xunta de Delegados, Exames, Bolsas, Ofertas de Emprego

BLOG DO I.E.S. GARCÍA BARBÓN

Dispomos dun taboleiro de anuncios virtual que ten formato de BLOG.

Un blog para dar conta das novidades de interese para o conxunto da comunidade educativa do IES García Barbón.

http://garciabarbonverin.blogspot.com.es

VISITA E OPINA!

Aliméntate ben

Dentro do Plan Proxecta "Aliméntate ben" que coordina a profesora Cristina Gómez, tiveron lugar varios Talleres do Programa Cores da Escola Galega de Consumo o día 30 de novembro pola mañá: un sobre "Publicidade" para o alumnado de Bacharelato e outro sobre "Alimentación e etiquetado" para o alumnado de Formación Profesional Básica de Automoción.
Parabéns para o alumnado polo seu interes e participación!
Grazas tamén para María -da Escola Galega de Consumo- polas súas aportacións.

Día internacional contra a violencia de xénero

Con motivo da celebración do día internacional contra a violencia de xénero os alumnos da asignatura de TICs realizaron unha actividade conmemorativa pegando carteis recordando ás 44 vítimas mortais que este año 2017 levamos ás nosas costas.

A visita de Iván Olmos Ferreiro

Os alumnos e alumnas do IES García Barbón recibiron a visita de Iván Olmos Ferreiro, subcampión mundial de discursos e segundo mellor orador do mundo en español, quen lles impartiu varios talleres de oratoria e retórica para melloraren a súa habilidade para falar en público. Realizáronse un total de 5 talleres: dous para as aulas de 1º de Bacharelato e outros 3 para os alumnos dos ciclos medio e superior de FP en Administración e Finanzas.

Nos talleres, os rapaces puideron adquirir coñecementos sobre as diferentes ferramentas que podemos empregar para aumentar a nosa capacidade de persuasión cando falamos en público, así como estudar as distintas canles de comunicación non verbal existentes e iniciarse no mundo da argumentación e da lóxica para construír argumentos de forma coherente e eficaz. Todos eles realizaron diferentes dinámicas prácticas, adaptadas a cadanseu nivel, para poñer en práctica os coñecementos adquiridos durante o taller.

As chamadas habilidades brandas e, entre elas, a oratoria teñen enorme importancia para fortalecer o desenvolvemento académico e profesional das persoas. É por isto que IES García Barbón levou a práctica destas habilidades e a adquisición de conceptos teóricos sobre a mesma a este rapaces de Verín, para que poidan aplicalas na súa vida cotiá e laboral.

Iván Olmos Ferreiro é un limián de 23 anos con varios anos de experiencia como formador en técnicas profesionais de oratoria, debate e negociación. Graduado en Comunicación Audiovisual e con mestrado en Adminsitración e Dirección de Empresas, traballa como formador e consultor para diversas empresas e institucións.

 

Distribuir contido