1º PRIMARIA

Outro Misterio No Cole de Cea

Os misterios non paran no noso cole!

Se o pasaches ben con #MisterioNoColedeCea prepárate a vivir unha nova e emocionante aventura con #OutroMisterioNoColedeCea.
Leva a #Xiana a coñecer á #RataRita e axúdalle a atopar a saída do cole.

Lembra que o xogo está nun arquivo "exe" e é posible que o teu antivirus ou o teu sistema operativo dean algún aviso, pero trátase dun arquivo totalmente confiable.
#xogos #games #misterio #coledecea

DESCARGA

Misterio no Cole de Cea - O noso primeiro videoxogo

ATENCIÓN ATENCIÓN!! XA TEMOS XOGO DO Cole de Cea

Temos a honra de vos anunciar que o cole de Cea estrea o seu primeiro videoxogo!
#MisterionoColedeCea

Xa podes descargalo e xogar no teu PC.

Tan só clica na seguinte ligazón e descarga o arquivo executable. DESCARGA

Ignora as advertencias que fai google, o arquivo é totalmente confiable.

 Descomprímeo nunha carpeta e.. a xogar!

CONCERTO "DE AQUÍ PARA ALÁ!

Este venres, 24 de outubro, os nenos e as nenas de Infantil, 1º e 2º de Primaria acudirán ao auditorio de o Carballiño para disfrutar do concerto

"De aquí para alá"

 

A través da música de Lydia Botana e o seu grupo viaxaremos pola historia dunha Bolboreta que remata a súa metamorfose co son dos instrumentos musicais. Embarcaremos nunha viaxe arredor do mundo aprendendo gracias ás imaxes e a actuación dos músicos que veremos, escoitando e cantando as músicas de cada lugar facendo partícipe ó público na procura de novos sons.

Pasaremos por países coma Brasil, Cuba, Xamaica, os Balcáns, Estados Unidos,… rematando na nosa terra máxica: Galicia!

LIBROS DE TEXTOS 2014/2015. CAMBIO DE ISBN DO LIBRO DE PLÁSTICA DE 1º DE PRIMARIA

HOUBO UNHA ERRATA, POR CAUSAS ALLEAS AO CENTRO, NO ISBN DO LIBRO DE TEXTO DE PLÁSTICA DE 1º DE PRIMARIA. O ISBN CORRECTO É O SEGUINTE

 

978-84-8793-751-4

PERDOEN AS MOLESTIAS

Concurso Literario - Unha experiencia de aprendizaxe na aula de mates

Voltamos do Entroido e continúan as nosas experiencias de aprendizaxe nas aulas. Como sabedes, un dos proxectos deste curso chámase Applícate o conto. Con el queremos crear unha aplicación de contos infantís para teléfonos móbiles android e iphone. Creamos os personaxes, inventamos historias, escribímolas, corrixímolas e sometémolas ao xuízo do público: os propios nenos e nenas. Así comprobamos cal das historias lles resulta máis interesante ou graciosa. Para isto desenvolvemos unha actividade na aula de matemáticas que consiste en escoitar e valorar os contos outorgándolle de 1 a 8 puntos. A mecánica é tan sinxela coma a dos concursos da tele, tan de moda nesta época. Ao rematar lemos en voz alta os puntos e imos anotándoos na libreta. Usando a calculadora realizamos a suma e comparamos os resultados entre sí para ordenalos de maior a menor. Así creamos un ranking cos contos máis interesantes. Polo camiño descubrimos que é importante facer os números cunha forma bonita para que se poidan entender. Tamén que temos que ser limpos e ordenados na libreta para que os datos non se trabuquen. Que non importa se dicimos os números desordenados cando sumamos, xa que a suma ten propiedade conmutativa. Que a calculadora é unha ferramenta útil cando temos que realizar moitas sumas seguidas.

E de paso aprendemos que os gustos son unha cuestión persoal. Que cando valoramos non debemos deixarnos influir pola opinión dos outros xa que todas son respectables.

Meu amor estoupa!

A nena e o Grilo nun Barquiño é un conto musical tan bonito que non lle gusta só aos pequenos. Os profes tamén imos cantando no autobús as cancións! Tivemos a oportunidade de que o noso amigo Magín Blanco nos convidase a subir con el ao escenario para acompañalo na derradeira canción do concerto. Como uns auténticos músicos encamiñámonos cara a escea e comezamos cantar o "Meu amooor estoupa, pooor deeentro da roupa..." E foivos unha experiencia ben linda, porque logo viñamos moi contentos de volta. Para inmortalizar este momento fixemos un vídeo. Así podemos lembralo para sempre e tamén que as mamás e o papás o poidan ver na casa.

 

Unha clase diferente

Traballando as Competencias Básicas na aula. O alumnado toma o protagonismo e "Xogan a ser mestres". Nun tempo dado e en equipos de dous teñen que inventar unha historia onde haxa unha operación de matemáticas. Despois saen a explicala usando castañas e números magnéticos. Cando remata cada grupo avaliamos entre todos que foi o que máis nos gustou e o que cremos que poden mellorar.

Rapeando a táboa do 6

Quen dixo que aprender as táboas era aburrido? Aquí tedes o noso rap da táboa do 6. Podedes cantalo na casa, descargalo e levalo no móbil ou no mp3. Incluso ir no coche aprendéndoa.

Conto Contigo

 

Trátase dun proxecto piloto para o curso 2012-2013 proposto polo seminario “As compentencias básicas como eixo vertebrador do proceso comunicativo”.
Os alumnos de educación secundaria, preferentemente de 2º ESO de forma voluntaria farán unha lectura dramatizada de contos aos alumnos de infantil e primaria.
Durante 15-20 minutos lerán contos en galego e castelán. A actividade levarase a cabo os mércores, xoves ou venres de 16:00 a 16-30 horas, durante o recreo de mediodía dos alumnos de secundaria e coincidindo coa hora de ler dos de infantil e primaria unha vez ao mes, coincidindo con algunha celebración escolar.
O calendario é o seguinte: 
Xoves 14 febreiro San Valentín    Conto contigo para o amor Literatura de temática amorosa
(cartas, poemas, contos...)
Venres 8 de marzo Día da muller Conto contigo para a igualdade Contos para a igualdade
Mércores 24 de abril Semana do día do libro Conto contigo para ler Clásicos universais
Xoves 16 de maio Día das letras galegas     O galego conta contigo    Clásicos galegos
5 de xuño Día do medio ambiente O planeta conta contigo Contos de temática ambiental

Distribuir contido