Ciencias da Natureza

A arte da natureza... ten premio

Lembrades o noso proxecto  do curso pasado A arte da natureza? Pois acabamos de recibir a noticia de que foi premiado pola Xunta de Galicia!

Aquí tedes unha crónica elaborada polo propio alumnado participante no proxecto.

Hai tres anos o alumnado que se atopaba cursando en 1º e 2º de ESO, algúns deles agora en 3º e 4º, realizaron un traballo no que combinaron diversas asignaturas á vez. Este consistía en facer un cartel cunha árbore indicando as súas características, o seu nome en varias linguas, un cadro no que sexa o centro da atención e un poema sobre el. Esta actividade logrou combinar as materias de ciencias da natureza, inglés, francés, lingua galegá e castelá, incluso plástica.

Este ano recibimos a noticia de que gañaramos un premio grazas a este traballo nun concurso relacionado con actividades que se realizan en bibliotecas. O premio consiste en 1500€ que serán destinados á biblioteca do centro. O noso foi o único en recibir algún premio de toda a provincia de Ourense.
 
PD: os rapaces de 4º poderiamos recibir unha parte do premio por colaborar na actividade e así ter unha axudiña para a excursión de fin de curso a Londres.

Artigo colectivo de 4º de ESO

VISITA DO CPI DE ARES A CEA

Os días 6 e 7 de Febreiro, os nosos alumnos de 4º da ESO recibiron a visita dos alumnos do mesmo curso do CPI de ARES. O motivo desta visita era realizar unha tarefa conxunta baseada na aplicación da Bioloxía (xenética, ecoloxía, biotecnoloxía...) ó mundo empresarial, contando cos produtos da terra, neste caso do viño. 

 A idea xurde porque en moitas ocasións, os nosos alumnos consideran a Bioloxía unha material totalmente teórica, e que soamente ten aplicación na área de mediciña. Nos pretendemos demostrarlle que o campo da Bioloxía é moi amplo e que podemos empregalo no ámbito empresarial. 

 Decidimos que para demostrarlle que eso era posible, íamos a estudar o cultivo do viño e como este cultivo influiu no desenvolvemento dunha comarca como é a zona de Oseira, San Clodio e o Ribeiro. 

 

Comenzamos coa visita a Oseira, que era obrigada, porque foi aí o lugar onde se fomentou o cultivo da viño que posteriormente se extendería ao resto da comarca.

 Despois visitamos a Estación Vinícola e Enolóxica de Galicia (EVEGA), que naceu para fomentar o desenvolvemento do sector vinícola da nosa comunidade. Neste centro estanse realizando análises dos diferentes viños, así como as súas propiedades, e tamén posuen un banco de xenético de vides de Galicia.

 Por último, visitamos a Adega de Coto de Gomariz que fabrica viños procedentes da selección das 27 hectráreas que posee a adega no Val do Avia na D.O. Ribeiro. Nos últimos 5 años, a adega foi premiada pola Asociación de Sumelieres de Galicia, Gallaecia. Todo isto, permitiulle elaborar dende viños brancos anuais, ata viños tintos de alta expresión e longas crianzas en barrica de carballo, pasando por brancos fermentados e criados tamén barrica. 

 Con esta visita, pretendemos demostrarlles aos alumnos, que se pode ser emprendedores con produtos da terra, fomentando o desenvolvemto da zona, así como que vexan a aplicación da biotecnoloxía aos recursos naturais.

Courel

Como remate de fin de curso, despois dun ano moi longo, os alumnos de 3º e 4º  da ESO visitaron a Serra do Courel xunto coas profes de Ciencias: Maite e Conchi. Marchamos o xoves pola tarde, e chegamos ao Courel ainda de día, polo que poidemos instalarnos no albergue e coñecer o pobo da Seara, un dos pobos máis emblemáticos da zona. Ao día seguinte iniciamos a ruta subindo ata a o pico máis alto da serra, e dende alí iniciamos o descenso pola devesa da Rogueira, un dos bosques atlánticos mellor conservados de Europa. Foron dous días marabillosos, e as profes queremos felicitar aos nosos alumnos polo seu comportamento, actitude e capacidade de axudarse uns a outros para conseguir facer a ruta. Sorte a todos!!

 

Verde e con historia

Coa chegada da primavera, o equipo de actividades extraescolares decidiu facer unha exposición de fotos de árbores e flores propias desta época do ano aportadas polos alumnos. A participación foi moi alta, e os resultados, nalgúns casos, espectaculares. As fotografías están expostas no edificio de primaria, ata o final do curso.

Cien-Cea

CIEN-CEA

Aquí tedes o blog de aula de Bioloxía e Ciencias Naturais onde o alumnado de ESO e a profesora Conchi publican os seus artigos. Atoparedes todo tipo de información sobre traballos escolares e contidos que amplían información sobre o traballado na aula.

Galiciencia en marcha

Informan en vivo da primeira xornada da Galiciencia 2012. Un ano máis o noso centro volve estar presente con 3 proxectos. Un pouco máis abaixo tedes unha boa explicación deles. Segundo nos contan os de fórmula 1 non paran de recibir visitas, o do pan está todo o mundo encantado do ben que explican e o da alimentación está moi traballado e as defensoras do proxecto reciben moitos eloxios porque saben moito do tema. E é que os nosos nenos están preparados para enfrontarse á vida real e defender calquer proxecto dun xeito competente. Xa pasaron varios xuíces polos stands e parece que lles gustaron. Tamén lles entrevistou a tele. Aquí tedes un collage con imaxes de hoxe mesmo.

Galiciencia 2012

Galiciencia 2012. Alá imos! Estes son os nosos proxectos para esta edición da feira tecnolóxico educativa que se celebra na Tecnópole ourensá:

ONDE O PAN É ARTE Autoras: BEATRIZ BLANCO POUSADA e SANDRA PEREZ VILAS

 Imos a  investigar a historia e a repercusión que ten tanto a nivel familiar, económico, industrial, así como alimenticio, a fabricación  dun alimento tan importante como é o pan, pero centrado no pan da nosa localidade que é Cea. Fixemos este traballo porque é un producto da nosa terra e querémolo dar a coñecer e que a xente saiba verdadeiramente como se elabora e cal é o resultado tan satisfactorio deste proceso artesanal, que se pode apreciar cando se ten unha peza nas túas mans. Tamén queremos coñecer a historia do pan, e a importancia económica e social que supuxo para a comarca de Cea.

 SOMOS O QUE COMEMOS...  SABEMOS O QUE COMEMOS? Autoras: ANTÍA NOGUEIRA BLANCO e ALBA NÓVOA GIL

Aos nosos oídos chegou unha información negativa sobre os aceites vexetais, sobre todo o de coco e palma, o que nos fixo investigar sobre eles para saber se isto era verdade ou mentira. Para a nosa sorpresa tomámolos con moita asiduidade, non son bos para nós e nalgúns alimentos non se reflexa claramente a súa procedencia, senón que aparece nas etiquetas dos productos como aceite vexetal, sen especificar a súa procedencia. Se o aceite de palma e coco é malo para a nosa saúde  tamén o é para o noso planeta, xa que cada ano son millóns de hectáreas as que se están destruíndo pola gran demanda destes aceites. Indonesia é unha das zonas que se está quedando sen selva tropical pero en cambio teñen beneficios as grandes multinacionais  que intentan frear toda información negativa que se diga referente a estes aceites.

 

Aquí tedes un video relacionado co tema...

Tras el último hombre del bosque from FOTOSconLETRA on Vimeo.

 

A FORMULA 1, ¿DESPILFARRO OU INVERSIÓN? Autores: Iván Casado Arbore e Diego Pousa López

No noso traballo investigamos a Fórmula 1 en detalle,  por dentro, buscando sobre todo os beneficios que trae á tecnoloxía e aos coches de calle convencionais. Quixemos facer tamén unha comparación con outro deporte que move moitos cartos como é o fútbol e os os avances tecnolóxicos derivados deste, se os hai. Cremos que a xente pensa que a Fórmula 1 non serve para  nada e que é un despilfarro.  Pretendemos demostrar que a Fórmula  é un deporte máis barato que outros como o fútbol, e que aporta beneficios á sociedade, xa que moitos dos avances xurdidos como consecuencia de mellorar os resultados na Fórmula 1, despois se levaron os coches tradicionais, como por exemplo, os freos de disco. 

Distribuir contido