Skip to Content

Queremos ser o teu COLE!!

SOLICITUDE DE MÁSCARAS PARA O ALUMNADO

Estimadas familias,

Saiu  publicada a orde para a distribución de máscaras entre o alumnado.

https://www.xunta.gal/dog/Publicados/2021/20211112/AnuncioG0598-081121-0001_gl.pdf

O prazo de solicitude é do 15 ao 26 de novembro, unicamente de forma presencial no centro educativo.

A) NON TEN QUE PRESENTAR SOLICITUDE:

O alumnado beneficiario da axuda de material escolar no curso 2021-2022.

 B) TEN QUE PRESENTAR SOLICITUDE:

 

O alumnado que non foi beneficiario da axuda de material escolar no curso 2021-2022 que cumpra algunha das seguintes condicións:

 

- Que pertenza a unha familia cunha renda per cápita igual ou inferior a 6.000 €. 

- Alumnado matriculado en educación especial.

- Alumnado suxeito a tutela ou garda da Xunta de Galicia.

- Alumnado cun grao de discapacidade igual ou superior ao 65%. 

 

Aquí poden atopar o ANEXO I e ANEXO II 

APOIEMOS Á PALMA

Os coles de Cea e Irixo, e os Concellos de Irixo, Piñor e Cea están a organizar unha actividade solidaria na que poderán participar de forma voluntaria todos os memsbros das comunidades educativas.
Entre o día 2 e 5 de novembro poñeranse a disposición das familias, profesorado e alumnado plátanos de Canarias por a cantidade simbólica de 1€ por plátano. O alumnado que queira participar, de maneira excepcional, poderá traer o diñeiro para cambialo por esa froita, a cal, pódena consumir no cole ou levala para a casa.
Así mesmo recolleranse cartas e debuxos de ánimo. O recaudado e as cartas serán enviadas ao Concello de Los Llanos de Aridane.
 
 

Menú Escolar NOVEMBRO 2021

CONCURSOS DE SAMAÍN DO COLE DE CEA 2021

Chega o mes de novembro, o Samain e os concursos convocados polo EDL do centro, en colaboración coa Biblioteca Ramón Caride e a Radio Roxar. Este ano temos unha nova modalidade, ademáis das xa habituais. Podedes concursar con:

- Contos

- Banda Deseñada

- Debuxo

- Poemas

Podedes consultar as bases na seguinte ligazón : BASES CONCURSOS SAMAIN 2021

ABRE A BIBLIOTECA!!!

O próximo 25 de outubro abrimos as portas da vosa biblioteca escolar.

Por mor da covid non poderemos festexalo como nos gustaría: conxuntamente; así que iredes vindo consonte o horario estabelecido en cada grupo.           

                                 

En Primaria retomamos as "mochilas viaxeiras", que entregaremos en cada aula ao longo de semana, para que gocedes nas vosas casas de lecturas e filmes no tempo de lecer en familia.

Ao tempo, reactivamos o "pasaporte lector", que premiará as vosas lecturas cun pequeno agasallo.

Abrimos nesta data para coincidirmos (case, fallounos o festivo dominical, ui!) o Día das Bibliotecas, que se conmemora cada ano o 24 de outubro desde 1997, data da tráxica historia acontecida á biblioteca de Saraxevo durante a guerra dos Balcáns. Os esforzos por recuperar os restos da desfeita poden coñecerse nesta reportaxe de pouco máis de 6 minutiños:

Bosnia-Herzegovina: os libros rescatados de Saraxevo.

Os máis pequechos podedes entrar nestoutra ligazón, a un vídeo de animación no que se amosan as vantaxes e os perigos dos libros cando non saben usarse ao xeito:

El increíble niño comelibros.

E para os que prefiran a beleza plástica e musical, velaquí estoutra curtametraxe de animación:

Rachaelefo.

PLAN ADAPTACIÓN COVID CPI VIRXE DA SALETA- SETEMBRO 2021- version 5

Nova versión do PLAN DE ADAPTACIÓN AO CONTEXTO COVID do centro que compartimos con toda a comunidade educativa, onde se recollen novas MODIFICACIÓNS, nesta ocasión identifícanse de cor VERDE.

 

Menú Escolar OUTUBRO 2021

Información sobre pagamento do comedor escolar

Información abono das cotas aos usuarios que teñen que pagaro Comedor Escolar


Os usuarios do comedor escolar que teñen que pagar polo uso deste servizo  terán que cubrir e facer chegar á secretaría do Centro, dentro dos 5 primeiros días do mes seguinte ao que teñen que pagar, o impreso que se xunta indicando no mes correspondente, cun “X”, os días nos que a persoa usuaria non asistiu ao comedor escolar para así descontalos.

PDF: Impreso calendario comedor.

Calendario escolar 2021-2022

Este é o calendario escolar do curso 2021-2022 no Cole de Cea
  9 setembro inicio Infantil e Primaria 
15 setembro inicio ESO
O horario deste curso será como o do ano pasado: Entrada: 9.30h Saída: L-M 16.40h / M-X-V 15.50h Horario oficinas: 9.30h a 14.30h

 
 

Distribuir contido


by Dr. Radut