Música

GALERÍA DE IMAXES DO FESTIVAL DE NADAL 2014

Xa temos as fotos do Festival de Nadal 2014!!

Aproveitamos a ocasión para lembravos que voltamos o 8 de xaneiro

BOAS FESTAS E FELIZ ANINOVO 2015

 

De aquí para alá... con Lydia Botana

Aquí tedes unha galería de imaxes do concerto De Aquí para alá... co que gozamos moito. Foi no auditorio do Carballiño e compartimos xornada con nenas e nenos de outros centros da comarca.

NAS NOSAS MANS

Las Olimpiadas Más Animales. Proxecto Nas Nosas Mans. Explicar un proxecto como este a toda a comunidade educativa é un dos retos que nos plantexamos xa ao inicio, dous cursos atrás. En que se diferencia este, doutros proxectos anteriores? En que o plantexamento de base parte de ceder todo o protagonismo ao alumnado. Non só como mero receptor dos contidos se non como productor dos mesmos. Dende a elaboración do texto teatral, as correccións e valoracións dos mesmos. A dramaturxia e posta en escea, construcción do teatro e monicreques, dirección, producción, planificación dos ensaios, interpretación, escenografía.. Todo recae "nas súas mans". Cumprimos así a máxima da aprendizaxe por competencias: SABER, SER FACER. Traballamos o curriculum de tecnoloxía, lengua castellana, música, plástica e competencias como a social, cultural, lingüística, artística, a iniciativa e autonomía persoal. Como resultado deste estilo de aprendizaxe o nivel de motivación e implicación do alumnado aumenta ao sentirse non só parte se non centro de todo o proceso de aprendizaxe. Enfróntanse a un reto real que esixirá o mellor de todos eles. Algo que vai máis alá de superar unha asignatura: poñer a andar unha compañía teatral infantil que ten que estrear unha obra con data e lugar concreto. Iremos colgando na web e nas redes sociais vídeos de todo o camiño ata aquí e tamén, por suposto, o resultado.

Percusión de madeira

Que divertidos son os instrumentos de madeira. Con eles facemos ritmos rápidos e teñen ese timbre tan caribeño que nos encanta. As claves parécennos salchichas, pero xa sabemos como se colocan as mans para que sonen ben. As caixas chinesas recórdannos polo seu nome, a China. As maracas facémolas sonar ao ritmo de "patacas mamá" como fixemos no entroido. O güiro parece un peixe e as castañolas unhas castañas.

Percusión de parche

Chegou a quenda da percusión de parche. Explicamos a familia, o nome de cada un dos instrumentos, a técnica para tocalos e por suposto tocamos e escoitamos o seu son. Queremos compartir con vós na rede as fotos que fixemos para lembrarnos deles. O bombo, que é o máis grave da familia, o timbal é o seguinte, o tambor o máis famoso de todos, a pandeireta que tamén ten metal, o pandeiro é o amigo da pandeireta pero non ten ferreñas, os bongos que se tocan coas mans e a caixa que se toca coas baquetas da batería.

Os instrumentos de percusión de metal

Vimos de pasar un entroido moi musical onde o alumnado do noso centro tivo oportunidade de vivir dende dentro unha experiencia moi similar á do carnaval do Brasil. Construímos uns tambores con latas e unhas maracas con botellas de plástico. Descubrimos os sons agochados nos obxectos cotiáns. E na aula de música a experiencia continúa nas clases de infantil, explorando os instrumentos escolares de pequena percusión. Hoxe foi a quenda dos instrumentos de metal coas súas particularidades, como a do prato, o campión da duración; a pandeireta, que é de dúas familias; os cascabeis, co seu son que nos lembra ás panxoliñas de nadal ou o agogó, que nos lembrou ao ritmo de "quero pan con marmelada". Velaquí unha composición fotográfica.

O Entroido é o Carnaval

O Entroido é Carnaval é o lema da festa deste ano no noso centro. Como xa saberedes o Entroido é a entrada na primavera, o renacer da vexetación e tamén o principio da cuaresma cristiana. O Carnaval ven do latín carne levare é dicir, o comezo da época na que non se pode comer carne. Coa celebración deste ano queremos tender unha ponte entre o Entroido tradicional galego e o Carnaval máis famoso do mundo, o Brasileiro. Este vernes 28 ás 15:45h faremos unha batucada escolar que levamos traballando durante dúas semanas. O alumnado construiu maracas, tambores e baquetas con material de refugallo. Coa axuda dos PerQtores de Seixalbo faremos retumbar os cimentos do cole cos nosos ritmos. Queredes ensaiar na casa? Aquí tedes os ritmos. E tamén unha galería do xoves no recreo seguindo as ordes da Meca para vir disfrazados de profesións.

 

O Xogo da Carrasquiña

Dende 1964 cada 30 de xaneiro os centros educativos veñen celebrando o Día Escolar pola Paz e a Non Violencia, (DENIP) coincidindo co aniversario da morte de Mahatma Gandhi. Durante os días anteriores aproveitamos para falar ao noso alumnado da importancia dos valores que sustentan a nosa convivencia: o perdón, o pacifismo, o diálogo. E o propio día aproveitamos para celebrar con música e artes esta efeméride. Este 2014 a xornada rematou cun baile colectivo que simboliza a unión entre todos os membros da comunidade escolar. Escollemos unha danza cantada que fala de afectos, de cariños e de coidados, ao fío do noso proxecto O mapa das emocións. É un tema interpretado polo grupo Pesdelán titulado O Xogo da Carrasquiña, no seu disco Na Punta do Pé, publicado por Kalandraka. Aquí vos deixamos o vídeo para que xoguedes a atoparvos nel.

 

Ande ande ande, o cole de Cea

Ande ande ande, o cole de Cea, ande ande ande que hoxe está de festa. Así remataron os nosos Cantos de Nadal 2013 todos xuntos, alumnado e profesorado cantando para despedir o 2013. Xuntámonos no ximnasio, que é un lugar con non moi boa acústica, para botar unhas panxoliñas. Pero non hai nada que non solucione o entusiasmo e o bo facer das nenas e nenos do cole. E así foron sonando: The First Noel, dos de sexto, Vinde ver o neno con quinto de primaria, Con un sombreiro de palla co alumnado de segundo ciclo, Tan tan os do primeiro e un repertorio variado interpretado polos de Infantil. Todo enlazado cunhas presentacións super divertidas dos de 4º da ESO. Entre elas o gran éxito do sketch do ano pasado: O Sacho Antón, que pronto poderedes ver no youtube. A foto ilustra exactamente ese momento no que Jota e Crespo interpretan esa teletenda tan disparatada.

Distribuir contido